Izaía 32:14 - O Mikanda Ikola

¹⁴ Mbata dizemba dia kà xala ngundu, muxindu ua diembu ua-nda kubhua-ku; Ofele, ni tuthondo tua tungudita tua alangi, tua kà xala jingenda katé ku hádia, tu kala phala matonokenu ma mikete ku mukáu, ni makêla phala ibhaku,

Izaía 32:14 ပူးပေါင်းရင်းမြစ်များ

II Jisobha 25:9

Iú uoha o inzu ia Jihova ni inzu ia sobha, kumoxi ni jinzu joso mu Jeluzaleme; jinzu joso muene ja athu a makota ua jiʼoha mu túbhia.

II Malunda 33:14

Kia bhiti imiʼii, ua tungu o lumbu lua kanga lua mbonge ia Davidi, ku mbandu ia mutudila-kumbi ia Jihone, mu honga, bhua lulama ni muelu ua Mbiji, hé u kondoloka katé bhu Ofele, anga u lu tunga muene ni kitala kia lebha kiavulu; o mu jimbonge joso ja nguzu mua Juda ua te-mu jifixiiadi ja mazonda.

Nehemiia 3:26

Ateki a menha-phe ni aẋangi a jihuinhi ja Tembulu, a kexile mu Ofèle, a kalakala uâ hé a sukila ku pholo ia Muelu ua Menha ni kutunga, ku mbandu ia mutundila-kumbi, anga a zumbukila mbonge ia matala ia di leka.

Jisálamu 104:11

Kuene ku ua bhana kúnua o jixitu joso mu iangu; ni jijumendu ja mukáu ji bhuisa-bhu dinhota diâ.

Izaía 22:2

Mbanza iezala mikolekole, diembu diedi ni díene bulukutu, diembu di tumbujuka ni jingalasa? O imbi ié ioso ki iene kufua ku xibhata, mba ifua mu ita.

Izaía 24:10

Mbanza ia xala ngundu, kiki ió bula-bule, jinzo joso muene ja ku jika, ki bhuala dingi u tena kubokona.

Izaía 24:12

Mu mbanza mua xala ngoho ngunzu mu ngunzu; o mabhitu a budijika ni kubanza.

Izaía 25:2

Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.

Izaía 27:10

Kuma o mbanza ia di-fikidilʼoio, ia xala ubheka, ia kituka dibhata dia uʼehèlele, a i ambudisa mukuà ni kikangalakata; o tuana tua jingombe tua kà dila mueneʼomo, tua kà zeka mueneʼomo, anga tua kà butulula muene o jithangu jê.

Izaía 3:26

Ziione mielu ié ia kà kema, ia kà ta jingololo; o muene, ua kà xikama bhoxi mu mavu ni ku di kota.

Izaía 5:9

Nga kʼivu ni mátui mami, kia ki zuela Jihova dia Ilombo Ieta, uixi: Kutanga o kidi, nga-nda ku sengulula muene jinzu janzungule, katé ni mazemba mʼònene ma-ndu xala jingundu.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Izaía 7:23

O luamukuá ue, bhu kizuua kieneʼokio, kia kà bhita kuila ididi ioso, bhuoso bhu kala midi ia mivide, mu suilu ia midi ia itadi ia phalata, ia kà kalé ngoho isasa ia hatu ni misonge.

Jelemiia 14:6

Ni mikete ia mikáu i sambela ku ididi ia di leka, nʼa kuata ku fenha mulenge, mbambe ni mabheku; mesu mâ ma kengelela ma lembua, kuma iangu ki ia moneka.

Jelemiia 33:4

Mukonda Jihova, Nzambi ia Izalaiele, uambe kiki, ku jinzu ja mbonge iii, ni ku jinzu ja sobha ia Juda ja bulu ni matalabuku ni ku xibhata

Jelemiia 52:27

O sobha ia Babilonha anga ua a beta u a jibhila bhu Dibalah, mʼoxi ia Hamate. Kienhiki kiambata Juda mʼoxi iê, phala ku mu bheka ku ubhika.

Jelemiia 6:5

Balumukenu, tu bandienu ni usuku, tu lundumune o mazemba mâ.

Hozeia 2:3

Mbé eme ki ngi-ze ku mu zula, ni ngi mu tadike kala bhu kizuua kia mu vualele, hé ngi mu bhanga kala kikangalakata, ngi mu kitulula kala oxi ia kukuta, anga ngi mu fuisa ni dinhota.

Mikeia 3:12

Uila kiki, mukonda dienu, Ziione hádia a mu dima kala mukáu ua hatu, Jeluzaleme ua kà kituka jindunji ja matadi, o mulundu bhuala o inzu ienhiʼii, bhua kèla kala muxitu bhu thala ia milundu.

Sofoniia 2:15

Iii-phe iene o mbanza, o mbonge iadijimbi iala kutumbujuka ni ngalasa, ni ku di dielela iene, hé uia ni kuzuela mu muẋima uê, uixi: Eme ngó kuabhu, ki bhuala dingi nga soko-nê! Kiki-phe ueza ngúndu, ua biluka dinangu dia iama! Muthu uoso ubhita-mu, u diuuana! Uxika muphióphio, hé u bhabha ibhubhu!

Sofoniia 2:7

Ndundu ia kalunga ia kà kala iangene phala oso a subhuka ku muiji ua Juda, nʼaxalela momo; muene mua kà disila o ilunga iâ ia ibhaku; o mu ngoloxi a kà zekela mu jinzu ja Axikilone, mukonda o Jihova Nzambi iâ ua kà a zungila, o uíndua uâ ua kà u lungulula kuzediua anga u a tula dingi bhu kididi kiâ; o jihutile jâ ua ka ji vutula dingi kʼoxi iâ.

Luka 21:20

Jezú anga uamba dingi, uixi: Ki mu mona-phe Jeluzaleme a i kondoloka ni ifuẋi ia masoladi, ijiienu-kiu kuma kubuika kuê kua zukama.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.