Izaía 28:7 - O Mikanda Ikola

⁷ Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Izaía 28:7 ပူးပေါင်းရင်းမြစ်များ

Jisálamu 107:27

A kala ni munhunga, a bhendujuka kala jihólua, jindunge jâ joso ja a muangana.

Jisabhu 20:1

O vinhu i bheka ulaji, uálua ua lulu u bheka jinzaia; o uoso u di texila mu ima ienhiʼii, u biluka kiôua kia hatu.

Jisabhu 23:30

Ima iii ia fuama ngoho, ió oso ene kulandukila bhuoso bhu a sanga o vinhu, ni akua kusota o makunua ma kodiuisa mʼofungise.

Ndongixi 10:17

Ua lungu! eie u ixi ua bhingi o sobha ié monʼa jingana, o ilamba ié a dia bhu kithangana kia tokala, phala kusunga ngoho o nguzu, ka dila uhôlua, kana,

Izaía 19:14

Jihova ua a lunduluila kiá nzumbi ia mudiangu, ene ia a bhangesa Ijitu kutondala mu ibhangelu iê, mukuâ ni hôlua kioso ki i di-kundumuina mu induxila iê ia lusu.

Izaía 22:13

Maji o kiki-phe, uamono, muala ku kemba ni kusanguluka, mu jibha jingombe, mu jibha jimbudi, mu-dia xitu, mu-nua vinhu, mu amba muixi: Tu dienutu, tu nuenutu, mungu tu kane o kúfua!

Izaía 24:2

Kioso kianda kubhita na-kiu o mundu, kiene ue kia kà bhita na-kiu o nganga; kikala o selevende, kiene ue kià kala ngana iê; kikala o kahatu, kiene kià kala ngana iê ia muhatu; kikala o musumbi, kiene ue kià kala o musumbixi; kikala o musobhexi, kiene ue kià kala o musobhi; kikala u bhana dikongo ni kuvualesa, kiene ue kià kala uoso u futa dikongo ni kuvualesa.

Izaía 24:20

Oxi ia kà bhendujuka muene kala hôlua, itunguta, itona, kala kitelembe a ki nhikisa mʼusuku; mulonga uê a kà u xina ku thandu diê; anga idibhala; o ki iia kiá bhoxi, ki ia kà bhetuka dingi.

Izaía 28:1

Lamba dia kitundu kia ukumbu ua jihólua mu Ifalaíme! a bhingi o makembu mâ, ma matunda, mukua ni kitulu ki lalumuka, kiala ku sungu ia dikôlo dia kimise dia iá a a tolola kiá kuala o vinhu.

Izaía 29:11

Kienhiki kisuma kioso muene kiolambe mukuâ ni ndunda ia divulu diòjike kidimbu, anga a di tambuisa uoso uejiia kutanga, exi: Tanga-diu, muene uà kela: Ki ngi tena, mukonda diòjike.

Izaía 3:12

Akua kubhondeleka o mundu uami ana-ndenge, o ala ku pholo ia utuminu uê, ahatu; Uaué, mundu uami, tata! akua ku ku songuela ala ku ku tobhesa; o njila ia fuama kuenda, a ku zangela-iu.

Izaía 43:27

Tatʼenu ua diangele-ku uate kutuxi, o alombolodiʼê a ngi tondalela.

Izaía 5:11

Lamba dia ió oso akua ku dimeneka mu kusota uhólua; anga a nangenena kueneʼoko katé mʼusuku, katé kia zezuka ni vinhu!

Izaía 5:22

Lamba dia ió oso a di bhanga indanda mu kúnua o vinhu, o bhuala o kuketa makiákia, usanga a handamana,

Izaía 5:23

ni ió oso a lungisa mukua phulu, kabasa ua a bhana diminhinu; o ua lungu anga a muʼelesa!

Jelemiia 14:14

Jihova ua ngambela: O Jipolofeta a zambula makutu mu dijina diami; nuka nga a tumine; né ngó kuila nga a bhana ngonge, mba ku a zuelesa; a zambula kisuma kia makutu, muzambu ua kusuma kua ngó, ni ukumbu, ni mangonha ma funha ngó mu muẋima uâ, iene ima iala ku mi zambuila ene.

Jelemiia 23:13

Mu jipolofeta ja Samádia nga di uana-mu lusebu; a kuata ku zambuila kua Bahale ia a luezesa o mundu uami ua Izalaiele o njila.

Jelemiia 23:16

Jihova dia Ilombo Ieta uambe kiki: Maka ma jipolofeta ki mu ma bhane mátui, oso ala ku zambula muʼaxaxi kenu, ala ku mi longa makutu; ala ku tanga kisuma maji kia tundu ku muẋima uâ-ene, ki kia tunduʼé mu kanu dia Jihova.

Kuditenda 2:4

Mufula uê ua uoleka kiá ni luma, kala ki bhanga ió ua tu zembe; o lukuaku luê lua kadilu, ua lu suinisa mukuâ ni nguma; ima ioso ia uabhele kiavulu ku mesu mu balaka ia kilumba kia Ziione, muene ua i jikinisa-mu. Ua lundulula-mu o njinda iê kala túbhia.

Izekiiele 13:7

Enu ki mua mu mona isukila ia kingoho, ni kuzuela muzambu ua makutu, kioso ki mua mu kuila: Ngana uixi, sumbala eme-muène ki ngi ki zuela?

Izekiiele 44:21

Ki bhu kale né ngó nganga imoxi u nua vinhu, kioso kia bokona mu lumbu lua moxi.

Hozeia 7:5

O bhu kizuua kia fesa ia sobha ietu, jingana ja di katesa ni vinhu, ià nuina enhoso kumoxi mu kilunga kia jisemenhi.

Mikeia 2:11

Se bhu kala muthu u kaiela o nzumbi iê i bhomba, i tanga o makutu, uixi: Eme ngi ku tangela maka ma upolofeta, kuma ni vinhu ni uhólua u kodiuisa, ia fuama muene ku i nua; muenhó-phe muene kiá u kala polofeta ia akua muiji uenhú.

Habakuke 2:15

Lamba dia ió uoso u bhana mukuá kunua uhólua! Eie uala ku mu zukamesa o kisudi kié, anga u mu kodiuisa, phala kioso kia zula ni u mu tale tuẋi iê.

Habakuke 2:16

Bhu kididi kia kijingu, ua kà sebuluka katé ki ki ku kuma; nuá-ku ue, u kale kala u mukua dibôlo a kambe ku mu saia; o dikáu diene bhuʼkuaku lua dilu lua Nzambi dia kà ku bilukila, o fuma ié ia kà laukila lusebu mukua ni ima iòluse anga i zangiua.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Efezo 5:28

Kiene ue o jingana ja tokala kuzola o jindona jâ, kala mikutu iâ ene. Diiala uoso ua zolo muhatuʼê, muenié ua di zolo.