Izaía 28:2 - O Mikanda Ikola

² Talesa, Jihova ua kà tuma dizonda diê, kusuina kuvula; mukuâ ni ki sonoka mvula ia matadi, mvula ia kibuika, mukuâ ni imenha i bhanga jihungulule ji kungulukila mu jimbandu, muene ue kitundu kiâ ua kà ki zubila ni nguzu ioso bhoxi.

Izaía 28:2 ပူးပေါင်းရင်းမြစ်များ

Jobe 22:16

Eneʼá a a buikisa kioso ngó kithangana kiâ ki ki bhixila luua; hungulule ja menha ja sengulula ibhela iâ.

Izaía 25:4

Mbata ua di bhange u kimbaka phala ngadiama ni ió ua tate mu lamba diê; u Dilengelu kiza o kibhungu; u Kilembeketa bhu thembu ia kizuza; kuma o muha ua isueia mukuâ ni kibhungu, ki ki di zubila ku kimbaka.

Izaía 27:1

Mu kizuua kienhókio, Jihova ua kà sunga xibhata iê ia kolo, iónene, ia nguzu, iene ia kà bhana na-iu o njumbu kua Leviatane, o kinhoka ki lenga lusolo, ni kua Leviatane, muene kinhoka kia di jinga lukata, anga o mudikixi uene muʼalunga ue, nʼa u jibhe.

Izaía 29:6

Jihova dia Ilômbo Ieta ua-nda ku ku kana ni inuminu, ni kitungutisu kia mavu, ni kixindu, ni kibhungu kia suína, ni kalemba, ni mulengo ua túbhia, hé i ku buikisa.

Izaía 30:28

O muha ua kubhuima kuê kala ngiji ia xamujuka ni menha, a bhixila katé mu xingu, phala kusàla o miji ni musalu ua kibuika; o ngoji ia ku a tondalesa, u i kuikila mu jingandelu ja ifuẋi ia mundu.

Izaía 30:30

Jihova ua kʼèvisa o fuma ia dízui diê, anga ua kà bhangesa kutala kia tulula o lukuaku luê ni kutemanana ni njinda, ni mulengo ua túbhia tuê tu buikisa, ni jinzaji ni dilúviu ni matadi ma mvula.

Izaía 32:19

Maji né hanji ki u kulumuka mu muxitu kua kà noka mvula ia matadi, anga diembuʼodio di senguluka katé dia buila.

Izaía 40:10

Talesa, muadi Jihova ua-nda kuiza kala dizonda, o lukuaku luê-phe luene lua-nda kutumina. Tala-phe o futu iê uiza na-iu, o kisakidilu kiê ua ki tuamekesa ku pholo iê.

Izaía 8:6

Kiedi mundu iú, menha ma Siloua mene ku kunguluka kilendu, a ditunu-u, ia a tana ni Lejime ni monʼa Lemadiia;

Izekiiele 13:11

Tangela ió a mu kunga-ku o hàla ki iôlunge, kuila o kipena kia-nda ku di bhala; kuma kua-nda kusonoka mvula ia kibhungu, eie u matadi a mvula ni eie u kitembu kia kibhungu, mua kà ki bula.

Izekiiele 38:9

Kienhokio-phe, ua kà banda, hé ua kʼèza kala kibhungu, anga ua kà di bhanga kala dituta phala kuvungina o ngongo, ni eie ni masoladiʼé oso, ni ifuẋi ia vulu ia ku bande.

Daniiele 9:26

O kia kà bhua o makuinhi asamanu a jisemana ni semana jiiadi, Mexiia a kà mu katula-ku, kà mu mona dingi; o mundu ua kilamba kia kèza-ku, ua kà buikisa o diembu diosuʼodio ni Tembulu, o dizubhilu diâ dia kà a bhitula mukuâ ni menha a disenza; kuà kala-phe ita mu ita katé bhu dizubhilu, oko a xindi-bhu ibuika.

Nahumu 1:8

Muene ua kà bobesa kididi kiki ni kibuika, mukua ni dilúviu dia menha; ua kà kaiesa jinguma jê katé ua a jikinisa mu kitombe.

Josuué 10:11

Anga ki bhita-phe kuila, ene kiala kulengʼiki, mbebhu Izalaiele, o mu kulumuka mu Mbetolone, Jihova u a takula imatadi ia laula ku diulu; mu kutula mu Azeka afu; kienhókio abuika ku matadi a mvula kota mu kuvula, a fu ku xibhata ia anʼa Izalaiele, ndenge.

Dijingunuinu 18:8

Kienhiki, mu kumbi dimoxi, kua-nda ku mu tulukila o kingûmba kiê kia mabhebhu: Makukata, misusu ni nzala! A kà mu oha mu túbhua katé ua buila. Kuma o Ngana Nzambi, ua mu mu fundisa, ua suina.

Dijingunuinu 8:7

Anju ia dianga anga u xika o koloneta iê. Hé kukala mvula ia matadi ni túbhia, iòlunge ni manhinga, anga a i kuua mu ngongo. Oxi anga i bhia o mbandu ia katatu, o mixi ue ibhia mbandu ia ʼtatu, o iangu ia uisu ibhia iene ioso.