Izaía 3:14 - O Mikanda Ikola

¹⁴ Jihova iú uiza phala kufundisa o ikulakaji ia mundu uê ni ilamba iâ; mukonda enu muene mua jikinisa o dibhia didi dia mivide; o ima i mua nhana ku jingadiama, iii mu jinzo jenu.

Izaía 3:14 ပူးပေါင်းရင်းမြစ်များ

Jobe 22:4

Inga muene u ku bazela ku uoma ué, ua Nzambi, mba u di ta ni eie mu ku funda?

Jobe 24:14

O kijibhanganga u balumuka mu kimene-mene, hé u jibha o ngadiama ni phulungu ua tate; o mu usuku u di fuangana ni muiii.

Jobe 24:9

O jihukunhu ja tuana tua ndenge, a a katula muene ku mele a mamʼâ, kiximbi kia ngadiama a ki xikina muene.

Jobe 34:23

Mbata o Nzambi ka bhindamena kithangana kia vulu ni kutala o muthu, phala ku mu bheka bhu pholo iê mu ku mu fundisa.

Jisálamu 10:9

U suama ni kubatamena akuá, u butama kala hoji mu kisasa; u butamena kukuata phulungu ni ku mu bhunda; o ngadiama u fua mu uanda uê, u mu kuata hé u mu ambata.

Jisálamu 14:4

Ene oso-ó a kalakala ituxi, kífua a lémbua kutongolola, abhingi a dia o mundu uami, kala muthu kia dia o mbolo, ene ka moneka ngó uoma ua Nzambi?

Jisálamu 143:2

Kana kufunda ni selevende ié; kuma ku mesu mé-eie muthu uebhi u tena kulunga?

Jisabhu 30:14

Sai-ku muiji, ala ni maju mukua ni jixibhata, o jingandelu jâ kala jiphoko, phala kujikinisa o jiphulungu kulu dia mundu, ni akua-hadi a bhondalala kiá muʼaxaxi ka anʼathu.

Izaía 10:1

Lamba dia ió oso a bhana jingonge ja mangonha! Lamba dia asoneki akua kusoneka jingonge ja ku talesa athu hadi!

Izaía 10:2

Mbé kubhanga o phulu mu ku fundisa o jingadiama ni kukatula o kulunga ku jiphulungu ja mundu uami; phala o kubhûnda atudi, ni kunhana o jihukunhu.

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 14:30

Jiphandekumbi ja jiphulungu a-nda kukala ni abidi, o akua-hadi azeka kilu kiambote; maji muiji ué, Fidíxia, nga kà u fuisa ni nzala, o masubhu mâ a kà ma jikinisa muene.

Izaía 26:6

A kà i titidila kuala dikànda dia kinama. A kà i titidila kuala makànda ma jiphulungu, ni makànda ma jingadiama.

Izaía 29:19

Oso a belesela a kà kala ni ngalasa, kutunda ngalasa, kuiza ngalasa, o ngalasa mua Jihova; jiphulungu ku mundu, a kà tanena kua Dilemba dia Izalaiele.

Izaía 30:12

Mukonda dia kienhiki Dilemba dia Izalaiele uambe kiki: O ki muedi kizuelu kiki mua di tunu-kiu, enu mua dielela o ungumba ni phulu, enu kuenhuku kuene kiá ngó ku mua xamenena.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Izaía 58:4

Talesenu, kuma enu mua mu jidila jimvunda ni jiphata, hé mu di-bhana jihome sè ku di-kuatela henda … kana kujila dingi kala ki mua bhange leluʼiki, ni kusuinisa dízui phala ku mʼivua makanga.

Jelemiia 12:10

Abidi a nzungule a ngi senguluila o mulenga uami ua mivide, a diata-diata díbhia diami, o díbhia diami di ngʼene mu kuinda a di kitula kikangalakata kia hatu.

Jelemiia 5:27

Jinzu jâ u sanga jezala mangonha mu mangonha, mukua ni ngaiola iezala tunjila; kiene kia di bhangela athu ònene ia a biluka jimvama.

Izekiiele 18:12

ni kubhondeleka o phulungu ua tate, ni kunhana, o kia mu ximbikila ku dikongo ka xikina ku ki vutula, uenda ni kuzambula mesu mê ku mahamba, ni kubhanga ima ia isunji;

Izekiiele 20:35

Hé nga kà mi bheka mu kikangalakata kia akua jixi; muenhomo muene mu nga-nda kua kà funda ni enu, pholo ni pholo.

Izekiiele 20:36

Jihova Nzambi uixi; Kala ki nga di tele mu kufunda ni jitata jenu, mu kikangalakata kia ixi ia Ijitu, kiene ue hádia ki ngi di ta mu kufunda nʼenu.

Ijila 25:14

Se mu sumbisa kima kioso-kioso kua mukuenu, mba mu sumba kima kioso-ioso ku lukuaku lua mukuenu, ki bhu kale-phe muthu u tatesa mukuâ mu kuta uenji.

Ijila 25:17

Kana kufumba mukuenu ku uenji; inda u kala jinga ni uoma ua Nzambi ié; kuma ki ngalʼeki Eme-muene ngi Jihova Nzambi ié.

Amoji 2:7

Ngadiama, ua tate, ene a mu fufujula o mútue mu mavu; o njila ia athu a lenduka a i bhengeleka; anga ela ni tata ni mona a bokona kilumba kiâ kimoxi, mbebhu kuxingisa o dijina diami di kôla.

Amoji 4:1

Kizueluʼiki ivenu-kiu, enu mu jingombe ja akaji mu Basane, muala ku mulundu ua Samádia, enu mua mu bhinjika o jingadiama, mu bhondeleka o jiphulungu a tate, anga mu kala mu kuambela anumiʼenu muixi: Beke-nu kunu, tu nue!

Mikeia 2:1

Kokolo dia ió oso a sota kuta ituxi ni kufunha kubhanga kiaiibha bhu jihama jâ bhu a zeka; anga aia ni ku ki bhangela muene mu muanha uatu, mukonda o kutena kuala bhu lukuaku luâ.

Mikeia 2:2

Mikáu iangene ia a kuata luimbi, a i bhûnda muene ku jingana jê, ni jinzu anga a ji tambula muene phala ene; anga ela o diiala a mu bhanga kusuína ku inzu ié ia muambeʼa kidi, o muthu a mu bhanga usuéia ku undundu uê.

Mikeia 3:3

Anga o xitu iâ mu i dia, kikonda kiâ mu ki kalumuna, ifuba iâ mu i bula mu ibhasu-ibhasu, anga mu a uanauana ku jithumba-jithumba, kala kia bhanga xitu ia kulamba mu ímbia ia dikota.

Mikeia 6:10

Kifua mu inzu ia mukua ituxi, muala hanji ni jimbongo ja mangonha? Ni efa ienu ki ia fuama, i mua tolesa phala kuia ni kuzonga na-iu o uenji?

Matesu 21:33

Ivenu kifika kiamukuá: Kua kexile mukua dibhata, u dimisa mulenga, u u xita kikonzo, u kanda-mu ditangi dia kukamena vinhu, hé u tunga-mu inzu ia matala ia kulangidila, anga u u lukalesa ku idimakaji, anga uia ixi iengi.

Tiiaku 2:6

Maji enu-phe jingadiama ki mua mu ji bhana ujitu! Manhi o jimvuama ki ene ène ku mi bhikisa, anga aia ni ku mi sunga-sungila bhu ibhuna ia kufundisa milonga?