Izaía 31:4 - O Mikanda Ikola

⁴ Mbata Jihova kiene kia ngʼambelʼiki, uixi: Kala hoji ni monʼa hoji kia zulumina kulu dia mbole iê ia kuata, né-phe kiá a mu bhongolokela kuala kilunga kia abidi, mázui mâ ki ma mu titidisa ni kima; o kuvula kuâ ki ku mu kuata uoma: Kiene ue Jihova dia Ilombo Ieta ua kà tuluka mu zokela mulundu ua Ziione, ni kathuthu-lundu kê.

Izaía 31:4 ပူးပေါင်းရင်းမြစ်များ

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

Makatukilu 14:14

Jihova muene ua-nda ku mi bhangela, enu di xibhienu ngó.

Makatukilu 14:25

Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Izaía 10:16

Kala kiki, O Ngana, Jihova dia Ilômbo Ieta, ua kà bheka dibhèlu kua oso a nete muʼaxaxi kâ, o bhoxi dia kizunda kiâ ua kà uikabhu túbhia kala kitumba kia uama.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 30:30

Jihova ua kʼèvisa o fuma ia dízui diê, anga ua kà bhangesa kutala kia tulula o lukuaku luê ni kutemanana ni njinda, ni mulengo ua túbhia tuê tu buikisa, ni jinzaji ni dilúviu ni matadi ma mvula.

Izaía 30:32

Bhua kà kala jingoma ni jimbanza, bhu kuditenda kua dibambu dia mabatuilu a kà bhana Nzambi; nʼa ka bhânga muene mvunda ia temanana mu kúlua-nâ.

Izaía 42:13

Jihova ua-nda kutubhuka mukuâ ni kindanda; ua-nda ku di-ambatesa ni huii kala ki bhanga o dikuenze dieta; u kola, u ta kibulukutu kionéne, anga u tolola o jinguma jê.

Jelemiia 50:44

Talesa, umoxi uila kala hoji, uanda kubanda ni hungulule ia Njolodá, uendela dibhata dia dizonda, maji muʼanzanzʼumu nga-nda ku mu kaiesa-bhu; uoso nga mu solo eme muene ngi mu ta-bhu mu kuzoka-nê; mbata nanhi ua di fu nʼEme? Nanhi muene u ngʼixana eme mu kufunda? Nanhi muene o mubidi u tena kuimana bhu pholo iami?

Hozeia 11:10

Ene a kʼenda ni kukaiela jinga Jihova; muene ua-nda kukoma kala hoji; o kia koma, tuana tuoso tuene ku mufuila-kumbi a kʼèza ni kuteketa.

Amoji 3:8

Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Zakadiia 14:3

Jihova phe ua kà tunda mu kuzoka ni miji ienhiʼii, muene ua kà lua kala kiene kuzoka mu kumbi dia ita.

Zakadiia 2:5

O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.

Zakadiia 9:15

Jihova dia Ilombo Ieta muene ua-nda ku a xitila; akua kubhânga ni jimbalafunda a-nda kua kà a jikinisa anga a a titidila muene bhoxi; o manhinga mâ a kà ma nua kala vinhu; a-nda kua kèzala kala jímbia ja sata, a kèla muene kiololo kala bhu jithungi ja Kalatódio.

Zakadiia 9:8

Anga inzu iami nga kà i xitila mu jimbandu ku ifuẋi ia ita phala ki bhu bhite muthu mba u vutuka; phala o nguma mukua ku a bhondeleka, ka a bhite dingi ku thandu; mukonda o kiki nga di muena-kiu ni mesu mami.

Dijingunuinu 10:3

Anga u dikola ni dízui dia suina mukuâ ni kukumba kua hoji. O kia zubha kudikola, sambuadi dia inuminu ia tambuijila ni kimutendu.

Dijingunuinu 5:5

Kikulakaji kimoxi anga u ngʼambela, uixi: Ku dile. Tala! O Hoji ku muiji ua Juda, mukua Lundânji lua Davidi, ua tambula o kikoue, muène u lenda kubula o sambuadi dia kidimbu didi, ni kujikula o divulu diê.