Izaía 26:14 - O Mikanda Ikola

¹⁴ Ene, o kia fua, ka kà vutuka dingi ku muenhu; o kia kituka madifundu, ka-nda kufukunuka dingi; mukonda dia kienhiki, eie ua a kane, eie ua a jimi o mbutu, o fuma iâ ioso ua i làmbe muene.

Izaía 26:14 ပူးပေါင်းရင်းမြစ်များ

Jobe 18:17

Mu ngongo ki mua kà kala dingi u mu xinganeka, o mu jinzunga dijina diê-muène ki dia kà kala-mu.

Jobe 24:20

A kà mu jimba kiá kuala mamʼâ; o tubamba tua kà mu dia ni vondadi ioso; kana-ku dingi ua kà mu xinganeka; mukua mangonha a kà mu bukujula kala muxi.

Jobe 7:9

Mukuâ ni dituta ki di kenguluka kiá hé di bhita, kiene ue ió uoso u tuluka kuʼalunga mu mbila, ki lelu dingi a tunda-mu.

Jisálamu 106:28

Anga aia dingi mu ku di ta kua Bahale-Piiole; hé a dia o jisata ja satela o iteka iafu.

Jisálamu 109:13

Muiji uê u batuke muene, ubhue-ku; ku mona ni ku mulaula a a jimune o majina mu ingo ia vumu.

Jisálamu 135:17

Mátui sai, maji ki itena kuívua; kuma mu kanu diâ ki muala kubhuima kuoso-kuoso.

Jisálamu 36:12

Akua kubhanga a phulu iá a zeka ianhá; a a te bhoxi ka tena dingi kubalumuka-bhu.

Jisálamu 59:5

Eie muene nga ku indi, u Jihova dia ifuẋi, u Nzambi ia Izalaiele, balumuka mu bhesa o matumbu kaxtiku; kana ku a lendukila, né umoxi ngó kuma enhó a bhukumuka kiluelu kiâ ni kubhanga kiaiibha. (Selah.)

Jisálamu 9:6

Jinguma jami ja buila, eie ua a katula kijingo; o jimbanza jâ eie ua ji sengulula, bhu ja kexile bhua di bhange jingundu, ni muthu u a xinganeka dingi ka moneka.

Makatukilu 14:30

Kienhiki Jihova kia bhulula Izalaiele mu kizuua kienhókio bhu maku a akua Ijitu; Izalaiele anga a mona ngó o imbi ia akua Ijitu ia takuka bhu ndúndu ia kalunga.

Jisabhu 10:7

Delembalelu dia muthu uaiuka di kala dibesá, maji o majina a isuéia-phe a kà di bhanga kala kima kia bolo.

Ndongixi 9:5

Kuma ió oso ala ni muenhu ejiia kuila a-nda kúfua, maji o ió afu kiá kʼejiia dingi kima kioso-kioso; né ue kisakidilu kia kima, ene kala nakiu dingi; kuma o dixinganekenu diâ, athu a di bhakuila ue kiá o kijimba.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Izaía 29:6

Jihova dia Ilômbo Ieta ua-nda ku ku kana ni inuminu, ni kitungutisu kia mavu, ni kixindu, ni kibhungu kia suína, ni kalemba, ni mulengo ua túbhia, hé i ku buikisa.

Izaía 37:19

jinzambi jâ ja iteka a ji oha mu túbhia; mukonda ki jinzambi, kana; ikalakalu ia ufunu ua maku ma athu, mixi ni matadi; kiene-phe kia ji jikinisina.

Izaía 8:19

Kioso ki a mi ambela: Tenu mizambu, ibhulenu akua kuxingila, ni imbanda, akua kuzuelela ku mazu ni ku di-ngunguina, o mundu mbé ki uibhula kua Nzambi iâ? Manhi kibhidi kia kuata athu a muenhu, mu kʼibhula kua iá a fu kiá?

Matesu 2:20

Balumuka, u katule Kamona ni mamʼâ, uie mʼoxi ia Izalaiele; mbata ió a bhindamenene kujibha o Kamona, afu kiá.

Matendelelu 4:28

Kuene kiua ku mua-nda kua kà xingila mahamba mókalakale ku maku ma athu, o jinzambi ja miẋi ni matadi; ki ji tena kumona, ki ji tena kuívua, ki ji tena kúdia, mba kuívua dizumba.

Dijingunuinu 20:5

(O madifundu amukuá-phe, ka mono luua muenhu, katé ki zubha midi ia mivu kubhita). Didi diene o difukunukinu dia dianga dia kutunda mu ʼalunga.