Izaía 3:24 - O Mikanda Ikola

²⁴ Kieneʼokio, o bhua kexe dizumba dia uabha, bhua kà bhingana kibuzu; bhu kididi kia phonda, mukolo kiá; bhu kididi kia kuinda kindemba, kuiza kiá dibhala; bhu kididi kia kizuatu kia dixala, bhu kala kiá ku di-suikika kidinhaji; bhu kididi kia kuuabha o pholo, a kà kituluka kala a jokota mu túbhia.

Izaía 3:24 ပူးပေါင်းရင်းမြစ်များ

Estere 2:12

Kala kilumba-phe kia tula bhu kizuua kiê kia kubiẋila kua sobha Asuuelu, kia zubha kiá o kubhanga o kuinhi dia mbeji ni jiiadi mu ku di iudika ni ku di uabhesa mu kífua kiâ kia ahatu, kuma a bhanga mbeji jisamanu ni ku di uesa ni maji a mirra, ni mbeji jisamanu ni ku di uesa ni madizumba engi auabha kiambote mbé o ku di zelesa kala kiene kubhanga o kifua kia ahatu oso.

Jobe 16:15

Ku kikonda kiami nga tungila-ku kidinhaji, mútue uami nga u fufujula mu mavu.

Jisabhu 31:24

U tunga milele ia linho ia fina, anga u i sumbisa, o jingenji bhu kibangu u a bhana jiphonda.

Jisabhu 7:17

Hama ioso muene eme nga i sangela ni uasu ua dizumba, ni uxila, ni kanela.

Izaía 15:2

Iu banda ku Baiite, ni ku Dibone, ku thala kuná ni kudila; Mouabhe ua-nda kuta jingololo mukonda dia Nebo ni Medeba; mítue ioso ia kà biluka mabhaia ni dilamba, o miezu ioso ue a-nda ku i bhuta.

Izaía 15:3

A zuata idinhaji mu jinzunga jâ; ia kumbila ku matala, ia kumbila bhu itanda, ia dila-dila ni lujiji.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 3:23

ni malumuenu, ni tu-mavunga tua linho ia makembu, ni matoka, ni jimvéu, ima ioso iii ibhuaku.

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Izaía 57:9

Anga uia ku dihamba dia Mulôko ni maji, o ima ia mazumba u i vudisa; u tuma jiphunga ku makanga, anga u di-tununa katé muʼalunga.

Jelemiia 4:8

Kala kiki zuatenu idinhaji, dilenu dikokolo, endenu ni kukumba mbata o kutema kua njinda ia Jihova ki kua tu eha.

Jelemiia 48:37

Mukonda mítue ioso ia kà kituka mabhaia, o miezu ioso ia kà bhueka; majuʼoso a kʼezala iẋenge, o bhu inhonga a kà di kumba jisaku.

Jelemiia 49:3

Dila kala kimbungu, eie Hexebone, kuma Hai a mu sengulula; di kodienu, enu mu anʼa Labáh, di kutienu idinhaji bhu kinhonga, tenu jingololo, muende ni kuimajana mu ikanzu; kuma Malkane ua-nda kuia ku ubhika kumoxi ni jinganga jé ni ilamba iê.

Jelemiia 6:26

Kilumba kia mundu uami, tata, dikute kidinhaji, u mbolomoke mu uthokua; tá muene ngololo kala ia kudila monʼumoxiʼèlele, ngololo ia malamba; mbata mubuikixi kua mu kambe ngó kofèle u tu sanga.

Kuditenda 2:10

O ikulakaji ia monʼa kilumba Ziione a xikama ni ene mu mavu, exi ngó muene hudí; a di kuua fufuta ku mitue, a zuata idinhaji; o ilumba ia Jeluzaleme, azenzamena mítue bhoxi katé mu mavu.

Izekiiele 27:31

Hé a kà di ta mabhaia mu mítue mukonda dié-eie, anga a kà di kuta idinhaji bhu inhonga, a kà ku dila muene eie ni lamba dia muenhu uâ, a kà dila muene lujiji.

Izekiiele 7:18

Anga a ka di-kuta jisaku, o kiteketela kia kà a vungina; o ku jipholo joso kua kà kala jisonhi, o mu mítue ioso mabhaia.

Jouele 1:8

Iú dila mukuâ ni kilumba kia muzeletete kia di kutu ni kidinhaji, mukonda dia diiala diê dia unzangala.

Ijila 26:16

kuabhu, Eme-phe ue nga-nda ku mʼila kiki; Ngi mi tuluila lenga-suama, ngiia ni uhaxi ua thulu, ni ua munza u bhinga o kuila ujikinisa o mesu, o muenhu uenu uia ni kohoha; o ki mu kuna mbutu, ki mi kala hadi ia ngoho, kuma jinguma ji mi dia-iu.

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Mikeia 1:16

Kolola o kindemba kié, bhuta o mútue ué u xale ngó ni dibhala, mukonda dia anʼé u uazola kinéne; dibhala diê u di zanzesa muene mukuâ ni dia holokoko, mukonda anʼé oso a kuambata-nâ ku ubhika.

Matendelelu 28:22

Jihova ua kà ku kuama ni uhaxi ua thulu, ni nzonzódia ia kukata-kata, ni kijimba-jimba, ni munza, ni kimaji, ni dixiximinu, ni kiangala, ni kibuika kia idima, ni ngulèle, anga i ku tatesa ni ku ku landameka katé ki u jima o mbutu.

Matendelelu 32:24

A kà tala hadi, nzala ia kʼènda ni ku a zubha! A kà diua ku mahaxi a kuata ni muanha ni ku dibhebhu dia phulu. Ngʼenda ue ni ku a zangela iama, ni jinhoka ji tela ngàmbu, jenda ni ku fukunuka mu fufuta ia mavu.

I Phetele 3:3

O kukemba kuenu ki ku kale kukemba kua kanga, kua kuinda kindemba, ni kuzakela makembu ma ulu, ni ku di ta izuatu ia-te kitadi kiavulu.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

Dijingunuinu 16:9

Athu anga auka mu kutema kuê kuavulu. Ene anga a ẋonguena o dijina dia Nzambi uala ni kutena kua kubheka mabhebhu kala iá! Maji o athu nguá-uâ-phe kudiela o ituxi iâ, ni kuximana o unéne ua Nzambi.

Dijingunuinu 18:9

O jisobha mu ngongo, joso ja bhangele-nê undumbu, ende-nê mu ukumbu, a-ndu dila jingololo, kia kà talesa o dixi diê mu kùbhia.