Izaía 26:3 - O Mikanda Ikola

³ Eie, Jihova, uoso ua te muẋima ua tenena kokué, eie ua kà mu bhaka ni kutululuka kua kidi, mukonda muene ua ku dielela eie.

Izaía 26:3 ပူးပေါင်းရင်းမြစ်များ

I Malunda 5:20

Anga a a kuatekesa mu kúlua-nâ, o akua Hangale ni oso kiá a kexile-nâ, ene oso hé a a bhana bhu maku mâ, mukonda a dikolele kua Nzambi, kiala mu kúlua o ita, Nzambi hé u a bhana mátui, kuma a dielela kua muene.

II Malunda 13:18

Kienʼiki anʼa Izalaiele a di zangelekele mu thembuʼomo, a a tululula; anʼa Juda a tolola mukonda a dielela kua Jihova, Nzambi ia jitata jâ.

II Malunda 16:8

Manhi akua Itiiópia ni akua Líbia ka kexile kifuẋi kia dikota ni jinzungule ja makalu ni akua kusambela jikabalu? Maji-phe eie mu kudielela Jihova, muene ua a bhakula bhu maku mé.

Jisálamu 119:165

Kutululúka kuavulu ku kala kua ió oso a zola o ngonge ié; phala ene, kana-ku kima ki tena ku a diangula.

Jisálamu 125:1

Oso a dielela kua Jihova, a kala mukuâ ni mulundu ua Ziione, ka tena ku u zambesa, maji ua xikama kididi katé ku hádia ni hádia.

Jisálamu 9:10

Oso a ku ijiia o dijina, eie muene u Jihova a ku dielela; kuma, eie Jihova, ku muthu ua kukakula oso a ku kana.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 26:12

Jihova, tata! Eie ua kà tu bhana o kutululuka, kuma éʼmuene ua kalakala moxi dietu o ibhangelu ietu ioso.

Izaía 27:5

Mba bhu kala uoso u ngi-bua o jinguzu, u bhanga paze nʼeme; kiene muene, ió muene u di tambulula nʼeme.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 32:17

O ibundu ia kuiuka ia kà kala kutululuka; o ukalakelu ua kuiuka o kunhoha ni ku kondama mu thembu joso.

Izaía 32:18

O athu ami anga a kà tunga mu diembu dia batama, ni mu madiembu a kondama, ni mu ididi ia tululuka ia kunhoha.

Izaía 42:19

Kifofo nanhi, oko mueniʼé selevende iami; mba muxilu, kala o phunga iami; ngi mu tuma nanhi muene? Kifofo nanhi, kala ió a mu bhana o futu? O kifofo kala o selevende ia Jihova, nanhi?

Izaía 42:6

Eme ngi Jihova, nga ku ixana mu kuiuka kuami, nga-nda ku ku kuata mu lukuaku, anga ngi ku bhaka, hé ngi ku bhana u kale u kikutu kia akua jixi joso ni u kale u mukengeji ua akua-matumbu.

Izaía 48:2

A di-luka muene o dijina dia mbanza ikôla, anga a xamenena kua Nzambi ia Izalaiele; o dijina diê Jihova dia Ilombo Ieta.

Izaía 49:8

Jihova ua zuela kiki: Sai thembu ia tokala i nga kuividila, sai kizuua kia kubhuluka ki nga ku kudila, nga-nda ku ku langa, nga-nda ku ku bhanga u kikutu kia mundu, phala u bhangulule oxi, maubhinganu ma buikisile u ma bheka dingi bhu maku ma athu oso ma a tokala.

Izaía 50:1

Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Izaía 66:12

Mbata Jihova uambe kiki: talesaze, nga-nda ku mu sanzumuina o kutululuka ku thandu diê mukuâ ni ngiji, ngi mu lunduluila ue o fuma ioso ia akua-jixi mukuâ ni honga ia ẋamujuka ni menha; kienhokio mua kʼámua kala kamona bhu jihata, a mi ambatela bhu maku, a mi lela bhu jihata.

Jelemiia 39:18

Mukonda ni kidi kiene, nga-nda ku ku bhulula, o ku xibhata kua kà di bhala-ku; maji o muenhu ué uene ua-nda ku kala o mbole ié, mukonda ua dielela kokuami, eme ngi Jihova.

Daniiele 3:17

Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Daniiele 3:28

Nabukodonozolo bhenhobho uzuela, uixi: A tane-ku Nzambi ia Sadalake, ni Mizake, ni Abede-neko, ua tumu anjo iê iú uakudila jiselevende jê, a mu dielela, mbata o ngonge ia sobha a i bulu muene, iá a bhakula o mikutu iâ, mu kuiengesa kubheza jinzambi jengi, kikale ngó o Nzambi iâ.

Daniiele 6:23

Bhenhobho sobha anga u tana kiavulu ni muẋima uê, iú ua tumu kuila a zaúle Daniiele, mu ngenda; kana-phe kiẋenge kia kima kia mu sange na-kiu, mukonda uaxikanene kua Nzambi iê.

Mikeia 5:5

Muenhú anga uà kà kala muene paze ietu. Kioso o Asídia kia kʼèza mu ixi ietu mu ku i lua, nʼa bhite ni kudiota ku thandu dia jinzu jetu ja matala, etu tua kà mu ixanena sambuadi dia abidi, ni dinake dia mona-ngana muaxaxi ka athu, ni a tu kudila.

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Filipe 4:7

Bheniobho o kutululuka kua Nzambi kua somboka o kitongoluelu kioso kia muthu, kuanda ku mi bateka miẋima ni ilunji, mu ukamba ni Kristu Jezú.