Izaía 32:1 - O Mikanda Ikola

¹ Talesenu, kua-nda kukala sobha ua kà hinga unganga ua kuiuka, o ilamba iê ia kà tumina mu kidi ni kutetuluka.

Izaía 32:1 ပူးပေါင်းရင်းမြစ်များ

II Samuuele 23:3

Nzambi ia Izalaiele ua zuela ditadi dia Izalaiele muene ua ngʼambela: muthu u tumina athu mu uiukilu uê, ió u tumina mu uoma ua Nzambi,

Jisálamu 45:1

Muẋima ua ngi fulujuka ni maka mambote; ngi ta mukumbi uami ua kutanga maka a tokala ni sobha; dimi diami mukuâ ni pena iakuata hete ia kusoneka.

Jisálamu 99:4

Eie, ku ungana ué, uinda kufundisa kuambote; o ixi iasekalele, eie ua i fukula dingi kiengi; eie kufundisa kué mua Jakobo, kua kidi ni kutetuluka:

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 11:5

O kubatula kua iuka kuene kua kà di bhanga o phonda ia mbunda iê, o kidi kiene kia kà kala phonda ia kinhonga kiê.

Izaía 16:5

Mbata kua-nda kukala kiandu kia henda kia difikidila, o ku thandu diê, mu balaka ia Davidi, kuene kua kà xikama muthu ufundisa mu kidi, u sota o mulonga kiambote, anga u sakalala mu ku lungisa.

Izaía 28:6

Jihova u kala ue muene unjimu ua uoso u xikama bhu kibhuna kia kufundisa milonga; muene o kimbaka kia oso a sota kuvutula jinguma katé bhu muelu ua sanzala.

Izaía 33:5

Jihova ua zangalala, kuma muene ua tunga ku matala; uezalesa Ziione ni kuiuka, ni kidi.

Izaía 4:6

Anga bhua kà kala balaka, phala kilembeketa, mbé muzukuta ua muanha; ikala ue dilengelu ni disuamenu mbé kʼiza o kibhungu, ni mvula.

Jelemiia 33:14

Tala, izuua í iza, eme ngi Jihova, ki nga-nda kutenesa kizuelu kia iuka ki nga zuela ku mbandu ia dibhata dia Izalaiele ni dibhata dia Juda.

Jelemiia 33:15

Mu izuua ienhoio ni mu kithangana kienhokio ngi bhangesa kuila kua Davidi kusabhuka Luthangu lua Ubhe lua kulunga, muene anga ua kà fundisa mu kidi ni kuiuka mu ngongo.

Izekiiele 37:24

Anga o mubhikʼami Davidi muene ua kà kala sobha iâ, ene oso hé a kà kala ni mubidi umoxi ngó; anga a kʼèndela mu mabatuilu mami, enda ni kualuka o jingonge jami ni ku ji bhanga.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.