Izaía 3:10 - O Mikanda Ikola

¹⁰ Athu a iuka a tangedienu, kuma alunguʼâ; mbata ku ibundu ia ikalakalu iâ, a-nda kua kà dia-ku.

Izaía 3:10 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

Jisálamu 58:11

Bhenhobho athu a kèla, kuma: Kidi muene, sai dilau dia xikamena muthu uaiuka. Mbé kidi muene, sai-ku Nzambi mukua kubatula o milonga mu ngongo.

Makatukilu 1:20

Kienhiki, Nzambi anga u bhanga mbote ku avuaduxi, o mundu hanji iú sokoloka, a di bhanga kifuẋi kia nguzu.

Jisabhu 10:6

Mabesá ma tula ku mútue ua muthu uaiuka; maji o dikanu dia athu a bhumu diezala ni usuéia.

Jisabhu 12:14

Muthu uene ku di dikila ni mbote i tunda ku ibundu ia uzuelelu ua dikanu diê-muene; o ioso muthu ia bhanga ni maku mê, hádia a mu vutuila-iu.

Jisabhu 13:21

Akua-ituxi, o hadi iâ iakalé, kuma i a kaiejela muene; athu aiuka-phe, a kà tambula futu ia jimbote ni kubhanduluka.

Jisabhu 18:21

Ni kúfua ni muenhu, ima iiadiʼii ia tunga ku uzonda ua dimi; oso-phe a zola o dimi, hádia a diaula-ku ku kibundu kiê.

Ndongixi 8:12

O mukua ituxi némbe o kuiibha u ku bhanga mu luhama, anga o izuua iê i vula muene, hanji kima kimoxi ki ngejiia mu kidi, kuila ió oso a xila Nzambi ene a zediua, oso muene kiá a kala ni uoma bhu pholo iê.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Jelemiia 15:11

Jihova uixi: nga tange kidi, kuma eme nga-nda ku ku suinisa phala ku ku bhanga mbote, anga ngi bhangesa kuila mu ithangana ia phaxi ni ngongo, o nguma i ku kana ni kudionda.

Jelemiia 21:14

Eme nga-nda ku mi zungila ni futu ia soko ni ibundu ia ibhangelu ienu, kiene kiambe Jihova; nga-nda ku bambula túbhia ku kitumba kiâ, tua-nda kujidisa ima ioso iala mu jimbandu jê.

Jelemiia 22:15

U kala muene ku ungana, mukonda ua di jikila mʼonzo ia musédulu, kuambe? Mbe tatʼenu ka dile, ka nuine, ka kumbidile ubatuilu ua mbote ni uiukisilu? Bhene-phe bhua muena ujituʼobho.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Izekiiele 18:20

O muenhu uoso u ta o kituxi, uene ufua; o mona kʼambata ikuma ia tatʼâ, mba o tata ua kʼambata ikuma ia monʼê; o kuiuka kua muthu ua iuka, kua kà kala ku thandu diê-muene, o phulu ia mukua phulu, ià kà mu lundumukina ue muène.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Mikeia 7:13

Sumbala kiene, maji oxi ienhiʼii-phe a kà i xa ngùndu, mukonda dia athuʼê a tunga-mu, ni mukonda dia kikexilu kia ibundu ia ima iâ iene mu kubhanga.

Sofoniia 2:3

Sotenu Jihova enu oso mua batama miẋima, muala mu ngongo, muene mu ku kaiela o mabatuilu mê; Sotenu kubhanga o mbote, Sotenu o kulenduka ni kubatama, sumba bhu kizuua kia njinda iê, Jihova u mi sueka.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

Luka 19:19

Ngana iê u mu ambela ue muène, uixi: Nga ku bhana ue kutumina sanzala jitanu.

Matendelelu 12:25

Ku a dié-ze; bhanga muene kioso kiaiuka ku mesu ma Jihova, nda ubonge ujitu, ukale ni kuzediua nʼeie ni anʼé oso a-nda ku ku bhingana kioso eie ki u bhanga kiaiuka bhu pholo ia Jihova.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.