12 Akua kubhondeleka o mundu uami ana-ndenge, o ala ku pholo ia utuminu uê, ahatu; Uaué, mundu uami, tata! akua ku ku songuela ala ku ku tobhesa; o njila ia fuama kuenda, a ku zangela-iu.
Jihova ua a lunduluila kiá nzumbi ia mudiangu, ene ia a bhangesa Ijitu kutondala mu ibhangelu iê, mukuâ ni hôlua kioso ki i di-kundumuina mu induxila iê ia lusu.
Ngana ié, Jihova dia Nzambi ié, muthu ua-nda kufundila o povo iê, uambe kiki; Eme o dikáu dia kubhendujukʼodio ngi ku tambula-diu kiá, bhu lukuaku lué di tunda-bhu, ni iẋiẋi ia dikáu dia kutema kuami; eie ki mungu dingi u nua-ku.
O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?
Kia bhekela Jihova ku ki tanga, mukonda dia jipolofeta jene kutondalesa akua mundu uami, jene kunumata ni mazu mâ, anga a dikola, exi: Paze! Mukonda ala ni kia kúdia, maji o ió-phe mu kanu diâ ka mu a tela-mu kima, a mu kanena kúlua-nê ita.
Talesa-ze, o mundu ua masoladi mé ma ita, edi ngó kala ahatu oso muʼaxaxi ké; o matundilu oso a ixi ié, a ma jikuila muene o jinguma jé ku mbandu ni mbandu; o jiphapha jé ja felu ja kujika na-ju mabhitu mé, ja kà bhia mu túbhia.
Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [