Izaía 27:9 - O Mikanda Ikola

⁹ Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Izaía 27:9 ပူးပေါင်းရင်းမြစ်များ

II Jisobha 10:26

Anga a katula-mu o iteka ia tokalele mʼonzo ia Bale anga a i oha.

II Jisobha 23:14

Jipholela joso ue ua ji bula-bula kiòmuene, o mixitu ua i kokela bhoxi, bhu kididi kiê iu uezalesa-bhu ni ifuba ia athu.

II Jisobha 25:9

Iú uoha o inzu ia Jihova ni inzu ia sobha, kumoxi ni jinzu joso mu Jeluzaleme; jinzu joso muene ja athu a makota ua jiʼoha mu túbhia.

II Malunda 14:5

Ua muange ue matala ni iteka ia dikumbi mu jisanzala joso ja Juda, anga u mona kuila ixi ioso ia utuminu uê ia tululuka muene kiambote.

II Malunda 34:4

O jikalatódio ja Bale ua jimanena mu ku ji bula-bula; muene anga u batujula o iteka ia dikumbi ia kexile ku thandu dia jikalatódio; ni mixitu ni iteka ia kusonga, ni iteka ia kusula, ua i bula-bula iú ua i zuku katé ki ia kituka fufuta iú ua i sangela ku thandu dia jimbila ja oso a kexile mu ku i satela.

II Malunda 36:19

O inzu ia Jihova anga a i oha, o imbaka ia Jeluzaleme hé a i bula-bula; o jinzu jê joso ja matala a ji oha mu túbhia, ni itutu iê ioso ia makembu a i jikinisa ue.

Jisálamu 119:67

Kioso ki nga kexile, eie kua ngi beta luua, nga sotele kujimbila; maji kiki-phe, maka mé nga ma kuata muene.

Jisálamu 119:71

Kima kiambote, muene kia ngi talesa o hadi; phala ngi di longe o kaiula ka jingonge jê.

Makatukilu 34:13

Maji o kalatódio jâ mu ji bula, iteka iâ mu i bukujula, o matutu ma Axelahe mu a kokela bhoxi.

Jisabhu 20:30

Jifidila ja midimba ia kibetu, ji bhanga kiambote ku athu a bhumu, katé ni jihome ji a xila o kinduma mu mídia, jène jène ku a sungisa kilunji.

Izaía 1:29

Kuma sonhi ja kà mi kuata, mukonda dia luimbi luenu lua mixi ia mikaluvadiu i mua kôlesa, pholo ia kà mi sonoka mukonda dia mábhia a itulu u mua solo phala kubhezela.

Izaía 17:8

Ka kà suua dingi jikalatódio, ja kikalakalu kia maku mê; ka kà landukila dingi ue ima ia kalakala o milembu iê, né ku mixitu, né ku iteka ia lumbila dikumbi.

Izaía 30:22

Divunga dia iteka ié ia phalata, dianda ku ku iibhila kiá, o divunga dia iteka ié ia ulu ua kuzunza, eie ua-nda ku di kita dixidilu; ua-nda ku di texe kala ditele, ua-nda ku i tangela mu kimoxi-kimoxi, kuila: Tu-nda bhabha.

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Izaía 40:2

Jeluzaleme mu tedienu maka ma mu kuatekesa muẋima moxi; mu tangedienu kuamba dinhengena dié diabhu-ku, kikuma kiê kiololoke kiá; o ituxi iê ioso, ua i tambuila kiá luiadi ku lukuaku lua Jihova.

Izaía 48:10

Talesa, nga ku zelesa kiá, kana kala kia zunza o phalata; eie nga ku lolela mu muzukuta ua dilamba.

Izekiiele 11:18

Anga a kʼèza mueneʼomo, hé a katula-mu o ima ié ioso iaiibha ni ima ié ioso ia isunji.

Izekiiele 20:38

Maji o ió a ngi bhukumukina, ni iá a ngi tondalela, mu kaxi kenu nga kà a muangununa-mu; nga kà a katula muene mu ixi mua nhunganena, maji o mu ixi ia Izalaiele ka kà vutuka-mu dingi; phala ki mʼindukile kuila Eme-muène ngi Jihova.

Izekiiele 6:4

O Jikalatódio jenu joso ja kà xala bhoxi-mavu, o iteka ienu ioso ia dikumbi a ka i bula-bula, anga iò oso a mi tokala, a a kubujula, nga kà a buisa ngàmbu bhu pholo ia iteka ienu muene.

Daniiele 11:35

Amoxi ku athu a tetuluka kilunji a kà dibhala, mbé o ku a lola kujiza kuâ phala ku a eẋika ni ku a zelesa-phe, katé bhua kà bhuila o kithangana, mukonda o thembu ia dizubhilu ki iza, katé bhu kithangana kiê kioso kia tokala kia i xindi.

Hozeia 14:8

Ifalaíme ua kʼèla, uixi: Eme bhu ngalʼabha o iteka nga kuata na-iu kima kiahi? Eme-phe ngi mu suua, o kia zulʼokio ngi ki ivua muene. Mbata eme nga di bhange kala ngi mufuáia ua buingita mu thembu joso, o ibundu ié u i sanga jinga momuami.

Ijila 26:30

O jikalatódio jenu ngi ji lundumuna, o jiphiladi jenu ji mua tela o dikumbi, ngi ji muanga-muanga; o imbi ienu ngi i lumala kuthandu dia imbi ia jinzambi jenu; ni muenhu uami uene ki ua-nda ku mʼinda dingi.

Mikeia 5:11

Anga o jisanzala joso mu ixi ié nga kà ji muanga-muanga, ni jimbonge jê joso ja masuamenu nga kà ji lundumuna.

Zakadiia 13:2

Bhu kizuuʼokio-phe, kia kà kala kiki: Kuma majina ma iteka mu ngongo nga kà ma bhuisa-mu; o iteka ki bhuà kala dingi uoso u i xinganeka, Jihova dia Ilombo Ieta ua ki tange. Ni jipolofeta ja makutu mu ngongo nga kà ji kaiesa-mu, ki ja kà kala-mu dingi; ni nzumbi ioso ia ufusa ue ia kà tunda.

Loma 11:27

O kiki kiene o kikutu kiami ki nga kà ta ni ene, kizuua ki nga kà katula o ituxi iâ.

I Kolindo 11:32

O ki tu tambula-phe kaxtiku, Ngana ua tu beta, phala hinu ka kà tu êlese kumoxi ni mundu.

Matendelelu 12:3

misônga iâ mu i lundumuna bhoxi, iteka iâ ia kusonga mu i bula-bula, o mixitu iâ (iene mu bhezela) mu i ta mu túbhia, nzambi jâ joso mu ji sengulula muene, o dijina diâ mu di jima muene anga moxiʼomo dibhua-mu.

Jihebeleu 12:6

Kuma Ngana uoso ua mu zola u mu longa, uoso a mu tambulula kuma mona, u mu beta.