Izaía 25:2 - O Mikanda Ikola

² Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.

Izaía 25:2 ပူးပေါင်းရင်းမြစ်များ

Jobe 12:14

Muene kia bula, ki bhuala dingi u tena kutunga; o uoso a mu jika kuala muene, kana-ku dingi u tena ku mu jikula.

Izaía 13:20

Ki mua kà kala dingi muthu u tunga-mu, ki mua kà kala u bhanga-mu dingi dibhata ku tunda muiji kuiza muiji; né mukua Alábia ka kà phapha-mu o balaka iê, mba ue kiá ngó abidi kuzekesa-mu o ilunga iâ.

Izaía 13:21

Maji o iama ia mikáu ia kukuta, muene mu ia kà bhanga kibuta kiâ kia kunhohena; o jinzu jâ ja kèzala ni iama ia temanana; mueneʼomo o iminzoue ionéne, muene mu ia kà tunga; ni imbiámbidi ia kà tuka-tuka jinga mueneʼomo.

Izaía 13:22

O iama ia makanda, idila kala imbùngu, ia kènda ni ku di-handekela nʼakuá mu mazemba mâ ma xiala ngó jingundu, o mabheku ue ma kà nanga jinga mu mazemba ma matonokenu mâ; kuma-phe o kithangana kiâ kia zukama kiá ni izuua iâ ue ki ia kà vula dingi.

Izaía 14:23

Muene nga kà mu kitula undundu ua tuhombo ni inzunzu, u di bhanga izanga ia menha; anga ngi kuata kiezu kia dibuikilu ngʼa kombela mu dibuikilu, eme Jihova dia Ilômbo.

Izaía 17:1

Kinemenu kia Damasku. Talesa, Damasku a kà mu katula, phala ka kale dingi mbanza, maji ubiluka dixita dia utôkua.

Izaía 17:3

O mbonge ia Ifalaíme ia kà suka bhenhobho, ni mbanza ia Damasku, ni masubhu ma Sídia; a kà kala mukuâ ni kijingo kia anʼa Izalaiele, kiene kiambe Jihova dia Ilômbo Ieta.

Izaía 21:9

Talenu! Kindala kù kuiza kifuxi kia mala, ni iá a mondala, ala kuiza ku kiiadi-kiiadi. Muene-phe ua kumbulula, uixi: Babilonha ia jimi, ia senguluka muene! Ni iteka ioso ia kusonga, ia jinzambi jê, ia di-vundu bhoxi ii ia bukujuka.

Izaía 23:11

Muene ua senununa lukuaku luê ku musanza ua kalunga, mautuminu ua ma titidisa; Jihova ua bhana ngonge ia kúlua Kanana, phala o jimbonge jê jiie bhoxi.

Izaía 23:13

Talenu o ixi ia Kaldeia; o mundu iú ki u di bhangele luua mundu; Asídia ua i andekela phala oso a tungile mu kikangalakata; a iudika jimbonge jê, ia a tungu o mazemba mê; maji kindalʼiki-phe ioso muene ia budika kiá.

Izaía 24:10

Mbanza ia xala ngundu, kiki ió bula-bule, jinzo joso muene ja ku jika, ki bhuala dingi u tena kubokona.

Izaía 25:12

Jimbonge ja di-leka ku imbaka iê, muene ua-nda ku ji tulula, anga u ji tununa, u ji lundumuina muene bhoxi, katé ki ji kituka fufutila.

Izaía 26:5

Kuma athu a tungu ku ididi ia di-leka, muene u a tulula; o mbanza ioso ia di-zangeleka, ua kà i tululula katé bhoxi, anga u i lundumuna katé ki i kituka fufuta.

Izaía 27:10

Kuma o mbanza ia di-fikidilʼoio, ia xala ubheka, ia kituka dibhata dia uʼehèlele, a i ambudisa mukuà ni kikangalakata; o tuana tua jingombe tua kà dila mueneʼomo, tua kà zeka mueneʼomo, anga tua kà butulula muene o jithangu jê.

Izaía 32:14

Mbata dizemba dia kà xala ngundu, muxindu ua diembu ua-nda kubhua-ku; Ofele, ni tuthondo tua tungudita tua alangi, tua kà xala jingenda katé ku hádia, tu kala phala matonokenu ma mikete ku mukáu, ni makêla phala ibhaku,

Izaía 32:19

Maji né hanji ki u kulumuka mu muxitu kua kà noka mvula ia matadi, anga diembuʼodio di senguluka katé dia buila.

Izaía 34:13

O mu mazêmba mê mua kà sabhuka minha, ni kasausau ni kisoma u i sanga mu jimbonge jê; ia kà kala ibuta ia mabheku, dinangenu dia anʼa kihendembumba.

Izaía 37:26

Nzambi phe, uixi: Manhi kua kʼivu kuila nga bhange kiki mʼukulu hanji uila kiluua kʼiza-bhu, tunde mu izuua ia xahulu eme nga ki xinda kiá? Kiki-phe, nga ki kumbidila, phala eie u buikise jimbonge ja di-fikidila, nda u ji bhange maxita.

Jelemiia 51:26

Momuʼè ka kà katula-mu ditadi dia thungi mba ditadi dia ku tela madisesa, mukonda eie ua kà kituka o ngùndu i nangenena; kiene kia tange Jihova.

Jelemiia 9:11

Jeluzaleme-phe nga-nda ku mu kitula jindunji ja matadi, dibhata dia midikixi, o madiembu ue mu Juda, ngi maxa jingundu, katé ki mu kala dingi muthu u tunga-mu.

Matendelelu 13:16

Anga mu bhongolola o umonhi uoso u mua sange-mu anga mu u tula mu kaẋi ka dikanga; anga mu ila ni sanzala iene ni umvuama uê uoso mu u ximika mu túbhia, ki ku subhuka kima. Sanzalʼoio ikala kiá ngoho dixita di nangenena, ki bhuà kala dingi, muthu utunga-mu.

Dijingunuinu 18:19

Ene anga a di kunga mavu mu mítue, a di kola, a ta mbûndu, exi: Uaué! Uaué! O mbanza ia dikota, tata, mua kexile kumuena itadi akua jinaviiu, mukonda dia umvuama uê! Mu kumbi dimoxi, ua biluka ngûndu!