Izaía 26:6 - O Mikanda Ikola

⁶ A kà i titidila kuala dikànda dia kinama. A kà i titidila kuala makànda ma jiphulungu, ni makànda ma jingadiama.

Izaía 26:6 ပူးပေါင်းရင်းမြစ်များ

II Jisobha 9:33

Bheneʼobho muene, uixi: Mu laudienu, eze bhoxi. Anga a mu laula bhulu hé uiza bhoxi; o manhinga mê a tula ku jikabalu ni ku mutôto ua phalelu ia inzu, muene anga u mu diota ni dikalu.

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 25:10

Mukonda lukuaku lua Jihova luanda ku tula ku mulundu uenhú; maji Mouabhe a-nda ku mu bhiatela muene bhu kididi kiê, kala kiene kubhiatela o ibhiáxi bhu dixita.

Izaía 28:3

O kitundu kia ukumbu ua jihólua ja Ifalaimi a-nda kuà ki titidila muene bhoxi ni inama.

Izaía 29:19

Oso a belesela a kà kala ni ngalasa, kutunda ngalasa, kuiza ngalasa, o ngalasa mua Jihova; jiphulungu ku mundu, a kà tanena kua Dilemba dia Izalaiele.

Izaía 3:14

Jihova iú uiza phala kufundisa o ikulakaji ia mundu uê ni ilamba iâ; mukonda enu muene mua jikinisa o dibhia didi dia mivide; o ima i mua nhana ku jingadiama, iii mu jinzo jenu.

Izaía 3:15

Jihova, Nzambi ia Ifuẋi, uixi; Ihi ia mi kuata, enu mua mu kuenda ni kutatesa o mundu uami, ni kututujula o pholo ia jingadiama?

Izaía 37:25

Eme nga kande, eme ngʼanu menha; eme nga kukutisa menha mu jihonga joso ja Ijitu ni makànda a inama iami.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Jelemiia 50:45

Kala kiki, ivuenu kaiula ka Jihova ka te mu kuzoka ni Babilonha, ni ixinganeku iê ia kanena na-iu ixi ia akua Kaldeia, uixi, ni kidi muene, ka kilunga né kòfele, kʼaia muene ni ku a kuka, kuma dibhata diâ hádia di xala ngùndu kidi muene.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Sofoniia 3:11

Mu kizuua kienhokio kua kà kala dingi ni jisonhi ja ima iaiibha i ua bhangele kokuami, katé ki ua ngi ẋinukina jinga eme, kuma eme nga ka katula momué ió oso a di zangeleka, eie-phe nuka dingi u a kala ni izala ku mulundu uami ukôla.

Malakiia 4:3

Akua ituxi mua kà a diota-diota, mbata a kà di bhanga kala utôkua koxi dia inama ienu, mu kizuua kienhókio ki nga-nda kua kà bhanga; eme ngi Jihova dia Ilombo Ieta.

Luka 10:19

Talenu, eme nga mi bhana kutena kua kudiota jinhoka ni jinginga, ni ku tolola nguzu ioso ia nguma. Kana kima ki tena ku mi kuama.

Loma 16:20

O Nzambi, otho ia paze ietu, kindala uanda ku titidila Satana bhoxi dia inama ienu. O kiadi kia ngana ietu Jezú Kristu, ki kale ni enu oso.

I Kolindo 1:26

Enu jiphange jami, kindalʼ iki xinganekenu hanji o ukalelu u mua kexile na-u kioso kia mʼ ixana Nzambi. Mu uijidilu ua mundu iú, athu kà vudile mudienu a kexile jinjimu, mba mazonda, mba anʼ a jingana mu izomba.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

Josuué 10:24

Kia zubha ku bheka jisobhʼojo kua Josuué, Josuué uexanene mala moso ma Izalaiele, iu uambela ilamba ioso ia ita, oso endele-nê, uixi: Bhixilenu; diotenu inama ienu bhu jixingu ja jisobha jiji. Ene anga a ji diota inama bhu ʼxingu.

Dijingunuinu 2:26

Uoso u tolola, u aiuka imbamba iami katé bhu dizubhilu, muenhó kala eme kia ngi bhana ukota ua kutumina kuala Tata iami, eme ue ngi mu bhana ukota ua kutumina akua jixi.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.