Izaía 27:8 - O Mikanda Ikola

⁸ Kana bá! Inda eie, mu kuzoka-nê, ua mu fikixila; kioso ki ua mu ẋimbuka, ua mu sondolola ni kitembu kiasuina, kia bhixila o kitembu kia thunda.

Izaía 27:8 ပူးပေါင်းရင်းမြစ်များ

Jobe 23:6

Manhi ni unéne uê uoso iuná, o kutena kuê, ueje kuzoka nʼeme? Kana. Inda ueje ku ngi langa muene.

Jisálamu 103:14

Mbata uejiia kioso kia tu sokejeka, u lembalala kuma tuala tu mavu.

Jisálamu 103:9

Muene ka jijila kubazela, kene mu kuila u ku tatela phonzo.

Jisálamu 38:1

Jihova, tata, kana ku ngi bazela ni kutema; kana ku ngi beta ni kuthathamana.

Jisálamu 6:1

Jihova, tata! kana ku ngi bazela ni njinda, kana ku ngi beta ni kuthathamana kué.

Jisálamu 76:10

Mbata ni kidi kiene, eie o njinda ia muthu i biluka diximanu dié; o ia subhuka-bhu eie u i sukika.

Jisálamu 78:38

Muene-phe mu kulenduka kuê, u a loloka o kubhukumuka kuâ, ka ẋikina ku a buikisa; u ki bhanga, u tona, kia kusosolola o njinda iê, né ua vunzuka ni kutema kuê, ka zubha.

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 10:12

Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.

Izaía 50:1

Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.

Izaía 54:7

Nga ku ehelela kathangana kòfele; maji nga-nda ku kuongeka ni jihenda ja nzungule;

Izaía 57:16

Kuma eme ki ngi jijilʼami kuzoka izuua ioso, ki ngi-di ue kiene ki nga teme kiene, kana; kuma nzumbi ia muthu ia vula kulémbua bhu i nhohena, ni mienhu i nga bhange.

Izaía 64:5

Eie ua-ia jinga kutakana ni muthu u sangulukila kubhanga kioso kia iuka, ni ió oso a ku xinganeka jinga mu mauendelu mé; talesa-ze, kindala eie ua thathamana mukonda etu tua te ituxi; mu mauendelu mé tua lueza-mu kithangana kia dikota, tu tena-phe kubhuluka?

Jelemiia 10:24

Ngi bete, eie u Jihova, maji u ngi fikixila, kana kia fuama mu njinda ié, phala ku ngi jime o mbutu.

Jelemiia 30:11

Mbata eme ngala kumoxi nʼeie, phala ku ku bhulula, Jihova ua ki tange; mukonda miji ioso mu nga ku muangena, nga-nda ku a bhana o zubhilu diâ; maji eie-phe, ki nga-nda ku ku zubhidisa, suke nga-nda ku ku bhana ue kaxtiku ké mu kizongelu kia fuama, kuma eie muene ue, ki ngi ku mono ni kukala kidi u muthu ua bene.

Jelemiia 4:11

Mu kithangana kinhá a kʼàmbela mundu iú ni Jeluzaleme kuamba: kitembu kia thothuena kia tundu bhu thala ia kikangalakata, kieza mu njila ia monʼa muhatu ua mundu uami, kí kieza phala ku bhiata, kí kieza phala ku zelesa.

Jelemiia 4:27

(Mbata Jihova uambe, kiki: Oxi ioso ienhiʼii a-nda ku i buikisa; maji, kana, ki ngi i jikinisa xata-babá!)

Jelemiia 46:28

Eie ku kale ni uoma, mubhikʼami Jakobo, Jihova ua ki tange, uexi: mukonda eme ngala ni eie; mbata miji ioso mu nga ku takuila, nga-nda ku a jima o mbutu; maji eie phe, ki nga-nda ku ku jikinisa, inda nga-nda ku ku bhana kaxtiku ké mu kizongelu kia tokala, kuma ki nga-nda ku kuila ngixi mu mulonga eie ue uabhu-mu muene.

Kuditenda 3:31

Mbata Jihova kene kuila uẋimbuka, nʼa ẋimbukilà-ku.

Kuditenda 3:32

Kuma, né kia beta muthu hé u mu bheka mu lamba, sai bhua-nda ku mu lendukila, kuma ukaiela kia soko o nzungule ia jihenda jê.

Izekiiele 19:12

Maji a u vuza ni njinda, hé a u takuila bhoxi, o kitembu kia thunda anga ki kukutisa o ibundu iê; ojithangu jê ja nguzu ja bukujuka, ja kukuta anga o túbhia tu ji jikinisa.

Hozeia 13:15

Ifalaíme né-mbe u zanda anga u bhana ibundu muʼaxaxe ka jiphange jê, hanji-phe, kua keza kitembu kia thunda, kitembu ki tunda kua Jihova, ki balumuka mu kikangalakata anga kiza ni kubanda; kiene kia kà kukutisa otho iê, o dijiia diê di thothuena; o ima ioso ia matunda iala naiu a kà mu bhunda-iu.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

I Phetele 1:6

Mukonda dia kiki, mua fuama mu sanguluka, sumbala kiosuʼiki kua bhingi mu di kuata mukondo, mukonda dia malamba ma vudila-ku, u muala kubhita na-u.