Izaía 27:10 - O Mikanda Ikola

¹⁰ Kuma o mbanza ia di-fikidilʼoio, ia xala ubheka, ia kituka dibhata dia uʼehèlele, a i ambudisa mukuà ni kikangalakata; o tuana tua jingombe tua kà dila mueneʼomo, tua kà zeka mueneʼomo, anga tua kà butulula muene o jithangu jê.

Izaía 27:10 ပူးပေါင်းရင်းမြစ်များ

Izaía 17:2

Jimbanza ja Alouele ja kà xala ngùndu; ja kà xalela kiá makêla ma ilunga ia ibhaku, diene dinangu diâ, ki bhu kala muthu u i kaiesamu.

Izaía 17:9

Mu kizuua kieneʼokio o jimbonge já ja nguzu ja kà kala uila ididi ia xala jingùndu mu ditutu mba bhu mazokozoko a milundu, makuâ ni ididi mua tungile o Mamodi ni Mahivi ia xala ngó kiene-okio, kia mono anʼa Izalaiele ala kubhiẋila; anga kua kà kala kibuika.

Izaía 24:10

Mbanza ia xala ngundu, kiki ió bula-bule, jinzo joso muene ja ku jika, ki bhuala dingi u tena kubokona.

Izaía 25:2

Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.

Izaía 32:19

Maji né hanji ki u kulumuka mu muxitu kua kà noka mvula ia matadi, anga diembuʼodio di senguluka katé dia buila.

Izaía 35:1

Ni kikangalakata ni ididi ia kukuta ia kà sangulukila kienhiki; dinhana dia kà tana, anga ditulula kala diloza.

Izaía 49:21

Eie-phe ua-nda kuila ni muẋima ué, uixi: O kiki, ana enhá mukuahi ua ngi vualela-u? eme nga kexile sé ana, uhukunhi uvula; ngele ku ubhika, eme nga tundu-ku; o iá-phe mukuahi ua ngi sasela-nâ? Talesa, ua kʼèla: eme nga subhukile ubheka; o iá-phe a kexe kuebhi?

Izaía 64:10

Madiembuʼé a ngene a biluka jingùndu; Ziione kilombo ngundu, Jeluzaleme a mu buikisa.

Izaía 7:21

Bhua kà kala-phe kuila, muthu mu kizuua kieneʼokio ua kà sasa ngó mama imoxi ia ngombe, ni mama jiiadi ja mbudi.

Izaía 7:25

O mu milundu ioso ue, muene mu dima ni matemu, ka kà ia-mu dingi, mukonda dia uoma ua mazalakata ni misonge, ki kale muia jingombe ni jimbudi ku titidila-mu.

Jelemiia 25:37

Mbata ilunga iâ ia uembu a-nda ku i sengulula mukonda dia kutema kua njinda ia Jihova;

Jelemiia 26:18

Mikeia dia mukua Molaxita ua zambuile mu izuua ia Ezekiia, sobha ia Juda, anga u tangela mundu uoso ua Juda, uixi: Jihova dia Ifuẋi uambe kiki: Ziione a kà mu dima kala mukáu, Jeluzaleme ua kà kituka ndunji ja matadi, o ditala dia inzu iii dia kà di bhanga kala dilundu mu ditutu.

Jelemiia 26:6

kuabhu-phe, nga-nda kubhangesa kuila inzu iii i kituka kala Silu, o mbonge iii i di bhanga ia mázui phala jixi joso mu ngongo.

Jelemiia 52:27

O sobha ia Babilonha anga ua a beta u a jibhila bhu Dibalah, mʼoxi ia Hamate. Kienhiki kiambata Juda mʼoxi iê, phala ku mu bheka ku ubhika.

Kuditenda 1:4

Ikoka ia Ziione í dila, mukonda ki bhuala dingi muthu ubhita-mu phala kuiza ku kionge kia fesa; mielu iê ioso ia di koto; o jinganga jê ji kala mu ku di kumuina! Ilumba iê ia mizeletete ia bhondalala, o muene-phe uala mu kiminhu kia kulula kua muxima.

Kuditenda 5:18

Hanji kia senguluka o mulundu ua Ziione, mikenge kifua kuene ku nangu diâ dia kuendela.

Izekiiele 36:4

kala kiki, enu mu milundu ia Izalaiele, ivuenu o maka ma Jihova Nzambi: O Jihova Nzambi ua tange kiki ku milundu ni ku tuthuthulundu, ku jingiji ni ku jihonga, ku ididi iòbilule jingùndu ni mu ididi ia xala ngoho, ni ku jimbanza ja uehelèle, ji ja kituka dibhundilu ni môndo ua akua jixi a subhuka iá a tungu mu jimbandu jâ;

Mikeia 3:12

Uila kiki, mukonda dienu, Ziione hádia a mu dima kala mukáu ua hatu, Jeluzaleme ua kà kituka jindunji ja matadi, o mulundu bhuala o inzu ienhiʼii, bhua kèla kala muxitu bhu thala ia milundu.