Izaía 30:7 - O Mikanda Ikola

⁷ Kuma Ijitu ua-nda ku a banda ngó makutu; ka a bhandulula kima; o kienhiki nga ki kola kiá, ngixi: Inda mu ku di xibha, muene muala o nguzu ienu.

Izaía 30:7 ပူးပေါင်းရင်းမြစ်များ

Jobe 9:13

Nzambi ka kà fudisa kutema kuê o akuatekexi a di zangeleka a kà bhetamena muene bhoxi.

Jisálamu 87:4

Ngi tungula-bhu Lahaba ni Babilónha, ku iá oso a ngʼijiia; iala-ze! enu mu Fidíxia, ni Tilo, ni Etiiópia, a kà mʼila, exi: Iú ni iú kuene kua tundu mukonda kuene kua a vuala.

Jisálamu 89:10

Mudikixi ua mu diota-diota, kala ua mu kuamena kúfua; o nguma jé ua ji muanga-muanga ni lukuaku lué lua nguzu.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Jisabhu 25:19

Kudielela dikamba dia miẋima iiadi, mu thembu ia kubhindama, kia soko ni kudielela kixinji kia dizu, mba kudielela kinama kia sokomoka.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izaía 2:22

Kala kiki-phe, o muthu uala ngoho ni mulenge ua kubhuimina mu dizulu diê, mu sondolokienu. Mukonda muene ue a mu ximana ni kima kiahi?

Izaía 20:6

Akua-bhata mu ixiʼoio, mu kizuua kiná, a kèla: Enu mala tua mudielelele, bhuezʼobho, ki tualʼiki tua-nda ku di tela dingi kua nanhi, u tu banda, phala ku tu kudila kua sobha ia Asídia? Ki tualʼiki tua kà bhulaka kiebhi?

Izaía 28:12

Athu enhá ua ambela: Didi diene o dinhohenu, bhanenu-diu uoso ua bhuila; o kuku kuene o kutululuka; ene-phe nguâ kuívua.

Izaía 30:15

Kuma kiene kiambe Muadi Jihova, ʼLemba dia Izalaiele, uixi: Se muedile mu vutuka anga mu ximbakata, mueje ku bhuluka; mu kudielela ni mu kuximbakata, kieji ku mi bhekela uzonda, enu-phe nguenu.

Izaía 30:5

Ene oso-phe sonhi ja kà a kuata muene, mu dielela athu ka bhandulula ni kima, dikuatekesu lémbue, dibhandulukilu lémbue, ki bheka ngó sonhi ni mondo.

Izaía 36:9

Utena-phe, kiebhi, se ua lémbua kukaia kilolo kimoxi ku ilôlo iôfele ia muadiami, ni u dielela Ijitu mukonda dia makalu mê ni amondadi a jikabalu?

Izaía 51:9

Phaphumuka, phaphumuka, u maneke ukuenze, eie u lukuaku lua Jihova; phaphumuka muene kala mu thembu ia xahulu, kala ki ua bhanga jinga mu miji iòkulu. Abha, ki eie-muène ua batujula Lahabe, anga unemeka o mudikixi?

Izaía 7:4

U mu ambela kuila: Aiuka, u ximbakate, ku kale ni uoma, ku bhuile muẋima ki u mona o tu-iẋinji tuiadi tua ibunji ia mu xongota, mukonda dia kutemanana kua njinda ia Lejime sobha ia Sídia, ni ia monʼa Lemadiia.

Jelemiia 37:7

Jihova, Nzambi ia Izalaiele uambe kiki: Sobha ia Juda ua mi tumikisa kokuami, phala ku mu jimbuluila, mua kà mu tangela kiki, muexi: Tala, kifuẋi kia masoladi a Falaó, a tundu mu Ijitu phala kuiza ku mi banda, kia-nda ku vutukʼé mu ixi iâ mu Ijitu.

Kuditenda 3:26

Kima kiambote o ku kala ni kudielela, ni kuxibhidila sé jibuia o kubhuluka ku tunda kua Jihova.

Hozeia 5:13

Kioso Ifalaíme kia mono o uhaxi uê, ni Juda kia mono dibhebhu diê, Ifalaíme ua bande kusota Asídia, ua tumu muene jiphunga kua sobha Jalebe, phala nʼa tene ku a kudila; maji muenephe ka tena ku mi saka, né ngó ku miʼlula o dibhebhu dienu.