Izaía 3:1 - O Mikanda Ikola

¹ Talesa-ze, kuma Jihova, Nzambi ia Ilômbo Ieta, o mbangala ni dikoue mu Jeluzaleme ni mu Juda ua-nda kua kà i katula-mu, ni huta ioso ia kúdia, ni kixima kioso kia menha a kúnua.

Izaía 3:1 ပူးပေါင်းရင်းမြစ်များ

II Jisobha 25:3

Ku tula ma kizuua kia kavua ku mbeji ia kauana kioso o mbanza kia i tatesa kuala o nzala, a lémbua ngó o mbolo phala o mundu mʼoxi muenhomo,

Jisálamu 105:16

Uexana o nzala, hé iiza hanji mʼoxi; o kúdia kua kexe mu kudia ua a katula-ku.

Izaía 1:24

Uila kiki, Jihova, Nzambi ia Ilômbo Ieta, o Dizonda dia Izalaiele, uixi: Sembele nga di-bhângela bhu pholo ia jinguma jami, ku muẋima ni ku ngi zele, o athu a ngi zembe anga ngʼa vutuila phonzo.

Izaía 2:22

Kala kiki-phe, o muthu uala ngoho ni mulenge ua kubhuimina mu dizulu diê, mu sondolokienu. Mukonda muene ue a mu ximana ni kima kiahi?

Izaía 3:16

Jihova phe uambe dingi, uixi: O kiedi ana-ilumba mu Ziione a di zangeleka, mu kuenda jixingu a jʼimanesa, ala ni utalelu ua ufusa, o kienda, ela kala a mu kina, inama aia ni ku i sesembesa bhoxi.

Izaía 36:12

Kuala-phe Labesaki: Manhi muadiami ua ngi tumu ngó kua ngana ié ni kokué, mu ku zuela maka iá? Inga ni ku athu ió ue a xikama ku thandu dia kimbaka, phala mu die-nâ tuji tuâ, mu nue-nâ o masu mâ?

Izaía 5:13

Kala kiki, mundu uami a kà uambata muene ku ubhika, mukonda kala ni kilunji! Ilâmba iâ a kà di-huha hanji ni nzala, kifuxi kiâ kia kà kala muene ni kikaku kia menha.

Izaía 51:22

Ngana ié, Jihova dia Nzambi ié, muthu ua-nda kufundila o povo iê, uambe kiki; Eme o dikáu dia kubhendujukʼodio ngi ku tambula-diu kiá, bhu lukuaku lué di tunda-bhu, ni iẋiẋi ia dikáu dia kutema kuami; eie ki mungu dingi u nua-ku.

Izaía 9:20

O kia sutunuina ku mbandu ia dilu, nzala ki i bhu, o kia dila ku kiasu, kekuta luua: Kala muthu ua kà dia xitu ia lukuaku luê.

Jelemiia 37:21

Sobha Zedekiia anga u tendelela kuila Jelemiia a mu tule mu lumbu lua kilangidilu; hé aia ni ku mu bhana mbolo imoxi ku kizuua, ku nzunga ia akua kubhanga jimbolo, katé kiabhu mbolo joso mu mbonge; kienhiki Jelemiia anga u kala jinga mu lumbu lua kilangidilu.

Jelemiia 38:9

Sobha, tata! Ngana iami! Athu iá a bhange kia ibha muene ku ioso ia bhange kua Jelemiia dia polofeta, o ku mu ta mu kiboiongo; ku tanga o kidi, bhu kididi bhua mu teʼobho, ua-nda kufua ni nzala, mukonda mu mbonge kana-mu dingi jimbolo.

Jelemiia 52:3

Mukonda dia kienhiki-phe, anga ki bhita kuila, mukonda dia njinda ia Jihova ia kuatela Jeluzaleme ni Juda, Jihova ua a kaie bhu pholo iê; anga Zedekiia u lungulukila sobha ia Babilonha mu kuzoka-nê.

Jelemiia 52:6

Bhu mbeji ia kauana, ku kizuua kia kávua ku mbeji, kioso o nzala ki ia tundu kinéne mu mbonge, o Kifuẋi kia akuaʼxi kúdia a ku lémbua.

Kuditenda 5:4

Menha etu a kúnua, tua mu a sumba mu kitadi; o jihuinhi ja kutelekela, tuala ku ji tambuila mu suilu iatokala.

Izekiiele 14:13

Monʼa muthu, kioso o ixi ki i ta kituxi kokuami, anga i ngi ẋinukina muene kiavulu, kuabhu-phe, eme ue nga-nda kusunununa lukuaku luami mu ku i bilukila, o huta ia kúdia nga-nda ku i bhanga kabilu-bilu hé o ixʼoio ngi i tumikisa o nzala, nda ngi vuza-mu o athu ni iama.

Ijila 26:26

O kioso eme ki nga-nda ku mi sondolola o huta ia kúdia, bhuala-phe o kuinhi dia muhatu mbolo iâ a i kangela forno iâ imoxi, anga i bhinga ku i uanena ku pezo; bhenhobho-phe o ki mudia ki muikuta.

Amoji 4:6

Kiene ki nga bhela mazu ala ni uengenge mu jisanzala jenu joso, o mu ididi ienu ioso ki muala mbolo ia kúdia; sumbala kiene, maji enu-phe nguenu kudiela ni muize kokuami, Jihova ua ki tange.

Mikeia 4:9

O ki ualʼiki-phe, u telaʼhi ngó ngololo ioso iii ia kudila? Mo-mué mua kambe Sobha? Ndongixi ié, i ku bhana kaiula, ki i moneka dingi? Misusu ia ku kuata, kala ió uala ni mika ia kuvuala?