Izaía 3:11 - O Mikanda Ikola

¹¹ Mukua phulu-phe, lamba diê, ua-nda kutala hadi; mbata a-nda ku mu vutuila kioso kia tokala mu ikalakala ia muku mê.

Izaía 3:11 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

II Samuuele 3:39

Eme lelu hanji nga kambe nguzu sumbala a ngʼundu ku ungana; mala enhá, anʼa Zeluia o kuẋinuka kuâ kua ngi bhonzo; Jihova-phe muene u futa o kisuéia, kioso kia tokala mu usuéia uê.

I Jisobha 21:21

Talesa kuma nga-ndu bheka uíndua ku thandu dié, anga o mbutu ié nga kà i vuza, ni kua Akabe nga kà vuza-ku o diiala dioso, nga kà vuza-ku ue o mubhika ni ua kambe thumba ni samba mu Izalaiele.

II Malunda 6:23

eie-phe ívua muene tunde ku maúlu, bhanga kikalakalu, u fundise abhikʼé, mukuá ituxi u mu bhane o futu iê, ima iê ia bhange u mu tule na-iu muene ku thandu dia mútue uê, o ua iuka u mu lungise ni ku mu bhana kia fuama mu kuiuka kuê.

Jobe 10:15

O ki ngi kala ngi mukua phulu, kôkolo diami! Ki ngi kala ngi mukua kidi, ki ngi tena ue kubhetuka mútue, mukonda ngezala ni dilebhu, ngi tala ngó ku hádi iami.

Jisálamu 28:4

A bhange kala kioso kia bhanga jinga ene, kioso kia tokala mu kukalakala kuâ kua kubhukumuka; a bhane muene kia soko mu ufunu ua maku mâ, a fute, Ngana, kioso kia a tokala.

Jisálamu 62:12

Ni kulenduka kua ku tokala, eie Ngana; kuma eie-muène u vutuila o muthu kala kioso kia fuama mu kukalakala kuê.

Jisabhu 1:31

Kala kiki-phe, a kà diaula-ku ku kibundu kia tundu ku uendelu uâ, anga jiphangu jâ-ene muene jʼa kuma.

Jisabhu 11:31

Se muthu uaiuka u mona phaxi ni lamba mu ngongo, kuambe dingi o mukua-phulu ni mukua-ituxi.

Jisabhu 12:14

Muthu uene ku di dikila ni mbote i tunda ku ibundu ia uzuelelu ua dikanu diê-muene; o ioso muthu ia bhanga ni maku mê, hádia a mu vutuila-iu.

Jisabhu 26:27

Muthu uoso u kanda diela, muene ua-nda kufua-mu; o uoso u mbolomona ditadi, muene dia-nda ku mu mbolomokena.

Ndongixi 8:13

Maji o mukua phulu u lémbua ku kala kiambote, o muene ue o izuua iê ki ia-nda ku vula; uila ngó kala kizúzumbia, mukonda ua lémbua o ku kala ni uoma ua Nzambi.

Izaía 13:11

Kuma nga kèza kufuta o phulu ia mundu, akuaphulu nga kà a futa kikuma kiâ; akua kudikaka nga kà a bhuisa o izala; o ingulungumba ukumbu uâ ua kà bhua.

Izaía 48:22

Maji o athu abhumu, kala ni kutululuka; Jihova ua ki tange.

Izaía 65:20

Ki muà kala dingi mona u laia ngó izuua iófele, mba muadiakimi u kamba kuzubha o izuua iê; mbata o munzangala ua kà fuila mu kitala kia hama ia mivu; maji o mukua-ituxi né u kala ni hamʼa mivu, a kà mu bhubhidila muene.

Izaía 65:6

Tala-ze, kienhiki kiosoneke bhu pholo iami; ki nga-nda ku di xibha; maji ene nga kà a futa, kidi muene nga kà a bhana o kisakidilu bhu homba iâ.

Izaía 65:7

Jihova uambe: O ikuma ienu, ni ikuma ia jitata jenu bhamoxi, a kexe mu kuoha o fumasa ku milundu, anga a ngi ẋonguena ku tuthuthulundu; kienhiki ngi vutukila ku a zongela o futu ia ikalakalu iâ iòkulu anga ngʼa lukuila-iu bhu homba iâ.

Jelemiia 21:14

Eme nga-nda ku mi zungila ni futu ia soko ni ibundu ia ibhangelu ienu, kiene kiambe Jihova; nga-nda ku bambula túbhia ku kitumba kiâ, tua-nda kujidisa ima ioso iala mu jimbandu jê.

Jelemiia 31:30

Maji muthu ua kà fuila kikuma kiê-muène; muthu uoso u dia jiúva ja uisu, muene u kala ni uengenge ku mazu.

Izekiiele 16:59

Mukonda o Jihova Nzambi uambe, kiki: Kioso ki ua bhange, eme ue hádia kiene ki nga-nda ku ku bhanga, mbata o mulôko u ua-te ua u lokola, eie ua bulu o kikutu.

Izekiiele 18:20

O muenhu uoso u ta o kituxi, uene ufua; o mona kʼambata ikuma ia tatʼâ, mba o tata ua kʼambata ikuma ia monʼê; o kuiuka kua muthu ua iuka, kua kà kala ku thandu diê-muene, o phulu ia mukua phulu, ià kà mu lundumukina ue muène.

Izekiiele 2:10

Anga u di zala bhu pholo iami, diene diòsoneke ni moxi ni ku kanga; o ku dilanda a soneka-ku mitendu ni ku di tula mienhu, ni lamba!

Izekiiele 24:14

Eme, Jihova, nga ki tange: Kiene muene ki kia-nda kukala; nga-nda ku ki bhanga muene; ki nganda kuvutuka dingi kuema; ki nga-nda kukondeka ue mba ngó nga kà dielesa; kala kia di fu o jinjila jé ni ibhangelu ié, kiene ue kia kà ku fundisa; Jihova Nzambi ua ki tange.

Izekiiele 33:8

Eme kioso ki ngiia o mukua phulu: Eʼmukua phulu, ua-ndo-fua, ni kidi muene; eie hé u kamba kuzuela, phala kuvutula o mukua phulu ku njila iê, mukua phulu iú ua kà fua muene mu kikuma kiê, maji o manhinga mê, eme nga kà mʼèbhula bhu lukauku luè-eie.

Mikeia 3:4

Ene a kà di kola kua Jihova, maji muene-phe kʼanda kua evua; kumbi dienhódio ua kà a suekela o pholo iê, mukonda ikalakalu iâ ia bhange a i ibhisa kiavulu.

Mikeia 7:13

Sumbala kiene, maji oxi ienhiʼii-phe a kà i xa ngùndu, mukonda dia athuʼê a tunga-mu, ni mukonda dia kikexilu kia ibundu ia ima iâ iene mu kubhanga.

Dialuilu 32:23

O ki kala-phe mu kamba ku ki bhanga, kituxi ki mua te kua Jihova; ijiienu-kiu kuma kituxi kienu hinu ki mi sanga.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

Afundixi 9:57

Kiene ue kimoxi o kituxi kia akua Xikeme Nzambi ua ki bheka dingi ku thandu diâ. Mázui ma a kuata ma a tele Jotamu monʼa Jelubaale.