Izaía 28:5 - O Mikanda Ikola

⁵ Mu kizuuʼokio, Jihova dia Ilômbo leta, u di bhanga kitundu kia fuma ni dilènga dia iuka di kembesa o masubhu ma mundu uê;

Izaía 28:5 ပူးပေါင်းရင်းမြစ်များ

Jobe 29:14

Eme nga di vunga jinga o kuiuka, o kuene kua dibhangele kiá kiene o kizuatu kiami, o kubhanga ima ia ku kamba kathômbo kua di bhangele kiá diene o divunga diami ni kitundu kiami kia mútue.

Izaía 11:16

Anga ua kà jikula-mu kikoka kia sokelela, phala tumbalumbalu tua mundu uê tua kà subhuka kua Asídia, kala kia bhitile kua Izalaiele kioso kia tundile mʼoxi ia Ijitu.

Izaía 24:16

Ku maẋokololo maʼxi tuevu-ku ià emba mikumbi ia kufumanesa Muthu Uaiuka; maji eme ngedi: Uaué, enu malʼé! Nga bhele, nga tunuka! Akua-mangonha a bhange ufe! kiene muene, akua-mangonha a bhange muene ufe ua nzungule!

Izaía 4:3

Bheneʼobho-phe, uoso u subhuka mu Ziione, ni ió uoso u nangenena mu Jeluzaleme, a kà mu luka Sandu; uoso kiá muʼaxaxi ka athu a muenhu, a kà mu soneka mu Jeluzaleme;

Izaía 41:16

Eie ua kà a bhiata muene bhu mbango anga a phephuluka ni kitembu, o kibhungu-phe kia kà a muanga; maji eie-phe ua kà sangulukila mua Jihova, ua kà di-thathela kua Dilemba Dikola dia Izalaiele.

Izaía 45:25

Mbutu-phe ia Izalaiele ia kà lungila mua Jihova, ia kà bhandulukila kua muene.

Izaía 60:19

Dikumbi ki diene dingi di ku muikina mu muanha, o mbeji ue ki iene ia kà ku muikina ni mueje uê; maji Jihova muene ua kà di bhanga mukengeji ué ua kalelà-ku, o Nzambi ié muene u kala o kizûnda kié.

Izaía 62:3

Ua-nda kukala-phe u kitundu kia ungana bhu lukuaku lua Jihova, u kala u kijinga kia uenexi bhu lukuaku lua Nzambi ié.

Izekiiele 16:12

Bhu dibhomo nga ku te phelu ia nzaji, ni jibixa ji zenzela mu mátui ni kitundu kia fuma ku mútue.

Zakadiia 12:5

Kienhôkio o ilamba mua Juda a kèla ku miẋima iâ, exi: O nguzu ia iá a tungu mu Jeluzaleme, iala kua Jihova dia Ifuẋi, Nzambi iâ.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.