Izaía 30:8 - O Mikanda Ikola

⁸ Ndé-phe kiá kindala, u ki soneke ku dibaia, ki kale ku mesu mâ, u ki notala ue mu divulu; phala ki kale kiosoneke, ki xalele kienhiki katé mu thembu ia kéza-ku, ku hadia ni hadia, ki nangenene muene.

Izaía 30:8 ပူးပေါင်းရင်းမြစ်များ

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Izaía 34:16

Sotenu mu divulu dia Jihova, mu tange ima ioso iii ki bhuala ki kamba kukumbidila, iene ioso muene ia-nda kubhita; kuma dikanu dia Jihova dia ki tange, o Nzumbi iê iene ia kà i bhongolola.

Izaía 8:1

Jihova ua ngʼambela dingi, uixi: Kuata dibaia dionéne, u di soneke ni usonekenu ua lomboloka: A lengela ku madibhundila, a lengulukila ku mbole.

Jelemiia 23:20

Njinda ia Jihova ki ia kà somboka, katé muene ia kà bhanga ni ku kumbidila ioso ia mu tumu muẋima uê; ku izuua ia kà sukaku, ima iii ia kà mi lombolokela kiambote.

Jelemiia 30:2

Jihova, Nzambi ia Izalaiele, ua zuela kiki, uixi: Maka oso u ngene ku ku tangela, soneka-u mu divulu.

Jelemiia 36:2

Katula dilanda dia divulu nda u soneke muenhomo o maka oso u ngène ku ku zuelela, a tokala Izalaiele, ni a Juda, ni a jixi joso tunde mu kizuua ki nga kuzuelela eie, tundé mu izuua ia Joziia ndú mu lelu.

Jelemiia 36:4

Kienhókio Jelemiia anga uixana Mbaluke, monʼa Nediia; Mbaluke anga u soneka maka moso ma Jihova ku dikanu dia Jelemiia, mu dilanda dia divulu, oso a mu tukulukilile na-u muene.

Jelemiia 48:47

Maji kua kà suka izuua, kikexilu kia Mouabhe nga kà ki lungulula, jihutile jê ja kà vutuka dingi, mu kizuua kia sukidila, Jihova ua ki tange katé bhabha bhene bhua suku o difundisilu dia Mouabhe.

Jelemiia 51:60

Jelemiia hé u soneka mu divulu dibhebhu dioso dia-nda kuiza ku thandu dia Babilonha; maka oso enhá òʼsoneke kiá ku mbandu ia Babilonha.

Izekiiele 38:16

Anga eie ua kà banda mu kúlua ni mundu uami ua Izalaiele, mukuâ ni dituta phala kuvungina o ixi iami iene, mbé o akua jixi a tene ku ngʼijiia eme, kioso eme ki nga-nda ku di kolêsa, bhu mesu mâ, eie u Ngongo, tata!

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Habakuke 2:2

Bhenhobho-phe, Ngana ua ngʼitaia, uixi: Kisunji ki ua mono, soneka na-kiu; u ki seta muene ki lomboloke kiambote ku mabaia, phala a tene ku ki tanga, né hanji ku muthu ua mu lenga lusolo.

Dialuilu 24:14

Kiki-phe, ngiia kiá koʼkuetu; imana-phe, ngi ku tangele kioso o kifuẋi kiki ki kia kà bhanga ku kifuẋi kié izuua ia hádia.

Matendelelu 31:19

Kindalʼiki-phe, enuʼenu di sonekenienu o mukumbi iú, muende ni ku u longa anʼa Izalaiele; tenu-u mu kanu diâ, kuma uene hádia u nga-nda kuelesa-na-u anʼa Izalaiele, uene u ngi kala mbangi iami mu ku a elêsa.

Matendelelu 31:22

Mozé iu ua soneka o mukumbi iú mu kizuua kienhókio, anga u u longa anʼa Izalaiele.

Matendelelu 31:29

Mbata eme nga kʼijiia kiambote muene kuila o ki ngi zubha o kúfua, enu kidi-èlele muene mua-nda ku di xidisa, o njila i nga mi xindilile mua-nda ku i a bhuka hé mu i xisa. Hádia-phe mu izuua ia kʼeza-ku divuua dioso dienhidi dia-nda ku mi tula muene, se Jihova mua mu bhange phulu, mu ku mu lokalala ni ikalakalu ia maku menu anga mu mu thathamesa.

Matendelelu 4:30

O mu kaẋi ka dilamba dié, mu kuila uíndua ua kutula kiá, ima ioso iii ia kuiza, ku ua kà sukʼoko ua kà lungulukila kiá kua Jihova Nzambi ié, anga ua kà mu tumaka dingi o dízui diê.

I Timote 4:1

O Nzumbi ia Nzambi ua ki ambe ni kujimbuluka kuoso kuma, mu jithembu ja sukidila, sai athu a kà jimbila o kuxikana. A kà kaiela jinzumbi ji sendula, ni maulongelu ma madimonho.

II Phetele 3:3

Mu dianga-phe ku kʼijiia, kuma mu izuua i sukidila-ku, kua kà kala athu enda kioso kia a tumu jihânji jâ. Enhá a kà mi bhanga kasekelu ni kuila:

Juda 1:18

Ene a mi ambela, exi: Mu izuua i sukidilà-ku, hinu kua kà kala jisemenhi jenda ni ku mi bhanga kasekelu, athu enda kioso kia a tumu jihânji jâ ja kubhuma.