Izaía 27:1 - O Mikanda Ikola

¹ Mu kizuua kienhókio, Jihova ua kà sunga xibhata iê ia kolo, iónene, ia nguzu, iene ia kà bhana na-iu o njumbu kua Leviatane, o kinhoka ki lenga lusolo, ni kua Leviatane, muene kinhoka kia di jinga lukata, anga o mudikixi uene muʼalunga ue, nʼa u jibhe.

Izaía 27:1 ပူးပေါင်းရင်းမြစ်များ

Jobe 26:13

O diulu ua di kembesa ni Nzumbi iê; O lukuaku luê luene lua iudika o kinhoka ki di nhonga jihata.

Jobe 3:8

Usuku uenhó a u bhubhidile kuala oso a di zemba kinéne ni muanha; ió oso ejiia muene kuthathamesa o ilulu mu kalunga;

Jobe 40:19

Maji muene-phe, uala ngó matunda a kikalakalu kia ibhangelu ia Nzambi; uoso ua mu bhange, ua mu manekesa ue ni xibhata.

Jobe 41:1

Eie u tena ku kuata o ngandu ku nzolo, mba ku muʼoleka dimi ni mukolo?

Jisálamu 104:26

Muene mu endela jinaviiu; ni kibaleia ua mu bhanga phala a tonokene muenhomo.

Jisálamu 45:3

Dizonda dia kimi! maneka o xibhata ié bhu ditabela, u zuate o fuma ié ni unénene ua ungana ué.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Izaía 51:9

Phaphumuka, phaphumuka, u maneke ukuenze, eie u lukuaku lua Jihova; phaphumuka muene kala mu thembu ia xahulu, kala ki ua bhanga jinga mu miji iòkulu. Abha, ki eie-muène ua batujula Lahabe, anga unemeka o mudikixi?

Izaía 65:12

eme ue nga-nda ku mi xinda kúfua ku xibhata, anga enuoso mua kà bhetamena bhu kijibha; mbata ngʼexana, enu nguenu kuitaia; nga zuela, enu nguenu kuívua; o kialabhu, mua bhange kiaiibha ku mesu mami, enu mua solo-bhu kioso ki nga di zemba na-kiu eme.

Izaía 65:25

Ni kimbungu ni seseme ia mbudi a kà dila dikèla dimoxi, o hoji ia kà dia iangu mukuâ ni ngombe; nhoka ua kà dia fufuta ia mavu, kuene kudia kuê. Ene, ka kà bhanga kiaiibha mba usuéia uoso-uoso mu mulundu uami uoso ukôla, kiene kia zuela Jihova.

Izaía 66:16

Kuma Jihova ua-nda kuila o kuku u kuata túbhia, o kuku xibhata, anga ua kà funda ni mundu uoso; o imbi-phe ia-nda kúfua bhenhobho kua Jihova ia kà vula.

Jelemiia 47:6

Éhʼê! Xibhata ia Jihova, tata! Eie ua-nda kunhoha katé bhebhi? Vutuka mu kizu kié, nhoha, tululuka muene!

Jelemiia 51:13

Eie, tata! Ua tunga ku thandu dia menha ma ndumba, uezala ni jimbongo ja vulu! Zubhilu dié dia bhixila, kala o kizongelu kia unjenje ué!

Jelemiia 51:34

Nabukodonozolo, sobha ia Babilonha ua ngi di kihabula, ua ngi diota-diota, ua ngi bhange ngi kitutu kia hatu, ua ngi minha mukuá ni kimudikixi iú uezalesa vumu diê ni kikexilu kiami kia ujitu; iu ua ngi kaiela bhu kanga.

Izekiiele 29:3

Zuela, kuamba: O Jihova Nzambi uambe kiki: Emʼiú, mu kuzoka nʼeie Falaó, sobha ia Ijitu, u kimudikixi kionéne, ua butama muʼaxaxe ka jingiji jé, eie ua mu kuila, uixi: O ngiji iami, iami eme-muène, kuma eme nga i bhange phala eme.

Amoji 9:3

O ki áia mu di sueka bhu zoko-zoko dia mulundu ua Kalumelu, nga kà a sota muene, anga kueneʼoko muene ngʼa katula-ku; o kiela exi ki ngʼa mone mesu, anga a di sueka koxiʼa menha mu musanza ua kalunga, kueneʼoko ue nga kà tendelela kinhoka nʼende ni ku a numata.

Dijingunuinu 12:3

Anga ku moneka kijimbuete kiamukuá ku diulu. Kimudikixi kia dikota, kikusuka, kiala ni sambuadi dia mítue ni kuinhi dia lumbinga, o ku mítue iê ku kala sambuadi dia kitundu.

Dijingunuinu 13:11

Kienhókio anga ngi mona kiama kiamukuá kí fukunuka mu mavu. Ki kala ni mbinga jiiadi mukuâ ni mbinga ja mbudi, maji ki zuela-phe kala mudikixi.

Dijingunuinu 13:4

Ene oso anga a bheza o mudikixi, mukonda muène ua bhana o kijingo kiê ku kiama. Anga a bheza ue o kiama, exi: Nanhi ua soko ni kiama mu nguzu? Ua tena kùlua-nê, mukuahi?

Dijingunuinu 16:13

Anga ngi mona ʼnzumbi jkitatu jaiibha jedi kala mazote. Nzumbʼiji ja tundu mu kanu dia mudikixi, ni mu kanu dia kiama, ni mu kanu dia polofeta ia makutu.

Dijingunuinu 17:1

Anga kuiza anju imoxi, ku sambuadi dia kuatele o sambuadi dia nganza, hé u ngi zuelesa, uixi: Iza kunu, ngi ku idikize kioso kia-nda kubhana o kaxtiku kua kidia-nzunga kia dikotʼokio, o mbanza ioio iòtunge bhu mbanduʼ a ngiji javulu.

Dijingunuinu 17:15

Bhenhobho o anju ua ngʼambela ue, uixi: O menha ió u ua muene, kua xikama o kidia-nzunga ku thandu diâ, o miji ia athu, ni mundu, ni ifuẋi, ni madimi.

Dijingunuinu 19:21

Amukuá oso, a a jibha ni xibhata ia mu fuomoka mu kanu dia ió ua mondala o kabalu kazela. O jinjila joso anga ji dia, hé jʼikuta ni xitu iâ.

Dijingunuinu 2:16

Dielenu-phe kiá! O ki mu kamba ku ki bhanga, hinu ngi mi sanga kindala, anga enhó ngi lua-nâ ni xibhata i tunda mu kanu diami.

Dijingunuinu 20:2

Anga u kuata mudikixi, na kinhoka kiòkulu-ô, muène Diabhu, mba Satana, anga u mu kuta phala a bhange midi ia muvu bhu lubhambu.