Izaía 3:5 - O Mikanda Ikola

⁵ Mundu phe a kà u bhondeleka; bhua kà kala ku dikuata jimvunda, kala muthu ua kà lungulukila mukuâ; Mona ndenge, ukitukila muadi-akime; o sébhue, u balukila mona-ngana bhu kididi.

Izaía 3:5 ပူးပေါင်းရင်းမြစ်များ

II Jisobha 2:23

Anga u tunda-bhu u banda ku Betele; o kioso kia muia ni kubanda mu njila, tuana tumoxi-mu tu tunda mu mbonge, anga a kuata ku mu bhanga kasekelelu, ni ku mu ila, exi: Banda, kadibhala! Banda, kadibhala!

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Izaía 11:13

Ifalaími dixinga dia-nda ku mu bhua muene, loló; o jinguma ja Juda a kà ji buikisa; Ifalaími ká ka a kuatela dingi dixinga, mba luimbi. Juda ue ka kà bhondeleka dingi Ifalaimi.

Izaía 19:2

Kuma akua-Ijitu nga kà a zokesa ni akua-Ijitu; kala muthu ua kà bhânga ni phangʼiê, kala muthu u di-balukila ni mukuá, o mbanza ibalukila mbanza ia mukuá, o utuminu iú ubalukila utuminu ió.

Izaía 9:18

Kuma o phulu ioso-lolo i uama kala túbhia, iximika katé ni ivunda ni misonge. Kiene muene, i bambula katé ni mixi ioso ia di-bhidijika ku muxitu, anga dixi diê di bhana matuta a xiketela bhulu.

Jelemiia 22:17

Maji o mesu mé-eie-phe ni muẋima ué, ua lungu ngó ku unjenje ué, ni ku manhinga ma muthu ua bene, phala ku ma bhubhisa, ni mu kubhondeleka, ni mu ku suina phala ku di bhanga.

Izekiiele 22:12

Mu kaxi kê eie a tambuila-mu ue ni nduta ia kuzunza o manhinga; dikongo ua di vualesa ni kuvudisa o kitadi ku uenji, iene o ima i ua tambula, eie uemina mukuenu ni ku mu tatesa; maji eme ua ngi jimbi, eme ngi Jihova.

Ijila 19:32

Ki u mona mukua-jimvi, mu balumukine; o muadiakimi uasunga-ku kiá, u mu jingisa; Nzambi ié mu xile jinge: Eme-muene Jihova.

Amoji 4:1

Kizueluʼiki ivenu-kiu, enu mu jingombe ja akaji mu Basane, muala ku mulundu ua Samádia, enu mua mu bhinjika o jingadiama, mu bhondeleka o jiphulungu a tate, anga mu kala mu kuambela anumiʼenu muixi: Beke-nu kunu, tu nue!

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Mikeia 7:2

Athu akua kubhanga o mbote mu ngongo a jimuka-mu, o ua iuka muʼaxaxe ka athu ka moneka dingi; enhoso aia ni kubatamena phala kubhubhisa manhinga, muthu uia ni kutomba phangʼié ni uanda.

Zakadiia 11:6

Jihova iu uambe kiki: A tungu mu ixi mumu eme ue, ni kidi kiene, ki nganda ku a kuatela dingi henda; nga-nda kuila muthu ngi mu bhakula bhu maku ma mukuá ni bhu maku ma sobha iê, ixi ioso ene anga a i kuama, eme ue ki nga-nda ku a bhulula bhu maku mâ.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 26:67

Anga a mu ṗhamena mathe mu pholo, a mu bhana jihome. Amoxi a mu bhana jihuxi, exi:

Marku 14:65

Amoxi-mu anga a kuata ku mu ṗhamena mathe. A mu futa o pholo, anga a mu bhana jihome, exi: Zambulaze uoso ua ku beta! Jifixiiadi anga ji mu tambulula ni jihuxi.

Luka 22:64

Anga a mu futa o mesu, a mu ibhula, exi: Sakela, mba mukua-hi ua ku beta.

Tiiaku 2:6

Maji enu-phe jingadiama ki mua mu ji bhana ujitu! Manhi o jimvuama ki ene ène ku mi bhikisa, anga aia ni ku mi sunga-sungila bhu ibhuna ia kufundisa milonga?

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.