Izaía 3:16 - O Mikanda Ikola

¹⁶ Jihova phe uambe dingi, uixi: O kiedi ana-ilumba mu Ziione a di zangeleka, mu kuenda jixingu a jʼimanesa, ala ni utalelu ua ufusa, o kienda, ela kala a mu kina, inama aia ni ku i sesembesa bhoxi.

Izaía 3:16 ပူးပေါင်းရင်းမြစ်များ

Jisabhu 16:18

O izala iene mu tuama, anga kukaiela o kusenguluka; o kudizangeleka kua muẋima kuene mu diangela, anga kukaiela kiua o kibhalu.

Jisabhu 21:4

Mesu a di tudika ni muẋima ua di zangeleka, kituxi; katé ni ikalakalu ia athu abhumu ue, kituxi.

Jisabhu 30:13

Sai-ko muiji ua athu, o mesu mâ manama bhulu, ibhebhetelu iâ a i tudika bhuluʼobho!

Mukumbi ua Mikumbi 3:11

Tundenu, enu mu anʼa ilumba mu Ziione, mu tale Sobha Solomá ni kitundu kia mu tula ku mútue kuala mamʼâ, mu kizuua kia bhenga o dibhànga diê, mu kizuua kia kusanguluka kua muẋima uê.

Izaía 1:8

Monʼa kilumba mu Ziione, ua xalela mukuâ ni fundu mu mábhia a mivide, kala muionga mu mulenga ua manhungu, uedi kala ki kala o mbanza iòkondoloke ku jinguma.

Izaía 24:4

Oxi ia-nda kuta jingololo, anga i xoueta; ngongo isekala, hé i xoueta; ilamba ioso iònene mu ixi, ia kà iokojoka.

Izaía 3:1

Talesa-ze, kuma Jihova, Nzambi ia Ilômbo Ieta, o mbangala ni dikoue mu Jeluzaleme ni mu Juda ua-nda kua kà i katula-mu, ni huta ioso ia kúdia, ni kixima kioso kia menha a kúnua.

Izaía 3:17

Kala kiki, Jihova, anailumba mu Ziione ua-nda ku a ta ingûmba mu mítue, Jihova ua-nda ku a zula, a kala tuẋi-a-thâkala muene.

Izaía 3:18

Bhu kizuua kieneʼokio, Jihova uanda ku a zula makembu a malenge, ni ivunga-mítue ia ma-uandanda, ni makembu ma kidífua kia mbeji ia thethama.

Izaía 3:4

anga ngʼa bhana minzangala bhu kididi kia ilamba, o tuana tua ndenge tuene tua kà a tumina.

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Sofoniia 3:11

Mu kizuua kienhokio kua kà kala dingi ni jisonhi ja ima iaiibha i ua bhangele kokuami, katé ki ua ngi ẋinukina jinga eme, kuma eme nga ka katula momué ió oso a di zangeleka, eie-phe nuka dingi u a kala ni izala ku mulundu uami ukôla.

Matesu 21:5

Monʼa Ziione, mu tangele, Sobha ié iu uiza, kindala u ku sanga; Ua belesela, uendela ku búlu, Monde iê seseme ia bûlu.

Luka 23:28

Jezú anga u bilukila kuala ahatu, uixi: Enu mu anʼa ahatu a Jeluzaleme, ki mu ngi dile Eme! Di didienu enʼ uenu, ni anʼ enu!