Izaía 31:1 - O Mikanda Ikola

¹ Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 31:1 ပူးပေါင်းရင်းမြစ်များ

Dimatekenu 47:17

Anga eza ni ibhaku iâ kua Zuze; Zuze anga u a bhana kúdia mu ibhaku ia jikabalo, ni jimbudi, ni jihombo, ni jingombe, ni ji-jumento; ua a bhana kúdia mu ibhaku muvu uoso uenhó.

II Malunda 16:7

Mu kithangana kieneʼokio muene, Hanani mukua lumono ueza kua Aza, sobha ia Juda, uixi: Kuma eie ua dielela kua sobha ia Sídia, o kudielela Jihova, Nzambi ié, kana, kuabhu-phe o kifuẋi kia masoladi ma sobha ia Sídia kia ku sutunuka bhu maku.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Jobe 39:11

Inga u mu dielela muene mukonda dia nguzu iê ia vulu? Mba ikalakalu ié-eie u muʼehela-iu muene ku i bhanga kia tokala?

Jisálamu 20:7

Amoxi a di fiiala makalu a ita, amoxi a di fiiala jikabalu; etu-phe tu di fiiala dijina dia Jihova Nzambi ietu.

Izaía 10:17

Mbata mukengeji ua Izalaiele ua kà di bhanga kala túbhia, Dilemba diâ, ukituka mulengo, uene uximika hé u jikinisa o misonge iê ni ivunda iê mu kumbi dimoxi.

Izaía 2:7

Oxi iâ, iezala ni phalata ni ulu, jimbongo jâ ki jene mbambe; oxi iâ ue iedi ni jikabalu jinzungule, o makalu mâ kuvula kuahi.

Izaía 20:5

A kà bhuuama, sonhi ja kà a kuata, mukonda dia akua-Itiiópia, kidielelu kiâ, ni akua-Ijitu, a di bhange ene o thathe iâ.

Izaía 22:11

Mua kà bhanga ue ditangi bhuʼaxaxi ka imbaka iiadi, phala kubhaka o menha ma dijiia diòkuluʼodio, maji mua tokoka o kutala bhulu, kua ió ua bhange kiki, né ngó kusuua uoso ua iudika o ima iii tundé ku xiahulu.

Izaía 30:16

Mukonda enu-phe muambe, muexi: Lémbue! Sembele tua di te ku jikabalu ni tu lenge; kiene kia-nda ku mi lengesʼokio; muexi, tu mondala kiá jingelenge; kiene-phe kianda kusakalela ue o jinguma jenu mu ku mi bhesa o lusolo.

Izaía 36:6

Kifua nga mono kuma ua di-fiiala mbangala ia dianga dia tandukʼodio, Ijitu, uedi, se muthu uxamenena-ku kisuelele ki mu bokona bhu lukuaku anga ki tundidila; kiene kia soko ni Falaó, sobha ia Ijitu, kua ene oso a dielela kua muene.

Izaía 36:9

Utena-phe, kiebhi, se ua lémbua kukaia kilolo kimoxi ku ilôlo iôfele ia muadiami, ni u dielela Ijitu mukonda dia makalu mê ni amondadi a jikabalu?

Izaía 43:15

Eme ngi Jihova, Lemba dienu dia Vumu, Mubhangi a Izalaiele, ngi sobha ienu.

Izaía 5:12

Mu izokola iâ usanga ni tukóxi, ni tumbânza, ni tungoma, ni jingaieta ni vinhu; kene kusuua kikalakalu kia Jihova, mba ku tongolola ufunu ua ikalakalu ia maku mê.

Izaía 57:9

Anga uia ku dihamba dia Mulôko ni maji, o ima ia mazumba u i vudisa; u tuma jiphunga ku makanga, anga u di-tununa katé muʼalunga.

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Izaía 9:12

A-nda ku dianga o kuiza, akua Sídia; o kuema kua-naa kukaiela akua Fidíxia; anga a bhana mu kanu, Izalaiele hé a mu minha; ku thandu dia ima iosuʼiii o njinda iê ki i bhu, maji hanji kia sunununa lukuaku luê.

Izaía 9:13

Hanji-phe, o mundu iú ki u xikina kutolokela uoso ua mu beta, mba a sota Jihova dia Ilômbo Ieta.

Jelemiia 17:5

Jihova uambe kiki: Ua xixima o muthu u dielela ku muthu, hé o xitu iene mu kúfua u i kita luene o lukuaku luê, anga o muẋima uê u u katula kua Jihova.

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Jelemiia 37:7

Jihova, Nzambi ia Izalaiele uambe kiki: Sobha ia Juda ua mi tumikisa kokuami, phala ku mu jimbuluila, mua kà mu tangela kiki, muexi: Tala, kifuẋi kia masoladi a Falaó, a tundu mu Ijitu phala kuiza ku mi banda, kia-nda ku vutukʼé mu ixi iâ mu Ijitu.

Jelemiia 42:14

muexi: Kana, kota o kuietu ku ixi ia Ijitu, koko ki tua-nda kumona-ku dingi ita, mba tuà kʼevua mbimbi ia koloneta, mba tua kà kala ni nzala ia kudia inda tua kà kala kuneʼoko.

Izekiiele 17:15

Maji muene-phe ua mu bhukumukinʼé, iu ua tumikisa jiphunga ku Ijitu, mbé a mu tumikise jikabalu ni mundu uavulu; muenhó u bhanga ima iii, mbé u zediua hé u subhukʼé muene? Inga u bula o kikutu, u tena kusubhuka?

Izekiiele 29:16

O kudielela kua a dielela jinga o muiji ua Izalaiele ka-nda kukala na-ku dingi, mbebhu ka a bhekele o kuxinganeka o kikuma kiâ, kioso kia tala kuema diê; kota-phe, à kʼijiia, kuila emeʼeme ngi Jihova Nzambi iâ.

Daniiele 9:13

Uíndua uoso uòsoneke mu ngonge ia Mozé ua tu tula muene! Maji-phe hanji tua tokoka kumbolomoka bhu pholo ia Jihova Nzambi ietu, phala ni tu biluka hé tu bhana dikunda ku ikuma ietu, anga tu kuata kudielela ku kidi kiê.

Hozeia 11:5

O mu Ijitu ka-nda kuvutukila-mu dingi, maji mukua Asídia muene u kala sobha iâ; mukonda a di tunu kudiela.

Hozeia 11:9

Ki nga-nda kubhanga kia tumu o njinda iami; Ifalaíme ki nga-nda ku mu sengulula; mbata eme ngi Nzambi, ki ngi muthu, kana; kuma eme ngi Kôla muʼ ʼaxaxe kenu, ki ngene kuuabhela kuia ni kubuikisa.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Hozeia 7:7

Ene oso a tema kala forno, a jikinisa afundixiʼâ; jisobha jâ joso ja bhuku; muaxaxi kâ ki mua moneka dingi ngó muthu umoxi u di tenda koʼkuami.

Habakuke 1:12

Tunde mʼokulu Eie kʼemuene u Jihova, Nzambi iami, Ukôla? Ki tualʼiki, Ngana, ki tua-nda kufuila-bhu; kuma Eie Ngana, o muiji iú ua u te phala kufundisa ni kubatula, kiene ki ua ki bhangela, Eie u ndanji ia kidi, kuma muiji iú ua u xindi kienhiki phala kulonga.

Habakuke 3:3

Nzambi uijiia ku Tamane, ió Ukôla uijiia ku mulundu ua Palane. (Selah) Fuma iê iezalesa o diulu, o ixi ue iezala ni diximanu diê.

Zakadiia 10:5

Ene oso a kà di bhanga jingunza ja ita ji titidila jinguma jâ bhoxi, mu malôua a jinzunga; a kà bhanga undanda kuma ala ni Jihova; a kà tolola muene iá a mondala ku jikabalu.

Matendelelu 17:16

O muene-phe ka di vudixile jikabalu; kana kuvutukisa o mundu mu Ijitu, mu kuvudisa dingi jikabalu; mukonda Jihova ua mi ambela, kuila: Njila iii ki mungu dingi mu i vutukila.

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.