Izaía 3:25 - O Mikanda Ikola

²⁵ Makuenze mê a kà buika ku xibhata, o mazonda mê ku ita.

Izaía 3:25 ပူးပေါင်းရင်းမြစ်များ

II Malunda 28:6

Kuma Peka, monʼa Demaliia, mu kizuua kimoxi, ua jibha hama ni makuinhi aiadi a midi ia muthu mua Juda, makuenze oso a ita; mukonda a xisa Jihova, Nzambi ia jitata jâ.

II Malunda 29:9

Mukonda, talenu kuma jitata jetu ja buila ku xibhata, kiene kia bhangesa kuila ni anʼetu a mala, ni anʼetu a ahetu, ni ahetuʼetu, a kexile ku ubhika.

Izaía 1:20

O ki mu dituna-phe, anga mu ẋinuka, muanda kudiua ku xibhata; kuma dikanu dia Jihova dia ki tange.

Izaía 65:12

eme ue nga-nda ku mi xinda kúfua ku xibhata, anga enuoso mua kà bhetamena bhu kijibha; mbata ngʼexana, enu nguenu kuitaia; nga zuela, enu nguenu kuívua; o kialabhu, mua bhange kiaiibha ku mesu mami, enu mua solo-bhu kioso ki nga di zemba na-kiu eme.

Jelemiia 11:22

Xi, Jihova dia Ilombo Ieta uambe, kiki: Talesa, eme nga-nda ku a bhana njumbu, o minzangala hinu a kà fua ku xibhata, anʼâ a mala ni a ahatu, hinu a kà diua ku nzala.

Jelemiia 14:18

O ki ngiia ngiie ku mukáu, talesa athu afu ku xibhata, iá; o ki ngiia ngi bokone mu mbonge, a benguka ni nzala, iá; katé-ze ni misesedi ni jinganga, a kondoloka ixi ni kubungana, ni kua di tela kejiia-ku.

Jelemiia 15:8

O atudiʼâ a ahatu a beta ku di vualulula o museke ua kizanga kia kalunga ndenge; ku mediia nga takana-ku mubuikixi phala kubuikisa mama ia minzangala: nga mu tumu ku mu tukumuisa, ni kuizalesa o mbonge ni kimbuua.

Jelemiia 18:21

Kienhiki-phe, anʼâ a bhakule ku nzala, u a bhakule ue ku nguzu ia xibhata, akajʼâ a a nhane o tuana, ene uâ a xale atudi; a muadi uâ a bhituke ku phoko ia kalunga, o anʼâ a mala a a kuame ku xibhata mu kubhânga mvunda.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Jelemiia 21:9

Uoso uambe kuxala mu mbongeʼumu, ua xikamena kúfua ku xibhata, mba ku nzala mba ku dibhebhu; maji uoso u katuka anga uia ku di bhakula ku akua Kaldeia, oso a mi te mukonda, u kala ni muenhu, o muenhu ue iene o mbole iê i a bongo.

Kuditenda 2:21

Ni ikulakaji ni tuana tua ndenge, azeka bhoxi mu maluua; ni ilumba iami ia mizeletete ni makuenze ami a mala, oso muene a lalumuka ku xibhata; eie ua a jibha bhu kizuua kia tukuluka o njinda ié; eie ua a batula o xingu, ni ku a kuatela ngó henda, lémbue.

Amoji 9:10

Mu kifuẋi kia mundu uami ene oso akua ku ta ituxi a-nda kua kà fua ku xibhata, oso ene mu ku amba, exi: Ki tua-nda kutakana ni kibuika kia kima, mba ngó kima kiaiibha ku tu zukama.