Izaía 31:2 - O Mikanda Ikola

² Hanji-phe, muene njimu, o kiaiibha ua kà kʼixana muene, kioso kia zuela kà ki sondolola, kana; ua kà fundumuka phala kubalukila dibhata dia imbokoto, ni kubalukila dikuatekesu dia akua kubhanga ima kubhuma.

Izaía 31:2 ပူးပေါင်းရင်းမြစ်များ

Jobe 12:13

O Nzambi muene uala ni kuijiia ni nguzu; muene uala ni phangu-ni-ndongo, ni unjimu.

Jobe 12:16

O nguzu ni kuijiia iala ni muene; ene oso a mu tokala muene, ku tale uoso u tondala uixi ió uoso u tondalesa.

Jobe 5:13

Muene, o jingijiie u ji kuatela mu kuijiia kuâ; o kikutu kia isuéia, ka ki ehela.

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Izaía 14:20

Enhá ka-nda ku ku fundila-nâ kumoxi mu kina kia kalunga; mbata eie ua jikinisa oxi ié, o mundu ué èʼmuene, ua u jibha-jibha; o mbutu iʼakua ikuma ʼjina diâ dibhua-ku muene nzaká.

Izaía 21:17

O a subhuka ku mundu ua iá a kuatele mifula, o ilôlo ia anʼa Kedale, a-nda kutunuka muene, kuma kiene kia kiambe Jihova, Nzambi ia Izalaiele.

Izaía 22:14

Maji Jihova dia Ilômbo Ieta ua ngʼivisa-kiu mu mátui, uixi: Kikuma kiki, kana, ki nga-nda ku mi loloka-kiu, katé ki ki mi-dia muene o muenhu, eme Ngana, Jihova dia Ilombo Ieta, nga ki tange.

Izaía 28:21

Mbata Jihova ua kà balumuka kala ku mulundu ua Pelazime, anga ua kà thathamana kala kia bhangele mu dikôlo dia Ngibiione, phala kubhanga kikalakalu kiê, kia di tungula kene kuvudila ku ki bhanga, phala kuzubha o kibhangelu kiê kiokio kene ku vudila ku ki bhanga.

Izaía 28:29

Ima ioso iii muene, i tunda kua Jihova dia Ilômbo Ieta; kuma kulongesa kuê-muène kua madiuanu, o kikalakalu kiê u ki bhanga ni kuijiia kuavulu.

Izaía 30:3

Maji o undanda ua Falaó ua kà mi sonoesa o pholo, kia-nda ku di bhanga sonhi jenu kudielela mu kilembeketa kia Ijitu.

Izaía 30:7

Kuma Ijitu ua-nda ku a banda ngó makutu; ka a bhandulula kima; o kienhiki nga ki kola kiá, ngixi: Inda mu ku di xibha, muene muala o nguzu ienu.

Izaía 31:3

Kuma akua-Ijitu, ki Nzambi, kana, athu ngó; o jikabalu jâ, xitu ngó, ki nzumbi kana; o kioso Jihova kia kà sunununa lukuaku luê, ku tale o mukuatekexi uixi iú a mu mu kuatekesa, ene oso a kà di bhala bhoxi anga a kà buikila kumoxi.

Izaía 32:6

Mbata o seletete uzuela useletete uoso, o muẋima ue u bhanga ima ia kubhuma, ndunge iê o kubhanga mangonha, katé ni Jihova u mu tanga ibhengèle, ukakula mukua-nzala, o mukua-dinhota u mu kambesa o menha.

Izaía 45:7

O mukengeji eme nga u bhanga, o itombe eme ue nga i iudika; eme ngi bhanga o paze, eme ngi bhanga o kíbhidi; eme ngi Jihova, ngejiia kubhanga ima ioso iii.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Jelemiia 10:12

Jihova ua bhange oxi ni kutena kuê; muene ua xikika o ngongo mu kuijiia kuê, o diulu ua di zale ni kutongoloka kuê.

Jelemiia 10:7

Eie u Muenexi uavu ifuẋi ioso, mukuahi muene u kamba ku ku kuatela o uoma? Kuma eie ngó ua fuama ku ku kuatela o uoma; mbata muʼaxaxi ka jinjimu joso ja akua jixi, ni mu mautuminu mâ, kana-mu ua di fuangana nʼeie.

Jelemiia 36:32

Jelemiia hé u katula dilanda diengi, u di bhana kua Mbaluke, monʼa Nediia, o musoneki, iú ua sonekena-ku, ku dikanu dia Jelemiia, maka oso a divulu dioha Nzuakí, sobha ia Juda, mu túbhia; o kuene hanji kua di tele dingi maka a mukuá a di fu ni enhó.

Izekiiele 29:6

Anga ene oso a tunga mu Ijitu a kà kʼijiia kuila emeʼeme ngi Jihova, mukonda ene a di bhange mbangala ia dibubulu phala o muiji ua Izalaiele.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Sofoniia 3:8

Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.

Zakadiia 1:6

Né kienhókio, mbebhu o Maka mami ni itumu iami i nga tumikisa jinga eme ku abhikʼami, o jipolofeta, o jitata jenu ki ia a bhixila? Ene iá a vutula, exi: Kioso Jihova dia Ilombo kia xinganeka ku tu bhanga, kala kia tokala mu jinjila jetu, ni kia fuama o ibhangelu ietu, kiene muene kia tu bhange kiá.

Dialuilu 10:35

Kioso-phe ki katuka álaka, Mozé u zuela, uixi: Zanguka, u Jihova, jinguma jé, u ji muanganese; oso a ku zembe ua bhese lusolo.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Loma 16:27

Kua Nzambi imoxiʼ èlele, uejiia ioso, o fuma iendela kua Jezú Kristu, i kale iê-muène katé ku hadia ni hadia. Amén!

Josuué 23:15

O kiedi-phe, ima ioso ia uabha kiki mua i tambula muene, ioso ia mi ambelele Jihova Nzambi ienu, kiene ue kimoxi, Jihova ua kà mi bhekela ue o mabhebhu oso a ima ia iibha katé ua mi jimi mbutu, o ixi ia uabha ia mi bhele Jihova Nzambi ienu, anga mu i xa muene.

Juda 1:25

muène Nzambi imoxi ngó, Mubhuludi uetu a mu bhele fuma kua Jezú Kristu Ngana ietu, ni kujînga, ni kutumina, ni kusuina, tundé kuema dia kukala, ni kiki, katé ni ku hádia ni hádia.

I Samuuele 2:3

Kana kuvudisa dingi kuzuela kuenu kua ukumbu, ki mu tunde dingi ima ia izala mu kanu dienu, kuma Jihova muene Nzambi ia unjimu ni kuijiia, ima i bhanga athu Muene uene ku i pezala ku dipezalelu