Izaía 28:1 - O Mikanda Ikola

¹ Lamba dia kitundu kia ukumbu ua jihólua mu Ifalaíme! a bhingi o makembu mâ, ma matunda, mukua ni kitulu ki lalumuka, kiala ku sungu ia dikôlo dia kimise dia iá a a tolola kiá kuala o vinhu.

Izaía 28:1 ပူးပေါင်းရင်းမြစ်များ

II Jisobha 15:29

O mu izuua ia Peka, sobha ia Izalaiele, muene mueza Tiglate-Philesele, sobha ia Asídia, iú ua tolola jimbanza ja Inzone ni Abele-Bete-Mahaka, ni Jenoua, ni Kadexi, ni Hazole ni Ngiliiade, ni Ngalileia kumoxi ni ixi ioso ia Nafitali, oso a tungiuie-ma ua ambata iú uai-nâ ku Asídia.

II Malunda 28:6

Kuma Peka, monʼa Demaliia, mu kizuua kimoxi, ua jibha hama ni makuinhi aiadi a midi ia muthu mua Juda, makuenze oso a ita; mukonda a xisa Jihova, Nzambi ia jitata jâ.

Jisabhu 23:29

Mukua-hi u di kola-kola ni kudila dikokolo? Mukuahi u bhita, ni jingongo? Mukuahi u bhânga-bhânga jimvunda? Mukuahi u kala ngó mu tangelela? Mukuahi uizala ni jifidila ja ku di kuama-kuama ngó? Mukuahi u kusuka o mesu?

Izaía 28:7

Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Izaía 5:11

Lamba dia ió oso akua ku dimeneka mu kusota uhólua; anga a nangenena kueneʼoko katé mʼusuku, katé kia zezuka ni vinhu!

Izaía 5:22

Lamba dia ió oso a di bhanga indanda mu kúnua o vinhu, o bhuala o kuketa makiákia, usanga a handamana,

Izaía 8:4

Mbata mona muenhú kioso kiluua ejiia kuila, tatʼetu, mba memʼetu, o jimbongo ja Damasku a kà ji bhunda, ni madibhundila ma Samádia a kà ma ambata bhu pholo ia sobha ia Asídia.

Izaía 9:11

Kala kiki, o Jihova ua-nda ku mu fundumuina jinguma ja Lejime, o nguma jê ue muene ua-nda ku ji funhisa.

Izaía 9:8

Jihova ua tumikisa njimbu kua Jakobo, iene ia buila mu Izalaiele.

Izaía 9:9

Ni mundu uoso uenhú ua kà kʼijiia muene, mukonda akua Ifalaimi ni iá a tungu mu Samádia, ala kuzuela ukumbu ni ku di zangeleka kua muẋima, exi:

Hozeia 4:11

O uhabhu, ni vinhu ni maluvu, a katula kilunji.

Hozeia 5:5

Izalaiele o ízala iê ia-nda ku di jimbulukila mu pholo iê muene; ni Izalaiele ni Ifalaíme a kà dibhala-phe mu ituxi iâ; o Juda ue ua kà dibhala-nâ kumoxi.

Hozeia 5:9

Ifalaíme ua-nda kubhondalala, bhu kumbi dia ku mu bazela, kuma ua kà xala ngùndu; kienhiki-phe nga ki tende muʼaxaxe ka ibuka ia Izalaiele, kuila kia-nda kubhita muene.

Hozeia 6:10

Mu dibhata dia Izalaiele nga diuanamu kima kia kisunji; mukonda u sangamu o undumbu ua Ifalaíme, o Izalaiele ua di kasanesa.

Hozeia 7:5

O bhu kizuua kia fesa ia sobha ietu, jingana ja di katesa ni vinhu, ià nuina enhoso kumoxi mu kilunga kia jisemenhi.

Ijila 26:19

Kuma uzonda uenu ngi u sokomona, phala o izala i muala na-iu i mi bhue; diulu dienu dila ngé, felu mukuá, oxi ienu ue iila kala ngòndo.

Amoji 2:12

Maji enu-phe o jinaziléu mua a bhana kúnua vinhu, o jiplofeta mua a fudisa kuila: Ki mu zambule.

Amoji 2:8

U sanga a zeka kumoxi bhu mbanduʼa kalatódio koso-koso, ku thandu dia izuatu ia a ximbikila; o monzo ia jinzambi jâ muene mua nuina o vinhu ia kubhûnda.

Amoji 4:1

Kizueluʼiki ivenu-kiu, enu mu jingombe ja akaji mu Basane, muala ku mulundu ua Samádia, enu mua mu bhinjika o jingadiama, mu bhondeleka o jiphulungu a tate, anga mu kala mu kuambela anumiʼenu muixi: Beke-nu kunu, tu nue!

Amoji 6:1

Oso ala kiá ni kunhoha mu Ziione, kokolo diâ! Ni oso a di mono ku kondama ku mulundu ua Samádia, lamba diâ! Kokolo dia ilamba ku miji ia dianga mu ngongo, edi o kokuâ kuene kua mu lengela o dibhata dia Izalaiele.

Amoji 6:4

Mu zeka bhu jihama ja mazu a nzamba, anga mu tandelela muene bhu hama jenu; tumbudi tua beta kuiuka mu kilunga, tuene tu mu dia kumoxi ni tuana tua jingombe tua uabha mu kaxi ka kibhanga.

Amoji 6:6

O vinhu mu i nuina mu jikopho ja makota; o mu ku di uaia kuenu ki kale ngó ni maji a te kitadi kiavulu; maji mua lémbua ku kala ni dilamba dia kusenguluka kua Zuze!

Amoji 6:8

O Jihova, Nzambi, ua di lokela muene ku muenhu uê, o Ngana, Nzambi ia Ilômbo Ieta, uambe kuila: Kudizangeleka kua Jakobo kua ngi kala kima kia kisunji, o mazemba ma jinzu jâ ja matala, nga di zemba na-ju muene; kienhiki, ni mbonge ni ioso ialamu, nga-nda ku i bhakula muene.