Izaía 3:19 - O Mikanda Ikola

¹⁹ Ni jinzenzela, ni malenge a maku: ni izuatu ibenha,

Izaía 3:19 ပူးပေါင်းရင်းမြစ်များ

Dimatekenu 24:22

Anga ki bhita kuila, kia zubha o jikamelu kúnua, diiala u katula nela ia ulu i pezala kaxaxi ka xikulu, ni jisêlu jiiadi ja kuzuatela mu maku, ji pezala kuinhi dia xikulu ia ulu.

Dimatekenu 24:30

Kuma muene kia mono nela ni jisêlu ja zuata phangʼiê ia muhatu mu maku, ni kievu maka ma a kundu Bebeka phangʼiê, kuila kiene kia ngi kundu muthu muenhó; Labano-phe uia ku diiala, u mu sanga iú ni jikamelu jê, bhu ndunga ia menha.

Dimatekenu 24:53

Selevende anga u katula makembu ma phalata ni makembu ma ulu, ni izuatu, u i bhana kua Bebeka; ni phangʼiê ia diiala ni manʼiâ, u a bhana ue imbamba iate kiavulu muene.

Dimatekenu 35:4

Anga a bhana kua Jakobo o mahamba oso a kexi na-u, ni jibixa jala na-ju mu mátui, Jakobo anga u a fukena bhu kota dia muẋi ua mukalavalu uala bhenhobho bhu Xikeme.

Dimatekenu 38:18

Juda uixi: Ngi ku bhana-phe kíximbi kiahi? Kuala muhatu: U ngi bhana o nela ié ia sineta, ni dilesu ni mbasá i ua kuata bhu lukuaku. Diiala anga u mu bhana-iu, u mu bokona, muene anga uimita.

Dimatekenu 38:25

Kia zubha ku mu tubhula-phe, u tuma kuambela ukouê, uixi: Diiala uoso mukua imbamba iii, muene ua ngi bhana divumu; uixi, dingi: Tongolola kiambote, nga ku diondo, mba nela iii ia sineta, ni dilesu, ni mbasá, iangene ia nanhi?

Makatukilu 32:2

Alá anga u a ambela, uixi: Katulenu jibixa ja ulu jala mu mátui mʼahatuʼenu, ni mu mátui ma anʼenu a mala ni anʼenu a ahatu, mu ngi bhekele na-ju.

Makatukilu 32:3

Mundu uoso anga a katula o jibixa ja ulu ja a kala mu mátui, anga a ji bheka kua Alá.

Makatukilu 35:22

Athu oso, ni mala ni ahatu anga eza mu vondadi iâ, a bheka ni jifunete, ni jibixa, ni jinela, ni malubha-mnbu a xingu, makembu moso ma ulu; athu oso anga a kala mu kubhana ujitu ua ulu kua Jihova.

Izaía 3:18

Bhu kizuua kieneʼokio, Jihova uanda ku a zula makembu a malenge, ni ivunga-mítue ia ma-uandanda, ni makembu ma kidífua kia mbeji ia thethama.

Izaía 3:20

ni itundu, ni makembu a maku, ni misanga ia malubhambu ni tungonga tua maji ma dizumba, ni jibixa,

Izekiiele 16:11

Nga ku kembesa ni makembu ma soko, eme nga ku te malenge mu maku, ni musanga ua makoladi mu xingu.

Izekiiele 16:12

Bhu dibhomo nga ku te phelu ia nzaji, ni jibixa ji zenzela mu mátui ni kitundu kia fuma ku mútue.

Dialuilu 31:50

Etu tua bheka-phe ujitu uetu kua Jihova, muthu ni muthu ua bhana kimbamba kioso kia kuata koko, ni ku makembu a ulu, ni malenge, ni jiselu ja maku, ni jinela, ni jibixa, ni malubhambu a xingu, mu sakidila mienhu ietu kua Jihova.