Izaía 30:16 - O Mikanda Ikola

¹⁶ Mukonda enu-phe muambe, muexi: Lémbue! Sembele tua di te ku jikabalu ni tu lenge; kiene kia-nda ku mi lengesʼokio; muexi, tu mondala kiá jingelenge; kiene-phe kianda kusakalela ue o jinguma jenu mu ku mi bhesa o lusolo.

Izaía 30:16 ပူးပေါင်းရင်းမြစ်များ

II Jisobha 25:5

Maji o masoladi a akua Kaldeia ai ni kukaia sobha Zedekiia ia a mu kuatela mu iphenza ia Jedikó; o masoladi é-muene kia ki mono, exi etu tu texʼiú, o muene hé a mu xa ubheka uê, kilômbo kioso kiai.

Jobe 39:11

Inga u mu dielela muene mukonda dia nguzu iê ia vulu? Mba ikalakalu ié-eie u muʼehela-iu muene ku i bhanga kia tokala?

Jisálamu 147:10

Nguzu ia kabalu ki iene i mu uabhela; o inama ia bhebhuluka ia diiala ki iene ia ximana.

Jisálamu 33:17

Kabalu makutu, ku mu dielela ku ita; o nguzu iê ni kulenga kuê, ki ku bhana muthu muenhu.

Izaía 2:7

Oxi iâ, iezala ni phalata ni ulu, jimbongo jâ ki jene mbambe; oxi iâ ue iedi ni jikabalu jinzungule, o makalu mâ kuvula kuahi.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 31:3

Kuma akua-Ijitu, ki Nzambi, kana, athu ngó; o jikabalu jâ, xitu ngó, ki nzumbi kana; o kioso Jihova kia kà sunununa lukuaku luê, ku tale o mukuatekexi uixi iú a mu mu kuatekesa, ene oso a kà di bhala bhoxi anga a kà buikila kumoxi.

Jelemiia 39:4

Anga ki bhita kuila, Zedekiia-phe, sobha ia Juda, kioso kia a mono, kumoxi ni makuenze mê moso ma ita, a lenge, anga a tunda ni usuku mu mbonge, a di tela njila ia kadíbhia ka sobha, bhu dibhitu diala bhu kaxi ka malumbu ma iadi, anga u tunda u di ta mu njila ia kiphenza.

Jelemiia 4:13

Talesa, muene ua-nda kuiza ni kubanda mukua ni matuta, ni makalu mê mukua ni ngûngu; ʼkabalu jê mu sangama jiholokoko ndenge ku lusolo. Kokolo dietu, etu tua buikʼó!

Jelemiia 46:6

Ua lenguluka ka lenge, o ió uala dizonda ka subhuke; ku mbandu ia kusuku, bhu ndundu ia honga ia Ufalate bhene bhua dibhukanena ia a-di-bhale.

Jelemiia 52:7

Kiene kia jikula dizungu mu mbonge anga makuenze oso a mu lua ita hé a lenga, a tunda ni usuku, a di tela njila i lunga bhu dibhitu, bhu kaxi ka imbaka i iadi ia zukamene ni jindombe jà itulu ia sobha, anga a ila mu njila ia kuia ku kiphenza.

Kuditenda 4:19

Akua ku tu bhesa lusolo, a betele kusangama o jinjila ji bhita bhulu ndenge. Mu ku tu landameka kuâ, o ki tuila tuia ku milundu, tuala-nâ; o ki tuia mu kikangalakata, míkala iâ tua i sange.

Amoji 9:1

Jihova nga mu mono, uemana ku thanduʼa Kalatódio, iu ua ngi tangela, uixi: Mútue ua philadi bukulau, ifikidilu ia mabhitu i tekete, phala ima ioso bhulu diaʼnzu i lundumukine bhu thala ia mítue iâ ene oso! Oso a subhuka-ku Eme ue nga-nda ku a jibha ni xibhata katé ku kasule kâ. Mu kaxi kâ se mu kala muthu ulenga, ka kà subhuka, né mu kala iú u subhuka, ka kà tena kubhuluka.

Mikeia 1:13

Eie muhatu ua tunga bhu Lakiji, ku dikalu kutila-ku mikete i lenga kiambote; mbata bhobhué eie, bhene bhua tundu o kulueza kua monʼa Ziione ua muhatu; mukonda o kutondala kua Izalaiele kuene kumoxi ni kua sange momué.

Habakuke 1:8

O jikabalu jâ, mu ku bhebhuluka ni ku sangama, jingu ndenge; mu ku dimuka ue kota, o itôto mu ngoloxi ndenge; o a mondala-ku enda ni ku di muangena kuene kuoso; kiene muene, amondadiʼê a kà tunda makanga, a di leka lusolo mu kubhita bhulu mukua ni jiholokoko ki jilengela ku mbole mu kúdia.

Matendelelu 28:25

Jihova u ku toluela muene bhu pholo ia ʼnguma jé; mu ku tundila o jinguma jé phala kutakana-na-ju, uila u a kaia mu njila imoxi, eie-phe ua kà lenga lusambuadi bhu pholo iâ, a kà ku lebhula mu jixi joso mu ngongo.

Matendelelu 28:49

Jihova ua kà ku kasela muiji ua akua makanga ku jihota jʼaxi, uijiia bhulu mukuâ ni holokoko ia di ambatesa ni kuôna; muiji ua athu a dingula a bhingi o dízui dia zuela eie ku tena ngó ku dʼivua;