Izaía 32:11 - O Mikanda Ikola

¹¹ Teketenu, enu mu ahatu mua di landuka, mu akua usudi; salumukenu, enu mu ana-ilumba, mua tunga mua soma; zulenu mu ende tuẋi-a-thakala, di-ẋiẋikienu kidinhaji mu inhonga.

Izaía 32:11 ပူးပေါင်းရင်းမြစ်များ

Jisálamu 123:4

Andeka okulu ni ku tu tobhesa katé kia tu kumu muene, muenhu uetu ua tate ni ku tu sekalesa kuala iá a nanga ngó mu ulalu; ni lusebu luala ku tu sebulula na-iu akua izala.

Makatukilu 33:4

O mundu-phe ki evu hundu iaiibha kiki, a kala ni mukondo; kana dingi muthu mudiâ ua di te makembu mê.

Izaía 15:3

A zuata idinhaji mu jinzunga jâ; ia kumbila ku matala, ia kumbila bhu itanda, ia dila-dila ni lujiji.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 2:21

Anga a kà di-suetesa ni ku di xinjika mu misula ia matadi, ni mu mitanji ia matadi a makota, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 20:4

Kiene ue o sobha ia Asídia kia kʼàmbata o jihutile mu Ijitu, ni iá a a balakala a tundu mu Itiiópia, ni minzangala ni adiakimi, nʼa ambata tuẋi-a-thakala, ni inama bhoxi, mataku mu kanga, phala Ijitu sonhi ji mu kuate.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 3:24

Kieneʼokio, o bhua kexe dizumba dia uabha, bhua kà bhingana kibuzu; bhu kididi kia phonda, mukolo kiá; bhu kididi kia kuinda kindemba, kuiza kiá dibhala; bhu kididi kia kizuatu kia dixala, bhu kala kiá ku di-suikika kidinhaji; bhu kididi kia kuuabha o pholo, a kà kituluka kala a jokota mu túbhia.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Izaía 47:8

Kiki-phe, ivua-kiu, eie ua kodiua ni ima ia uabha, ua tunga ua soma, eie uene mu kuila mu muẋima ué, uixi: Eme-muène ngó, kana-ku ua soko ni eme; ki nga-nda ku kala ngi mutudi, ki nga-nda kuijiia ue dilamba dia kufunda ana.

Jelemiia 4:8

Kala kiki zuatenu idinhaji, dilenu dikokolo, endenu ni kukumba mbata o kutema kua njinda ia Jihova ki kua tu eha.

Jelemiia 49:3

Dila kala kimbungu, eie Hexebone, kuma Hai a mu sengulula; di kodienu, enu mu anʼa Labáh, di kutienu idinhaji bhu kinhonga, tenu jingololo, muende ni kuimajana mu ikanzu; kuma Malkane ua-nda kuia ku ubhika kumoxi ni jinganga jé ni ilamba iê.

Jelemiia 6:26

Kilumba kia mundu uami, tata, dikute kidinhaji, u mbolomoke mu uthokua; tá muene ngololo kala ia kudila monʼumoxiʼèlele, ngololo ia malamba; mbata mubuikixi kua mu kambe ngó kofèle u tu sanga.

Hozeia 2:3

Mbé eme ki ngi-ze ku mu zula, ni ngi mu tadike kala bhu kizuua kia mu vualele, hé ngi mu bhanga kala kikangalakata, ngi mu kitulula kala oxi ia kukuta, anga ngi mu fuisa ni dinhota.

Jouele 1:8

Iú dila mukuâ ni kilumba kia muzeletete kia di kutu ni kidinhaji, mukonda dia diiala diê dia unzangala.

Amoji 4:12

Kala kiki, Eme-phe nga-nda ku ku bhanga kiki, eie Izalaiele ia kime! Muko-nda nga-nda ku ku bhanga kiki, di lunge-phe, Izalaiele, mu ku takana ni Nzambi ié!

Sofoniia 2:15

Iii-phe iene o mbanza, o mbonge iadijimbi iala kutumbujuka ni ngalasa, ni ku di dielela iene, hé uia ni kuzuela mu muẋima uê, uixi: Eme ngó kuabhu, ki bhuala dingi nga soko-nê! Kiki-phe ueza ngúndu, ua biluka dinangu dia iama! Muthu uoso ubhita-mu, u diuuana! Uxika muphióphio, hé u bhabha ibhubhu!

Matendelelu 28:48

Kala kiki, ni nzala, ni dinhota, ni tuẋi, ni kukala u ngadiama ia hatu, ima ioso i ku kamba, inda ua kà bhikila kiá o nguma ni nganga-sèse a-nda ku ku tumikisa-nê kuala Jihova Nzambi ié, muene anga u ku kuzula o kanga ia felu mu xingu, katé kiá ki u jima na-iu o mbutu.

Tiiaku 5:5

Mu ngongo mumu enu muenhu uenu uoso ua kudia ni kukemba, enu mua nete kiambote kala ibhaku ia xikamena kuia bhu dijibhilu.