Izaía 26:10 - O Mikanda Ikola

¹⁰ O mukua-phulu né ua mu bhange mbote, ki kiene ki mu bhangesa o ku dilonga o kidi; katé ni mu ixi ia kuiuka, muene hanji a jijila o kubhanga ufusa, ka xikina kusuua o unéne ua Jihova.

Izaía 26:10 ပူးပေါင်းရင်းမြစ်များ

II Jisobha 13:6

Sumbala kiene, maji-phe ku ituxi ia dibhata dia Jelobouamu, ua bhangesele Izalaiele o ku ta ituxi, ene uâ ka di batuka na-iu, kuma muene uâ mu endela jinga; o muxitu mu Samádia hanji uemana, ka u koka, lémbue.

Jisálamu 106:43

Luavulu muene Ngana ua a kudila; maji ene-phe kene kunanga mu kuxibhaka, enda ni kutunuka mu kudianguka kuâ,

Jisálamu 143:10

Ngi longe kubhanga o vondadi ié, kuma eie-muène u Nzambi iami; o Nzumbi ié iambote a ngʼendese mu kididi kia sokelela.

Jisálamu 69:27

Ku ikuma iâ, a bandekeze-ku dingi ikuma; a lémbue muene kulunga bhu pholo ié.

Makatukilu 8:15

Falaó-phe kia mono kuila kuala hanji kunhoha, u kola dingi o muxima, ka ẋikina ku a evua; kiene kia tange Jihova, kiene.

Makatukilu 9:30

Eie-phe ki ualʼokio, ni akua mbèle ié, nga kʼijiia muene kiambote kuma ki mua-ndo ẋikina luua kukala ni uoma ua Jihova Nzambi.

Makatukilu 9:34

Falaó-phe kia zubha kumona kuma mvula ni matadi ni inuminu ia bhu-ku, u tona dingi kuta kituxi, u kola o muxima, ni muene ni akua mbèle iê.

Jisabhu 1:32

Kuma o kubaluka kua jisemenhi, kene o kalunga kâ; o kubhanduluka kua ioua, kuene kua kà a buikisa.

Ndongixi 3:16

Nga mono ue dingi kulu dia mundu kunu, kuila bhu kididi kia kufundisa bhene bhu kididi kia kuhâma dingi; o bhu kididi kia kubatuila milonga, kuhâma dingi kiavulu.

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Izaía 1:21

Mbonge iami ia kexe fiiele, ia biluka kiebhi kidianzunga, tata! O ki ia kexe, kuiuka kuvula! O kufundisa mu kidi kua tungile moxi diê, maji leluʼidi mueza ijibhanganga.

Izaía 2:10

Ndé, u bokone mu mabanda, ku matadi, nda u suame mu fufuta, phala ulenge o pholo ia Jihova ia madiuanu, ni kujinga kua unéne uê.

Izaía 24:5

Kuma kia kidi kiene oxi ia kasana, mukonda dia iá oso a tungumu; mbata o ijila ka mu i aiuka, o jingonge a ji lungulula, o kikutu kinangenena a ki bulu.

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 32:6

Mbata o seletete uzuela useletete uoso, o muẋima ue u bhanga ima ia kubhuma, ndunge iê o kubhanga mangonha, katé ni Jihova u mu tanga ibhengèle, ukakula mukua-nzala, o mukua-dinhota u mu kambesa o menha.

Izaía 32:7

O jindunge joso ja kinjenje, jaiibha; o muene u funha isunji, mbé o kujikinisa oso a lenduka ni maka ma mangonha, né kiá o phulungu ua zuelʼé ima ia kuiuka.

Izaía 5:12

Mu izokola iâ usanga ni tukóxi, ni tumbânza, ni tungoma, ni jingaieta ni vinhu; kene kusuua kikalakalu kia Jihova, mba ku tongolola ufunu ua ikalakalu ia maku mê.

Jelemiia 2:7

Emiʼeme nga mi bokuesa mu ixi ia idima nda mudie o kibundu kiê ni mbote iê: maji enu-phe ki mua zubha kubokona-mu, oxi iami mua i kasanesa, o undundu uami mua u bhange kima kia ufusa.

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Hozeia 11:7

Mbata o mundu uami uejidila ku ngi baluka; o kia exana kuiza kua Suke-ku, ki bhuala muthu u xikina ku ki bhanga.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 9:3

Mʼoxi ia Jihova ka kà nanga-mu; kuma Ifalaíme ua-nda kualukila ku Ijitu, o mu ixi ia Asídia a kà dia-mu makudia a kasana.

Mikeia 2:10

Katukenu nda muende, mbata bhabha ki bhene bhu kididi kienu bhu mua-nda kunhohena; mukonda dia ituxi i zangiuisa, i zangiuisa muene kiavulu.

Matesu 4:5

Diabhu anga u mu bheka ku mbanza iangene ia Jeluzaleme, hé u mu imanesa ku ditala-èlele dia Tembulu

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Dijingunuinu 2:21

Nga mu bhana o kithangana kia kudiela o ituxi iê, muène-phe nguê kudiela o undumbu uê.

I Samuuele 15:17

Samuuele uixi: Sumbala eie ua tolele ku mesu mé eʼmuene, maji a ku zangeleka-ze mù kala u mutue ua miji ioso ia Izalaiele; Jihova iú ua ku undu kukala u sobha iâ?