Izaía 3:9 - O Mikanda Ikola

⁹ O ki u tala jipholo jâ, usuéia uâ ua di monekena; ituxi iâ a i kola muene, kala mu Sodoma; ka i sueka, kana; kokôlo dia muenhu uâ! mukonda ene muene a di bhange o phulu!

Izaía 3:9 ပူးပေါင်းရင်းမြစ်များ

Dimatekenu 13:13

Kienhiʼokio-phe akua Sodoma a kexile athu a bhukumuka kinéne, a ta jinga ituxi ia vulu kua Jihova.

Dimatekenu 19:34

Kúkia ni kimene dikota u ambela ndenge, uixi: Usuku ua mazá nga zekele kiá ni tatʼetu; tu mu nuise-phe dingi vinhu, usuku ua lelu; eie u bokone ué, u zeke-nê, phala tu sokolole mbutu ia tatʼetu, phala i nangenene.

Dimatekenu 4:5

Kaini-phe, ni ujitu uê, ka mu suu. Kaini anga njinda i mu kuata, u sonoka o pholo.

II Jisobha 9:30

Jehú anga u bhixila mu Jizeleiele. O Jezabele kioso kia kʼivu, u di bongola o mesu, u iukisa kiambote o mútue uê, anga u kala bhu njanena mu kutala.

Jisálamu 10:4

O muthu uaiibha, mu kubhuma kua izale iê, uila uixi: U kʼibhula mukua-hi? Anga uia ni kubanza muene, uixi: Kana-ku Nzambi.

Jisabhu 15:32

Ua tènde o kibazu kia ku mu bazela, ua tènde o muenhu uê; maji uoso-phe u suua kia mu bazela, ió uanda kubonga kuijiia.

Jisabhu 30:13

Sai-ko muiji ua athu, o mesu mâ manama bhulu, ibhebhetelu iâ a i tudika bhuluʼobho!

Jisabhu 8:36

Maji uoso u ngi ta kituxi, ua kakula o muenhu uê muene; kuma ene oso a ngi zemba eme, andala kalunga, ala mu kenga kúfua.

Izaía 1:10

Enu muedi kala o ilôlo mu Sodoma, ivenu kizuelu kia Jihova; bhanenu mátui ku kitumu kia Nzambi ietu, enu muala kala o mundu ua Ngomola, tata!

Izaía 3:16

Jihova phe uambe dingi, uixi: O kiedi ana-ilumba mu Ziione a di zangeleka, mu kuenda jixingu a jʼimanesa, ala ni utalelu ua ufusa, o kienda, ela kala a mu kina, inama aia ni ku i sesembesa bhoxi.

Izaía 57:20

Maji athu abhumu mukuâ ni mabhuku ma musanza ma temanana, ki ma xikina ku ma batamesa, a bhingi kuila o menha mê ma lukula mathatha ni malôua.

Izaía 59:12

Mukonda o kubhukumuka kuetu kuavulu bhu pholo ie, o ituxi ietu iene ia tu elesa; kuma itondalu ietu hanji ia tu nhenganana, o ikuma ietu tua ijiia muene kiambote.

Jelemiia 2:19

O usuéia ué ua-nda ku ku bhana njumbu, mauendelu mé ma kuselumuka ene a-nda ku ku bazela: tuma-phe ku kʼijiia u di muene-kiu kuila o kuxa Jihova Nzambi ié, kima kiaiibha, ki ludisa mu kanu, ni ku kamba eie o uoma uami-eme, kiene kiambe Jihova dia Ilombo Ieta.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Jelemiia 6:15

Ene o kia bhanga o ufusa manhi a kala ni sonhi? lémbue! ene kene mu kala ni sonhi ia kima, né ngó bhuʼofele kuijiia kioso ki kuata o sonhi, kala kiki ene ue a-nda ku di bhala kumoxi ni iá a dibhale; a-nda ku di lukula bhoxi, bhu kithangana ki nga-nda ku a zungila, Jihova ua ki tange.

Jelemiia 8:12

Ene kia bhanga ufusa, manhi a kala ni sonhi? lémbue! ene kene mu kala ni sonhi ia kima, né ngó bhuofele kuijiia kioso ki kuata o sonhi; kala kiki ene ue a-nda kutenuka kumoxi ni iá a tenuka; bhu kithangana ki nga-nda ku azungila a-nda ku di lukula bhoxi, Jihova ua ki tange.

Kuditenda 5:16

Kitundu ku mútue kia tu laúka. Kokolo dietu, tata, kuma tua te ituxi!

Izekiiele 16:30

Jihova Nzambi phe, uixi: Muẋima ua ku bhuila kinéne, tata! eie ua mu kuenda ni kubhanga ima kala iii, ia tokala ngó muhatu uala kiuaia kia kukamba o sonhi!

Izekiiele 16:49

Tala-ze o kituxi kia Sodoma dia phangiʼé: Izala, ndumba dia makudia, ni umonha uavulu ua kexi na-u ni muene ni anʼê a ahatu; maji ue o ngadiama ni phulungu ua tate, kuila u a kuatela ngó henda, lémbue.

Izekiiele 23:16

O muene kia edi suií, a mu touo mu mesu, anga u tuma jiphunga ku Kaldeia mu kuʼexana.

Daniiele 7:20

Kua di-te dingi o kuinhi dia lumbinga ja mu kala mu mútue, ni kalumbinga kamukuâ ka fuafue, anga bhu pholo iê bhu vumbuka mbinga jitatu, o kene anga kakala ni mesu, hé kakala ni dikanu di tanga ima ia izala, kifua muene ua tundu akuâ.

Hozeia 13:9

Ua di bhange-kiu-ze, eie Izalaiele, ki ua ngi kitukila emeʼokio, eie ua ngi balukila eme ngi Mukuatekexi ué.

Hozeia 5:5

Izalaiele o ízala iê ia-nda ku di jimbulukila mu pholo iê muene; ni Izalaiele ni Ifalaíme a kà dibhala-phe mu ituxi iâ; o Juda ue ua kà dibhala-nâ kumoxi.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Dijingunuinu 11:8

O imbi iâ anga i zeka mu nzunga, mu mbanzʼoio ia dikota, mua jibhilile ue Ngana iâ ku dikulusu. O dijina diê mu ku i tumbula mu kixanga, ela Sodoma, mba Ijitu.

I Samuuele 15:32

Samuuele anga u zuela, uixi: Ngi bhekedienu bhabha, Akake, sobha ia akua Amaleke. Akake anga uiza ni kudikenha. Kuma Akake, uixi: Kidi muene kulula kua kalunga kua ngi somboka kiá.