Izaía 32:16 - O Mikanda Ikola

¹⁶ O kutetuluka kua kà kala mu kikangalakata, o ubatuilu ua iuka ua kà kala mu mavu a idima.

Izaía 32:16 ပူးပေါင်းရင်းမြစ်များ

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 28:6

Jihova u kala ue muene unjimu ua uoso u xikama bhu kibhuna kia kufundisa milonga; muene o kimbaka kia oso a sota kuvutula jinguma katé bhu muelu ua sanzala.

Izaía 33:5

Jihova ua zangalala, kuma muene ua tunga ku matala; uezalesa Ziione ni kuiuka, ni kidi.

Izaía 35:8

Anga mua kà jikuka o kikoka ni njila, a kà ʼixana Njila Ikôla kifusa ka kà tena ku bhita-mu, maji ia kà kala ngó phala o mundu uê; o jingenji né-mbé kiá ioua, se a i tondala, vondadi iâ.

Izaía 42:11

Iphenza ioso ni madiembu mê Zangulenu dízui, ni tusanzala tuoso tua Kedale; oso a tunga ku matadi ele muene bulukutu ni ngalasa; nzôngo iâ a i tele muene ku thala-a-milundu.

Izaía 42:4

O muene ka kà fula, ka kà mu tolojola katé kia bheka o uiukilu mu ngongo; o ikolo ia kà kingila o ulongelu uê.

Izaía 48:18

Uaué! Tamanu ua bhele mátui ku ijila iami! O paze ié ieje kuila kala ngiji, o kulunga kué kueje kuila kala mabhuku ma Musanza ua Kalunga.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.