Izaía 30:2 - O Mikanda Ikola

² Hé a kulumuka mu Ijitu, kene ku ngʼibhula dingi kioso ki tunda mu kanu diami; a bhangela ku di-fikidila ni undanda ua Falaó, phala kudielela o kilembeketa kia Ijitu.

Izaía 30:2 ပူးပေါင်းရင်းမြစ်များ

I Jisobha 22:7

Kuala-phe Jozafate: Kunu kana-ku hanji dingi polofeta ia Ngana, ni tu tena ku mu ibhula?

II Jisobha 17:4

Maji o sobha ia Asídia kia muedi sui, ua mu mono kuila ua-nda ku mu tunda ufe, mukonda Ozeia ua tumikisa jiphunga kua Só, sobha ia Ijitu, o kufuta ue o mubhaku, kua sobha ia Asídia, ku muvu ni muvu kala kia kexe mu kubhanga jinga, ua ki eha; o sobha ia Asídia-phe kia ki mono, ua mu kutu iú ua mu jikila mu kiboiongo.

II Jisobha 18:21

Eie-phe ua dielela Ijitu, o mbangala ia bukukʼoio, ia bhingi se muthu u i kuata ni nguzu mu ku sota kudi-fikidila, iene i mu bokuena bhu kanda dia lukuaku hé i mu tundila ku kanga? Kiene-zʼiki kiala Falaó, sobha ia Ijitu, phala oso a mu dielela muene.

Izaía 16:3

Sota kaiula, bhanga ima ia tetuluka, iudika kilembeketa, mbé kitua muanha ua mediia, kile muene kala mu usuku; kondeka oso a a balakala, oso ala kusota bhuoso bhua nhohena, eie kana ku a tungununa.

Izaía 18:1

Lamba dia oxi ia te dizumbila dia jimvela jê kala mabhabha, ku masâmbua ma jihonga ja jingiji ja Itiiópia.

Izaía 36:6

Kifua nga mono kuma ua di-fiiala mbangala ia dianga dia tandukʼodio, Ijitu, uedi, se muthu uxamenena-ku kisuelele ki mu bokona bhu lukuaku anga ki tundidila; kiene kia soko ni Falaó, sobha ia Ijitu, kua ene oso a dielela kua muene.

Izaía 36:9

Utena-phe, kiebhi, se ua lémbua kukaia kilolo kimoxi ku ilôlo iôfele ia muadiami, ni u dielela Ijitu mukonda dia makalu mê ni amondadi a jikabalu?

Izaía 8:19

Kioso ki a mi ambela: Tenu mizambu, ibhulenu akua kuxingila, ni imbanda, akua kuzuelela ku mazu ni ku di-ngunguina, o mundu mbé ki uibhula kua Nzambi iâ? Manhi kibhidi kia kuata athu a muenhu, mu kʼibhula kua iá a fu kiá?

Jelemiia 2:18

O ki tualʼiki-phe njila ia Ijitu uala na-iu ni kima kia-hi, phala kunua menha ma Sihole? ni njila ia Asídia uala na-iu ni kima kia-hi, phala kunua menha ma ngiji?

Jelemiia 21:2

Nga ku diondo, tu zuelesele Jihova u mu ibhule kiambote, kuma Nabukodonozolo, sobha ia Babilonha ua mu lua ita ni etu, sumba-phe, Jihova u tu fikidila, kala kia tokala ukalakelu uê ua madiuanu, nʼa tu sondoluele-nê.

Jelemiia 37:5

O kifuẋi kia masoladi a Falaó, anga ki tunda mu Ijitu; o kioso akua Kaldeia a kondolokele Jeluzaleme ni ku mu xita mu jimbandu, kievu njimbu iii, a lenga hé Juluzaleme a mu xa.

Jelemiia 42:14

muexi: Kana, kota o kuietu ku ixi ia Ijitu, koko ki tua-nda kumona-ku dingi ita, mba tuà kʼevua mbimbi ia koloneta, mba tua kà kala ni nzala ia kudia inda tua kà kala kuneʼoko.

Jelemiia 42:2

Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Jelemiia 42:20

Mukonda enu o mienhu ienu mua i tobhesa, kuma mua ngi tumikisa kua Jihova, Nzambi ienu, muexi: Tu sambele kua Jihova, Nzambi ietu; o iene ioso muene i ku tangela Jihova Nzambi ietu, iene muene eie i u tu tangela, etu ni tu i bhange.

Jelemiia 43:7

Anga a bokona-nâ mu Ijitu, mukonda nguâ kutumaka o dízui dia Jihova, anga eza katé bhu Tafane.

Kuditenda 4:20

O na tudilu dia kubhuima kuetu a tu ûndila-nê kua Jihova, a mu kuatela mu madiela mâ; o muene-phe, muene tua mu edile, tuixi; né kiá ki tu bhinga ku xalela muʼaxaxe ka akua jixi, tua kà kala mu kilembeketa kia muene.

Hozeia 7:13

Lamba diâ! kia ngi balukʼokio! Kibuika kia a tula muene! mbata a ngi bhukumukina; Eme nga a kula, maji ene a ngi tatela ima ia makutu.

Hozeia 8:10

Né-mbe-phe ene a ta mauenji muʼaxaxe ka akua jixi phala kuia ni ku a kuatekesa, eme nganda ku a bhongolola; kuma andeka-ku kiá o kubhondalala ni kutunuka mukonda dia sobha ni ilamba ala ku a phopheka.

Hozeia 8:9

Mbata a bandele ku Asídia mu kukuata-nê ukamba; ua di bhange mukua ni mukete ku milundu ubheka uê mu ku dʼimanena; maji Ifalaíme uala kuta uenji ua jisaii.

Dialuilu 27:21

Muene uimana bhu pholo ia nganga Eleazale, o ió u kala mu ku mu zambuila, muzambu ua Udimi kua Jihova, hé bhu kala kutunda, kizuelu ki tunda kua muene; hé bhu kala kubokona, kizuelu ki tunda kua muene; ni muene ni ana oso a Izalaiele kumoxi, kilômbo kiê kioso.

Matendelelu 28:68

Jihova ua kà mi bhangesa ku vutukila dingi ku Ijitu mu jinaviiu, ku njila iene ia kuambelele kiá, kuila: Njila iii ki mungu dingi u i kengelela. Kuenhoko-phe mua kà di bhakula ku jinguma jenu, muexi: Tu sumbienu phala tu kale tu abhikʼenu a mala ni abhikʼenu a ahetu, maji muthu ua kà mi sumba ka kà moneka.

Josuué 9:14

Athu-phe kia tale ku huta iâ, a a xikana, kʼebhula dingi kaiula kua Jihova.

Afundixi 9:15

Kuala musonge: Se kidi kiene mu ngʼunda eme mu kala sobha ienu, izenu mu di kondele mu kilembeketa kiami; o ki mu ila kana, ku musônge ku tunde túbhia tu buidise ni misedulu ia muxitu ua Libanu.