Izaía 30:6 - O Mikanda Ikola

⁶ Muzambu ua iama ku sulu: ku ixi ia mukondo ni jingongo a kàmbata jimbongo jâ a ji tuika ku makunda a tujumenda, umvama uâ a kà u ambatela ku milumba ia jikamelu, aia kubheka ima ioso iii ku athu ka tena ku a bhandulula ni kima, muene Ijitu.

Izaía 30:6 ပူးပေါင်းရင်းမြစ်များ

Dimatekenu 12:9

Mbalamu anga u kuata dingi mu kuenda, u lunga ku mikáu ia sulu (ku Nengebe).

I Jisobha 10:2

Anga u bhixila mu Jeluzaleme ueza ni kifuxi kia dikota; ni jikamelo kua longo ima ia kutoua ia mazumba, ni ulu ua nzungule, ni matadi a te kiavulu; hé uiza kua Solomá anga u mu zuelela ioso ia mu kexile ku muẋima uê

II Malunda 16:2

Kieneʼokio-phe, Aza u katula phalata ni ulu, mu dibhakelu dia jimbongo ja inzu ia Nzambi, ni ja inzu ia sobha, anga u u tumikisa kua Bene-Hadade, sobha ia Sídia, ua tungile mu Damasku, uixi:

II Malunda 9:1

O Sobha ia muhatu, ia Saba, kioso kievu o fuma ia Solomá, uiza mu Jeluzaleme, mu kulola Solomá, ni jihengele, anga uiza ni kifuẋi kia dikota kia mu kuenda na-kiu, ni jikamelu jambata imbamba ia matunda ni ulu ua vulu ni jiphelu ja nzaji; hé uiza kua Solomá, anga uzuela-nê muene ima ioso ia mu kexile ku muẋima uê.

Jobe 39:11

Inga u mu dielela muene mukonda dia nguzu iê ia vulu? Mba ikalakalu ié-eie u muʼehela-iu muene ku i bhanga kia tokala?

Makatukilu 1:14

Anga a a ludisa o muenhu uâ ni ubhika ua vulu kaxtiku, mu kutophola mavu, ni kʼumba jindobhi, ni ikalakalu ioso ia mábhia; mu ikalakalu ioso, a a bhikisa jinga kiaiibha ni kuazukutisa.

Izaía 14:29

Eie Fidíxia ku sanguluke, kuile uixi, mbangala ia kexe ku ku kuama lelu ia bukujuka; kuma bhu kixina bhua tundu o nhoka, bhua kà tunda dizuua-mbinga, o kibundu kiê-phe, njiiu i tukila kuása.

Izaía 15:7

Kienhiki nzungule ioso ia bhongoluele, ni ia lundile, ioso iii a kà iambata mu kahonga ka misalakelu.

Izaía 19:4

Eme-phe nga kà bhakula akua Ijitu bhu maku ma ngana iatemanana; sobha i kala ndaxi, muene ua kà a tumina; kiene kiambe Ngana, Jihova dia Ilômbo Ieta.

Izaía 35:9

Muenhomo ki mua kà batuila hoji, né kiama kia makandaʼ ngu ki ki kutuka-mu, o kiene ue ku ki sange-mu; maji ió ngó oso a a kula ene à kendela-mu.

Izaía 5:30

A kà a tela nzôngo bhu kizuua kieneʼokio, kala kinuminu kia menha a kalunga, se bhu kala muthu u tala mu kanga, ua kà mona ngó kuvunda, ni mukondo; o mukengeji ua kà biluka kitombe mu jingundu jâ.

Izaía 57:9

Anga uia ku dihamba dia Mulôko ni maji, o ima ia mazumba u i vudisa; u tuma jiphunga ku makanga, anga u di-tununa katé muʼalunga.

Izaía 8:22

O kia tala mu ngongo, a mona-mu mukondo ni kitombe kila muene buí, o mu thulu mua kà a xita ni kikote, anga aia ni ku a lundujuila mua vundu, muedi buí.

Jelemiia 11:4

kikutu ki nga tendelela o jitata jenu mu kizuua ki nga a katula mʼoxi ia Ijitu, mu kidijiku kia felu; ngixi: Bhanenu mátui ku dízui diami, muende ni kubhanga kioso ki ngi mi tuma; enu-phe mua-nda ku ngi kala mu mundu uami, eme ue nga-nda ku mi kala ngi Nzambi ienu:

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Izekiiele 20:46

Eie monʼa muthu, o pholo ié talela na-iu ku njila iia ku sulu, o maka mé lunduluila-u mu kuzoka ni sulu, u zambule mu ku bilukila o ditutu dia mukáu ua Sulu.

Hozeia 12:1

Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Hozeia 12:2

Jihova hádia uiza mu kufundisa ioso iene mu kubhanga Juda; o Jakobo a kà mu bhana kaxtiku kala kia fuama o uendelu uê; a kà mu futa muene kala kia fuama o ibhangelu iê.

Mikeia 6:14

Ua kà dia, maji ua kà lémbua kuikuta, o nzala ia kà ta kibuta mʼonzo ié, (moxi dié mua ká kuizala ni sonhi); ku jimbote ji u mona, ua kà kala ngó u muzangi, kubhake kana; o ioso i ua kà bhaka, eme nga kà i bhakula ku xibhata.

Zakadiia 6:6

Dikalu kuala tubalu tu xiketela dia mu tunda ku ixi ia thunda; o dia tubalu tu zela dia mu kaiela kuema diá; o dia tubalu tua kiphembe dia mu tunda ku ixi ia Sulu.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Dialuilu 21:8

Jihova anga u ambela Mozé, uixi: Iudika ue nhoka ia túbhia, u i tudike ku muẋi; ki bhita-phe kuma uoso a mu numata, kia tala-ku, u bhuluka.

Matesu 12:42

Sobha ia Sulu ia muhatu mu kizuua kia kufundisa ua kà balumuka mu ku funda ni muiji uenhú, nʼa u belesa; mbata muène ua tundile kua suku oxi, hé uiza mù kuivua o unjimu ua Solomá. Bhenhabha-phe sai-bhu ni iú ua tundu Solomá!

Matendelelu 17:16

O muene-phe ka di vudixile jikabalu; kana kuvutukisa o mundu mu Ijitu, mu kuvudisa dingi jikabalu; mukonda Jihova ua mi ambela, kuila: Njila iii ki mungu dingi mu i vutukila.

Matendelelu 4:20

Mukonda enu Jihova ua, mi solo iu ua mi tombola mu folno ia felu mu Ijito phala mu kale mu mundu uê ua mi lundula mu ubhinganu, kala ki kia di monekena leluʼiki.

Matendelelu 8:15

Kuma Muene ua mi endesa mu kikangalakata kiosuʼokio, kikangalakata kia dikota ki kuatesa uoma, kiezala jinhoka ja uama túbhia ku maju, ni jinvuanga, ixi ia kikaku, ia bhingi menha ka moneka, anga a ku katuila menha ku ndanji mu ditadi phala eie kúnua.