Izaía 27:11 - O Mikanda Ikola

¹¹ O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 27:11 ပူးပေါင်းရင်းမြစ်များ

Jisálamu 106:40

Kia bhangesa o njinda ia Jihova kuuama kala túbhia, kia tala ku povo iê; ni undundu uê ua mu kuata fokoso.

Izaía 1:3

O ngombe iejiia ngana iê, o bulu ue iejiia mu kidilu kia mu tela ngana iê; maji Izalaiele dia mundu uami ua xiti mu thulu, kifuxi kiami kʼejiia kima.

Izaía 18:5

Mbata kuila o thembu ia kumuna ki ieza-bhu luua, kuila ibundu moxiʼa itulu ia di bhange kiá, ji-uva jemi, jeza mù kusuka, euá, jithangu a kà ji solala ku kixina ni imvu, o jithangu ja lebhelela a ka ji batula.

Izaía 43:1

Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.

Izaía 43:7

Oso a exana mu dijina diami, ni oso nga a bhanga phala o diximanu diami, eme-muène ngʼa ombu, kidi muene, eme muene ngʼa iudika.

Izaía 44:2

Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.

Izaía 44:24

Jihova dia Mukudi ué, ua ku bhange ki uala mu divumu, uambe kiki: Eme Jihova ngene kubhanga ioso, diulu eme-muène nga di olekele ubheka uami, oxi nga i zale se muthu ku ngi kuatekesa;

Izaía 5:13

Kala kiki, mundu uami a kà uambata muene ku ubhika, mukonda kala ni kilunji! Ilâmba iâ a kà di-huha hanji ni nzala, kifuxi kiâ kia kà kala muene ni kikaku kia menha.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Jelemiia 11:16

Jihova ua ku luku u mudiva ua uisu, ua uabha, mukua ku bhana ibundu iambote; o kiki-phe, ua tumu dízui diná dia kibulukutu kia dikota, dia mu uikila túbhia mu jimbandu, o jithangu jê ja bukujuka.

Jelemiia 13:14

Hé nga a sasujula ni ku a bekujula ku akuâ, jitata bhuamoxi ni anʼâ, Jihova ua ki tange, uixi: Ki nga-nda ku loloka, ki nga-nda ku kondejeka, mba ku a kuatela henda, kuila ngi kamba kua buikisa.

Jelemiia 16:5

Mbata kienhiki kiambe Jihova, uixi: Kana ku bokona monzo ia thambi, né ngó kuila uia mu dila, mba u a kuatela henda; mbata o mundu iú, o kutululuka kuami ni kulenduka kuami ni henda nga kà a katula-iu, Jihova ua ki tange.

Jelemiia 25:37

Mbata ilunga iâ ia uembu a-nda ku i sengulula mukonda dia kutema kua njinda ia Jihova;

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 8:7

Katé ni dibanda bhulu, uejiia ithangana iê ia mu xindila; o diembe ni munzoue ni phiaphia a tongolola kiambote o kithangana kiâ kia kuvutukila kua tundu; maji o mundu uami-phe, ua lémbua kuijiia ubatuilu ua Jihova.

Izekiiele 19:12

Maji a u vuza ni njinda, hé a u takuila bhoxi, o kitembu kia thunda anga ki kukutisa o ibundu iê; ojithangu jê ja nguzu ja bukujuka, ja kukuta anga o túbhia tu ji jikinisa.

Izekiiele 20:47

Uambele o ditutu dia Sulu kuila: Ivua o maka ma Jihova: Jihova Nzambi uambe kiki: Tala, o momuʼé nga-nda ku bambula-mu túbhia tua ka jikatesa o miẋi ioso ia uisu ni miẋi ioso ia kukuta; o mulengu uia ni kulekujuka ki ua kà jima dingi, inda o pholo joso ja kà jokota ni mulengu uenhó tundé ku sulu katé ku suku.

Izekiiele 9:10

Kala kiki, eme uami ue, diesu diami ki dia-nda kukondeka muthu mba ngi kuatela henda; nga-nda kulunduluila o njila iâ ku thandu dia mítue iâ.

Hozeia 4:14

Eme, anʼenu a ahatu kia bhanga uuaia, ni akaji a anʼenu ki a ta jiphànda, ki nga-nda ku a kaxtikala-ku; mbata o malʼâ ene, ni jitata jâ, a di texi ni idianzunga, o mu kubhana jisata aia kumoxi ni iuaia; mukonda o mundu ua kambe kilunji ua kʼaia mu dibuikilu.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Matesu 13:15

Mbata o muẋima ua mundu iú ua kolokota, Mátui mâ ma kokoloka kuívua, mesu mâ a ma jika; ku lengesa o kumona ni mesu, kuívua ni mátui, kuijiia ni muẋima, nʼa lunguluke dingi, eme ni ngʼa sake.

Matesu 13:19

kʼivua muthu uoso o maka ma Utuminu ua Nzambi, anga u tokoka ku a ejiia, bhenhobho Dimonho diza di sumbununa ioso ia kuuile mu muẋima uê. Muenhú a mu kuua bhu mbanduʼ a njila.

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Nzuá 15:6

Se muthu u kamba kuxala mo muami, a mu texi kala thangu, hé u kukuta. Anga u di fangana thangu ja kukuta, a ji bhongolola, a ji ta mu túbhia, hé ji bhia.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 1:31

akua undumbu, kima kia bangana ka ki kumbidila, a kaka, ka moneka henda ia muthu.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.