Izaía 27:7 - O Mikanda Ikola

⁷ Manhi muene a mu kuama kuala Nzambi, kala kia kuama ió a mu kuamene muene? inga Jihova ua mu jibha kala kia jibha ió oso a a jibha kuala muene?

Izaía 27:7 ပူးပေါင်းရင်းမြစ်များ

Izaía 10:12

Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.

Izaía 10:17

Mbata mukengeji ua Izalaiele ua kà di bhanga kala túbhia, Dilemba diâ, ukituka mulengo, uene uximika hé u jikinisa o misonge iê ni ivunda iê mu kumbi dimoxi.

Izaía 17:14

Ku ola ia ngoloxi, ki kua-nda kulèmba, talesa kimbuua kia bokona kua akua jixi, maji kuma kuandeka ngó kúkia, ene ka kà moneka dingi. Didi diene o dikânda dia futu ia tokala ió ene ku tu bhûnda, ni uíndua ua fuama ió oso ene ku tu nhana.

Izaía 17:3

O mbonge ia Ifalaíme ia kà suka bhenhobho, ni mbanza ia Damasku, ni masubhu ma Sídia; a kà kala mukuâ ni kijingo kia anʼa Izalaiele, kiene kiambe Jihova dia Ilômbo Ieta.

Izaía 30:31

Mbata o dízui dia Jihova diene dia kà bhanga isasake kua Asídia, kioso kia kà mu beta ni mbangala.

Izaía 31:8

O Asídia ua kà laúka ku xibhata, ki ia dikuenze-phe, kana; xibhata ia kà a jikinisa, maji ki xibhata ia muthu, kana; o xibhata iene, muene ua kà i lenga; o makuenze-mê anga a ka a tolola hé a kala mu ku a bhikisa.

Izaía 31:9

Muene ua kà di-texila ku ndanji iê ia dilengelu, maji iene ka kà i mona mukonda dia uoma; o ilamba iê ia kà bhondalala ni uoma, kia kà mona mvela: Kiene kiʼambe Jihova, mukua túbhia tuene mu Ziione, ni dijiku diê mu Jeluzaleme.

Jelemiia 50:40

Mukuá ni Nzambi kia jikinisa Sodoma ni Ngomola ni jimbanza ja zukamene na-ju, kiene kimoxi ue momo ki mua kà kala u tunga-mu, mba monʼa muthu u tá-mu dibhata, Jihova ua ki tange.

Jelemiia 51:24

Anga mua kà ki mona ku mesuʼenu, kioso Babilonha ni ene oso a tungu mu Kaldeia, ki nga-nda ku a futa o ufusa uâ uoso ua bhanga jinga mu Ziione, Jihova ua ki tange.

Nahumu 1:14

Eme Jihova nga bhana kijila kokué Asídia, kuma ki kuà kala dingi mbutu ia muthu ni dijina dié, o mʼonzo ia mahamba mé, eme-muène nga kà bula-mu o iteka iòsonge ni ia kuzunza. Eme nga kà ku kandeia o mbila ié muenhomo mukonda eie u sébhue.

Nahumu 3:19

Ki bhuala milongo i tena kusaka o fidila ié; o kítoto kié ki xixima kala fidila ia mukongo; oso kiá a kʼevua o fuma ié, a kà sanguluka ni kubeta jimbanda ku maku; mbata nanhi ua kambe kutala hadi mukonda dia kuzukutisa kua phulu ié.