Izaía 30:1 - O Mikanda Ikola

¹ Jihova uambe, uixi: Kokolo dia ana oso a bhukumuka, a mu tambula phangu kuengi, o kokuami kana; ia a di futu ni divunga diengi, ki diene dia tundu kua Nzumbi iami; mbé o ku bandekeza kituxi ku thanduʼa kituxi.

Izaía 30:1 ပူးပေါင်းရင်းမြစ်များ

II Jisobha 18:21

Eie-phe ua dielela Ijitu, o mbangala ia bukukʼoio, ia bhingi se muthu u i kuata ni nguzu mu ku sota kudi-fikidila, iene i mu bokuena bhu kanda dia lukuaku hé i mu tundila ku kanga? Kiene-zʼiki kiala Falaó, sobha ia Ijitu, phala oso a mu dielela muene.

II Jisobha 18:24

Eie u tena kiebhi o ku kuatesa sonhi ku kilamba kimoxi ngó ku ilamba iofele ia mu bhikila ngana iami? Inga ua dielela Ijitu mukonda dia kuvula makalu ni athu a a sambela?

Jisálamu 61:4

Ngi kala jinga izuua ioso mu balaka ié, Ngana Nzambi; ngi koloka muene mu suamena moxi a mabhabha mé. (Selah.)

Izaía 1:2

Ivenu, enu mu maúlu, eie ue u ixi, bhana mátui; mbata Jihova muene ua mu zuela: Nga bhange ana, nga a bhana kijingo; maji ene a ngi balukila.

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 28:15

Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.

Izaía 28:20

Mbata o hama ia kuzeka ia kà buta, kana muthu ua kà tena kutandelela-ku; o divunga dia kà tola o lubongo, kana muthu ua kà tena ku difuta-na-diu.

Izaía 29:15

Lamba dia ió oso a sota kusueka ima iâ ku mesu ma Jihova, nʼende ni kubhangela ima iâ mu kitombe, exi: Mukuahi u tu mona? Mukuahi u tu ijiia?

Izaía 30:9

Mukonda athu iâ kuhuka kuvula, ni makutu ana iá, ana a di tunu kuívua o ngonge ia Jihova.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Izaía 4:5

Jihova ua kà bhanga ku thanduʼa mabhata moso ma mulundu ua Ziione ni ku thanduʼa mabhongolokelu mâ moso, dituta mu muanha, ni dixi ni mulengu ua túbhia mʼusuku, mukonda ku thandu dia kizunda kioso kua kà kala kukondama.

Izaía 5:18

Lamba dia ió, oso o kubhuma a kusunga ni mikolo ia izala, o ituxi a i sunga ni mikolo kala makalu.

Izaía 63:10

Maji ene a baluka, a luualesa o Nzumbi iê Ikôla; kia mu bhangesa ku kituka nguma iâ, anga muene-muène u zoka-nâ.

Izaía 65:2

Kumbi dioso dia kambàmba nga sunununa maku mami ku mundu ua xibhaka, akua kuendela mu njila ia kambe kuiuka, ni kukaiela mabanzelu mâ;

Izaía 8:11

Kuma Jihova ua ngʼambela-kiu muene ni lukuaku lua suina, iu ua ngi longesa kuma ki ngendele mu njila ia mundu iú, uixi:

Izaía 8:12

Kima kʼila mundu iú exi, kubangana, ki mu kʼixane kubangana; ki mu kale ni hele ia uoma uâ, né ngó bhuòfele ki mu bhuuame.

Izaía 8:19

Kioso ki a mi ambela: Tenu mizambu, ibhulenu akua kuxingila, ni imbanda, akua kuzuelela ku mazu ni ku di-ngunguina, o mundu mbé ki uibhula kua Nzambi iâ? Manhi kibhidi kia kuata athu a muenhu, mu kʼibhula kua iá a fu kiá?

Jelemiia 17:5

Jihova uambe kiki: Ua xixima o muthu u dielela ku muthu, hé o xitu iene mu kúfua u i kita luene o lukuaku luê, anga o muẋima uê u u katula kua Jihova.

Jelemiia 2:18

O ki tualʼiki-phe njila ia Ijitu uala na-iu ni kima kia-hi, phala kunua menha ma Sihole? ni njila ia Asídia uala na-iu ni kima kia-hi, phala kunua menha ma ngiji?

Jelemiia 37:7

Jihova, Nzambi ia Izalaiele uambe kiki: Sobha ia Juda ua mi tumikisa kokuami, phala ku mu jimbuluila, mua kà mu tangela kiki, muexi: Tala, kifuẋi kia masoladi a Falaó, a tundu mu Ijitu phala kuiza ku mi banda, kia-nda ku vutukʼé mu ixi iâ mu Ijitu.

Jelemiia 4:17

Jihova ua tange, uixi: A-nda ku mu kondoloka mbandu ni mbandu kala alangidi a díbhia; mukonda muene ua ngi balukila.

Jelemiia 42:19

Jihova ua zuela ku mbandu ienu, eie u masubhu a Juda! Kana kubokona mu Ijitu; ijiienu-kiu mu kidi, kuila lelu nga mi bhela umbangi u mi bhanga kia ibha.

Jelemiia 5:23

Maji o mundu iú uala ni muẋima ua ku baluka, ni kuẋinuka; a balukʼâ, ia aiiʼâ muene.

Izekiiele 11:2

Anga u ngʼambela uixi; Monʼa muthu, iá ene athu a mu xinganeka iaiibha, anga aia ni kubhana kaiula ka iibha mu mbanza mumu.

Izekiiele 2:3

Muene ua ngʼambela, uixi: Eie monʼa muthu, eme nga mu ku tuma ku anʼa Izalaiele, ku miji ia ẋinuka, a ngi ẋinukina eme; ni ene ni jitata jâ a ngi tondalela, katé ni mu lelu muenhumu.

Izekiiele 24:3

O dibhata didi dia kuẋinuka, tela-diu kifika, u di ambele, kuma: O Jihova Nzambi uambe, kiki: Ta ímbia bhu jiku, o ki u i ta, u ta-mu menha.

Izekiiele 29:16

O kudielela kua a dielela jinga o muiji ua Izalaiele ka-nda kukala na-ku dingi, mbebhu ka a bhekele o kuxinganeka o kikuma kiâ, kioso kia tala kuema diê; kota-phe, à kʼijiia, kuila emeʼeme ngi Jihova Nzambi iâ.

Izekiiele 3:9

O dibhomo dié nga di bhange kala utadi ua diiamande mu kukola, diene dia beta kukola o ditadi dia fijilu ndenge; uila kiki-phe, kana ku a kala ni uôma, mba u teketa ki u mona o jipholo jâ, mbata ene ala dibhata dia bhukumuka.

Hozeia 11:6

Xibhata ia-nda ku di ta mu jisanzala jâ, hé ia kà bula jisabhi ku mabhitu mâ, anga ia kà a jikinisa, mukonda dia jiphangu jala kuia ni ku di longesa mudiâ.

Hozeia 13:2

O kiki-phe ituxi ia mu di vuala dingi, a nomona ku phalata iâ anga a di bhangela kiteka kia kuzunza, a di bhangela muene iteka ia solo ku miẋima iâ, iene ioso-phe ima iòkalakale ku maku ma jihete ja ufunu, anga aia ni kuila: Enu mu athu satelenu ku jinzambi jiji, bhanenu jibeju ku tungombe tutu.

Hozeia 7:13

Lamba diâ! kia ngi balukʼokio! Kibuika kia a tula muene! mbata a ngi bhukumukina; Eme nga a kula, maji ene a ngi tatela ima ia makutu.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Dialuilu 32:14

Ua mono-phe, enu mua kudila bhu kididi kia jitata jenu, mu mbutu ia abhukumuki, muandala mu bandekeza dingi, ku njinda ia Jihova ia kuatela Izalaiele.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Matendelelu 29:19

Ki bhu kale ue muthu o kievua maka ma mázui iá mʼònake mu divulu didi, anga ukuata ku di bhomba mu muxima ué, uixi; Ki kidié kima, né ngendʼami kala kia ngi tumu o muxima uami, hanji nga-ndu kalʼami muene ni kutululuka kua mbote; anga ku dinhota u bandekeza-ku uhólua.

Matendelelu 9:24

Xi! Kífua tunde kiá bhu kizuua ki nga mʼijiia, katé ni lelu, enu Jihova Nzambi mua mu bhukumukina muene kienhiki.

Matendelelu 9:7

Xinganekenu, ki ki mi jimbe ki muakexi mu kulokalala njinda ia Jihova Nzambi ienu mu kikangalakta; tunde mu kizuua ki mua tundu mu Ijito, katé bhu kididi bhu muezʼabha, mua di bhanga jinga mu axibhaki a hatu, bhu pholo ia Jihova.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

Josuué 9:14

Athu-phe kia tale ku huta iâ, a a xikana, kʼebhula dingi kaiula kua Jihova.