Izaía 27:3 - O Mikanda Ikola

³ O díbhia didi, eme muene ngi Jihova nga mu di langa. Ngi di tekela mu ithangana, ngiia ni ku dʼinga usuku ni muanha, phala ki bhu kale muthu u di bhanga phulu.

Izaía 27:3 ပူးပေါင်းရင်းမြစ်များ

Dimatekenu 6:17

Mukonda ijiia na-kiu kuma eme nga-nda kulundulula dilúvio dia menha mu ngongo, phala ku buidisa o xitu ioso iala ni muenhu bhoxi dia diulu; ima ioso mu ngongo ia kà buika.

Dimatekenu 9:9

Talesenu, eme nga-nda kuta o kikutu kiami ni enu, ni mbutu ienu ioso hinu i mi bhingana;

I Jisobha 8:59

Ni kuila o maka mami iá u nga dionda na-u bhu pholo ia Ngana, ma kale jinge bhu pholo ia Ngana Nzambi ietu, usuku ni muanha, muene nda a bhange kia uabhela mubhikʼé ni kia uabhela o kifuxi kiê kia Izalaiele, kizuua ni kizuua.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:5

Nzambi iú bhobho, muene uala muʼaxaxe kê, kididi kiê ka tena ku ki sendumuna; Nzambi u di meneka mu ku a kudila.

Izaía 31:5

Jihova dia Ilômbo Ieta u zenzama mu ku kondeka Jeluzaleme mukuâ ni ki zenzama jinjila bhulu; u mu bhângela, u mu kudila, u mu kondeka, u mu bhulula.

Izaía 42:6

Eme ngi Jihova, nga ku ixana mu kuiuka kuami, nga-nda ku ku kuata mu lukuaku, anga ngi ku bhaka, hé ngi ku bhana u kale u kikutu kia akua jixi joso ni u kale u mukengeji ua akua-matumbu.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Izaía 46:4

Ki tualʼiki katé ni ku jimvi; mukonda eme nga mi vuala, nga-nda ku mi sasa, nga kà mi ambata anga ngi mi langa.

Izaía 46:9

Lembalalenu ima ia bhita tundé mu xiahulu; Kuma eme-muène ngi Nzambi, kana-ku Nzambi iengi, kana-ku ua soko nʼeme,

Izaía 49:8

Jihova ua zuela kiki: Sai thembu ia tokala i nga kuividila, sai kizuua kia kubhuluka ki nga ku kudila, nga-nda ku ku langa, nga-nda ku ku bhanga u kikutu kia mundu, phala u bhangulule oxi, maubhinganu ma buikisile u ma bheka dingi bhu maku ma athu oso ma a tokala.

Izaía 5:6

Ngi di bilula kikangalakata; ki bhua-nda kukala dingi ku di sola jithangu; ku di tela ue mavu bhu ixina, kana dingi; inda mu sabhuke kiá isasa ni misonge ia minha; ngʼa mbela ue matuta, phala ka noke dingi mvula ku thandu diê.

Izaía 58:11

O Jihova u ku endesa izuua ioso, anga u dikila o muenhu ué mu ididi ia kukuta, hé u ku bhana o nguzu mu ifuba; eie-muene u kala mukuâ ni díbhia diotekele, kala fiẋi ia kunuina, menhʼé kene mu kamba.

Izaía 60:16

Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.

Izekiiele 34:11

Mukonda o Jihova Nzambi uambe kiki, uixi: Tala-ze, kuma eme, ememuène muene, nga-nda kusota o mbudi jami, inga ngi ji takana.

Izekiiele 34:24

O eme-phe, ngi Jihova, nga kà kala ngi Nzambi iâ, o mubhikʼami Davidi muene ua kà kala o kilamba muʼaxaxe kâ; kuma eme ngi Jihova nga ki tange.

Izekiiele 37:14

Anga nga kà ta o nzumbi iami mʼoxi dienu, enu hé mua kà kola o muenhu, eme anga nga kà mi tula dingi mʼoxi ienu hé mua kà kʼijiia kuila eme ngi Jihova, eme ngʼambe kienhiki, emeʼ-muène ue nga ki bhange, kiene kia tange Jihova.

Izekiiele 37:28

Anga akua jixi a kà kʼijiia kuila eme-muène Jihova, ngene kuzelesa Izalaiele kioso kia-nda kukala o dibhezelu diami muʼaxaxe kâ, katé ku hádia ni hádia.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.