Izaía 25:4 - O Mikanda Ikola

⁴ Mbata ua di bhange u kimbaka phala ngadiama ni ió ua tate mu lamba diê; u Dilengelu kiza o kibhungu; u Kilembeketa bhu thembu ia kizuza; kuma o muha ua isueia mukuâ ni kibhungu, ki ki di zubila ku kimbaka.

Izaía 25:4 ပူးပေါင်းရင်းမြစ်များ

Jisálamu 107:41

Maji-phe o phulungu u mu katula mu lusebu, hé u mu tudika ditala dia ujitu, u mu sokolola o muiji kala kilunga kia ibhaku.

Jisálamu 119:31

Nga naminina ku umbangi ué; Eie, u Jihova, kana ku ngi kuatesa jisonhi.

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 121:5

Jihova muene uene mu ku ku langa jinga; Jihova muene ua di bhanga kilembeketa kié, ua ku imanena ku mbandu ia madilu.

Jisálamu 35:10

Ngevu muene katé ni ifuba iami i ki tanga, kuma eie u Jihova ku moneka luiadi! Nanhi u soka-nê mu kubhulula ió uatâte, xi, ni phulungu ni ngadiama, kua ió a mesena o ku a bhûnda?

Jisálamu 55:8

Kindala muene ngeje kulenga kavuanza kâ; anga ngi kala kididi kia kondama, katé bhuoso bhua kà bhitila mvula ia kibhungu.

Jisálamu 72:13

U lendukila o ngadiama ni phulungu ua bhondalala, u kala kibhamuenhu kia iá atate.

Jisálamu 72:4

Ngana hinu u fundisa o jingandiama, ku mundu, u bhulula anʼa jiphulungu a tate; o ngungu u mesena u bhûnda akuâ, a mu katule o mahanha.

Jisálamu 9:10

Oso a ku ijiia o dijina, eie muene u Jihova a ku dielela; kuma, eie Jihova, ku muthu ua kukakula oso a ku kana.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 14:32

O jiphunga ja tundu ku mundu-phe, tu a vutuila kiebhi? A vutuile kiki: Jihova ua tunga Ziione, nda o jihukunhi ku athuʼê, muene mua sanga o dilengelu.

Izaía 16:3

Sota kaiula, bhanga ima ia tetuluka, iudika kilembeketa, mbé kitua muanha ua mediia, kile muene kala mu usuku; kondeka oso a a balakala, oso ala kusota bhuoso bhua nhohena, eie kana ku a tungununa.

Izaía 17:10

Mukonda o Nzambi ié ia Kibhamuenhu ua mu jimbi, kua te dingi muẋima ku Ditadi dié diene ku ku xitila. Kienhiki né uedi u phapha mixi ia uabha kiambote, hé u i tela kikanzo kia kathathala,

Izaía 27:5

Mba bhu kala uoso u ngi-bua o jinguzu, u bhanga paze nʼeme; kiene muene, ió muene u di tambulula nʼeme.

Izaía 28:6

Jihova u kala ue muene unjimu ua uoso u xikama bhu kibhuna kia kufundisa milonga; muene o kimbaka kia oso a sota kuvutula jinguma katé bhu muelu ua sanzala.

Izaía 29:19

Oso a belesela a kà kala ni ngalasa, kutunda ngalasa, kuiza ngalasa, o ngalasa mua Jihova; jiphulungu ku mundu, a kà tanena kua Dilemba dia Izalaiele.

Izaía 29:20

Kuma o kisuéia sai sukilu diê, o semenhi ua kà jikinina, oso a di bhakula mu kubhanga ituxi a kà jima o mbutu;

Izaía 29:5

O jinguma jé ja-nda kukala nzungule kala fufuta, o isuéia ia-nda ku ku vula kala mvindu ia ibhiate isomboka, kindala u tukumuka kia ku iza.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Izaía 33:16

O muthu iú ua kà tunga kididi kia di-leka; disuamenu diê, o jimbongo jótunge ku matadi; a mu bhana jinga kúdia kuê, o menha mê ma kalé.

Izaía 33:2

Jihova, tu kuatele henda, tuene ku ku dielela, éʼmuene; dibhange éʼmuene u lukuaku luetu mu imenemene, u kale ue u ubhulukilu uetu bhu kithangana ki tu konda o ngongo.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izaía 49:25

Maji, Jihova uambe kiki: Kidi kiene, ió a a kutu, a-nda kutunda muene bhu maku ma dizonda, o mbole ia kuata o kisuéia, ia-nda kubhulaka muene; mbata nga-nda kuzoka ni ió oso a zoka nʼeie, o anʼé nga-nda ku a kula.

Izaía 57:13

O ki u dikola, ngiia: o akuenu u ua bhongolola ió, a ku kudile-ze; maji kitembu kia-nda ku a phephulula ene oso, o izala ia-nda ku a hungumuna; maji uoso ua ngi dielela eme, muene ua kà vua oxi, ulundula mulundu uami uangene.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izaía 8:14

Bheneʼobho-phe muene ua-nda ku di-bhanga dibhezelu dienu di kôla; maji ua kà di bhanga ditadi dia kidibhukanu, ndanji ia iẋanju ku mabhata maiadi ma Izalaiele; ua kà kituka mubhetu ni múkala phala iá a tungu mu Jeluzaleme.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Izekiiele 38:9

Kienhokio-phe, ua kà banda, hé ua kʼèza kala kibhungu, anga ua kà di bhanga kala dituta phala kuvungina o ngongo, ni eie ni masoladiʼé oso, ni ifuẋi ia vulu ia ku bande.

Sofoniia 3:12

Nga ka xisa muʼaxaxi kê ió oso a di tululula, ka moneka izala mba ukumbu, o jingadiama; ene a kà kala jinga thembu joso mu dielela o dijina dia Jihova.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.