Izaía 31:3 - O Mikanda Ikola

³ Kuma akua-Ijitu, ki Nzambi, kana, athu ngó; o jikabalu jâ, xitu ngó, ki nzumbi kana; o kioso Jihova kia kà sunununa lukuaku luê, ku tale o mukuatekexi uixi iú a mu mu kuatekesa, ene oso a kà di bhala bhoxi anga a kà buikila kumoxi.

Izaía 31:3 ပူးပေါင်းရင်းမြစ်များ

II Malunda 32:8

Muene uala ni lukuaku lua xitu, etu-phe tuala-nê, muene Jihova, Nzambi ietu, phala o ku tu kuatekesa ni ku tu luila o ita ietu. O mundu anga a tululuka kievu maka ma Ezekiia, sobha ia Juda.

Jisálamu 118:8

Kota kudielela kua Jihova, kana kudielela ku muthu.

Jisálamu 33:17

Kabalu makutu, ku mu dielela ku ita; o nguzu iê ni kulenga kuê, ki ku bhana muthu muenhu.

Jisálamu 9:20

A kuatese uoma, eie Ngana, u Jihova; mbé akua jixi a kʼijiie kuma ala ngó athu a xikamena kúfua. (Selah.)

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izaía 20:4

Kiene ue o sobha ia Asídia kia kʼàmbata o jihutile mu Ijitu, ni iá a a balakala a tundu mu Itiiópia, ni minzangala ni adiakimi, nʼa ambata tuẋi-a-thakala, ni inama bhoxi, mataku mu kanga, phala Ijitu sonhi ji mu kuate.

Izaía 20:6

Akua-bhata mu ixiʼoio, mu kizuua kiná, a kèla: Enu mala tua mudielelele, bhuezʼobho, ki tualʼiki tua-nda ku di tela dingi kua nanhi, u tu banda, phala ku tu kudila kua sobha ia Asídia? Ki tualʼiki tua kà bhulaka kiebhi?

Izaía 30:16

Mukonda enu-phe muambe, muexi: Lémbue! Sembele tua di te ku jikabalu ni tu lenge; kiene kia-nda ku mi lengesʼokio; muexi, tu mondala kiá jingelenge; kiene-phe kianda kusakalela ue o jinguma jenu mu ku mi bhesa o lusolo.

Izaía 30:5

Ene oso-phe sonhi ja kà a kuata muene, mu dielela athu ka bhandulula ni kima, dikuatekesu lémbue, dibhandulukilu lémbue, ki bheka ngó sonhi ni mondo.

Izaía 30:7

Kuma Ijitu ua-nda ku a banda ngó makutu; ka a bhandulula kima; o kienhiki nga ki kola kiá, ngixi: Inda mu ku di xibha, muene muala o nguzu ienu.

Izaía 36:6

Kifua nga mono kuma ua di-fiiala mbangala ia dianga dia tandukʼodio, Ijitu, uedi, se muthu uxamenena-ku kisuelele ki mu bokona bhu lukuaku anga ki tundidila; kiene kia soko ni Falaó, sobha ia Ijitu, kua ene oso a dielela kua muene.

Izaía 36:9

Utena-phe, kiebhi, se ua lémbua kukaia kilolo kimoxi ku ilôlo iôfele ia muadiami, ni u dielela Ijitu mukonda dia makalu mê ni amondadi a jikabalu?

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Jelemiia 15:6

Jihova uambe, eie ua ngi-xi, ua vutuka ku dima; kiene ki nga-nda kusununuina o lukuaku luami ku thandu dié hé ngi ku jikinisa; o kudielesa ue kua ngi kumu kiá.

Jelemiia 17:5

Jihova uambe kiki: Ua xixima o muthu u dielela ku muthu, hé o xitu iene mu kúfua u i kita luene o lukuaku luê, anga o muẋima uê u u katula kua Jihova.

Izekiiele 28:2

Eie monʼa iala, o kilamba kia Tilu mu tangele, uixi: O Jihova Nzambi uambe kiki: Mbata kuma o muẋima ué ua di zangeleka ni kuila, uixi: Eme ngi Nzambi, ngi xikama muene ku kialu kia Nzambi mu kaxiʼèlele ka musanza ua kalunga, hé o muẋima ué u u sokesa muene kala uene o muẋima ua Nzambi;

Izekiiele 28:9

Bhu mesuʼa iú uoso ua mu ku jibha, eie ua kʼèla hanji, uixi: Manhi eme ngi Nzambi? Maji eie u muthu ngó muene, ku Nzambi, kana, bhu lukuaku lua ió uoso u ku toma.

Amoji 2:15

Uambata mufula ka di fike kuila uà kèmana; ua lenguluka inama ue ka kà tena ku di kudila phala nʼa bhulaka, mba ngó bhuòfele-fele uoso ua sambela ku kabalu kuila ua kà bhulula muenhu uê, lémbue!

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.