Izaía 30:3 - O Mikanda Ikola

³ Maji o undanda ua Falaó ua kà mi sonoesa o pholo, kia-nda ku di bhanga sonhi jenu kudielela mu kilembeketa kia Ijitu.

Izaía 30:3 ပူးပေါင်းရင်းမြစ်များ

II Jisobha 18:21

Eie-phe ua dielela Ijitu, o mbangala ia bukukʼoio, ia bhingi se muthu u i kuata ni nguzu mu ku sota kudi-fikidila, iene i mu bokuena bhu kanda dia lukuaku hé i mu tundila ku kanga? Kiene-zʼiki kiala Falaó, sobha ia Ijitu, phala oso a mu dielela muene.

Jisálamu 108:12

Tu bande, Ngana, phala tu lende o jinguma; kuma o ku di banda kua athu, kingoho!

Jisabhu 25:19

Kudielela dikamba dia miẋima iiadi, mu thembu ia kubhindama, kia soko ni kudielela kixinji kia dizu, mba kudielela kinama kia sokomoka.

Izaía 20:5

A kà bhuuama, sonhi ja kà a kuata, mukonda dia akua-Itiiópia, kidielelu kiâ, ni akua-Ijitu, a di bhange ene o thathe iâ.

Izaía 20:6

Akua-bhata mu ixiʼoio, mu kizuua kiná, a kèla: Enu mala tua mudielelele, bhuezʼobho, ki tualʼiki tua-nda ku di tela dingi kua nanhi, u tu banda, phala ku tu kudila kua sobha ia Asídia? Ki tualʼiki tua kà bhulaka kiebhi?

Izaía 36:6

Kifua nga mono kuma ua di-fiiala mbangala ia dianga dia tandukʼodio, Ijitu, uedi, se muthu uxamenena-ku kisuelele ki mu bokona bhu lukuaku anga ki tundidila; kiene kia soko ni Falaó, sobha ia Ijitu, kua ene oso a dielela kua muene.

Jelemiia 2:36

Eie ua tutumbilahi kiosuʼokio ni ku lungulula njila iê? Ni ku Ijitu kuenhoko a-nda kua ku kuatesa jisonhi, kala kia ku kuatesele-ju ku Asídia.

Jelemiia 42:18

Mbata Jihova dia Ifuẋi, Nzambi ia Izalaiele, uambe kiki: Kala kia lunduluka o njinda iami ni kutema kuami ku thandu dia iá a tungile mu Jeluzaleme, kiene kia-nda kulunduluka o kutema kuami ku thandu dienu, se mu bokona mu Ijitu; anga mua kà kituka mu akua mázui, mu kidiuanu, enhoso a mi zemba, mu kala mu akua lusebu, o kididi kiki, ki mungu dingi mu ki mona.

Jelemiia 42:22

Kikiphe ijiienu-kiu mu kidi, kuila, ku xibhata, ni ku nzala, ni ku dibhebhu, kuene ku mua-nda kua kâ fuila, mu kididi kiene ki mua bhindamena ku bokona phala kunhunganena-mu.

Jelemiia 46:25

Jihova dia Huxi, Nzambi ia Izalaiele, uixi: Talesa, Amoni dia Nó nganda ku mu zungila, ni Falaó, ni Ijitu ni jinzambi jâ, ni jisobha jâ; ni Falaó muene, ni oso a dielela kua muene.

Izekiiele 29:7

Ene kioso kia ku kuata bhu lukuaku, eie ua budika, eie ua a ẋuua o kisuxi kioso, o ene, kiedi, zá tu xamenene kokuʼé, ua bukuka, eie ua bhangesa kuila o miongo iâ ioso ia lémbua o ku di zambesa.

Hozeia 10:6

Asídia ue a kà mu bhakula kala ujitu kua sobha Jalebe. Ifalaíme ua-nda kubonga malebhu, o Izalaiele sonhi janda ku mu kuata mukonda dia mahamba mê.

Loma 10:11

Kuma o Mikanda Ikôla iambe: Uoso u mu xikana muène, kà ka kuata jisonhi.

Loma 5:5

O kudielela kuku-phe ki ku tu kuatesa jisonhi, mukonda o henda ia Nzambi ia tu nokena mu miẋima mu nguzu ia Nzumbi Ikôla a tu bhana-nê.