Izaía 25:1 - O Mikanda Ikola

¹ Jihova, Tata, eie muene u Nzambi iami; ngi ku zangeleka muene, o dijina dié ngi di ximana jinga, mukonda ua bhange madiuanu; ima i ua tanga, mʼukulu kidi, iakuata, iakolo.

Izaía 25:1 ပူးပေါင်းရင်းမြစ်များ

Jisálamu 111:4

Ikalakalu iê ia madiuanu ia xala muene fuma; Jihova ualenduka, u kuatela henda.

Jisálamu 118:28

Eie-eie u Nzambi iami, eme ngi ku sakidila jinga muene; eie-eie u Nzambi iami, eme ngi ku jîngisa jinga.

Jisálamu 145:1

Nga ku zangeleka, eie u Nzambi, u Muenexi uami; ngi tumbula jinga o dijina dié, kutunda muiji kuiza muiji.

Jisálamu 146:2

Katé bhuoso bhu ngà laiela, nuka ngà kamba kuximana Jihova; ngimba jinga o diximanu dia Nzambi iami, katé bhua kà ngi suka o muenhu uami.

Jisálamu 31:15

Mukonda o ithangana iami iala bhu maku mé; ngi kudile bhu maku a jinguma jami, ni kua ió ala ku ngi zuididika.

Jisálamu 40:5

Jihova, Nzambi iami, madiuanu mé mavulu mʼu ua kalakala, ni mabanzelu mé ma ku tu banza etu; kana-ku dingi muthu tu ku fika-nê; mabanzelu mé se tuambe ku a tanga ni ku a tumbula mu dimoxi-dimoxi, ki bhuala muthu u tena ku a kuata konda.

Jisálamu 40:6

Kusata mienhu, ni kubhakula idima, eie ki kuene kua ku uabhela, kana; maji, bhenhobho ua ngi xitununa o mátui; sata ia kuoha, ni ia kuluulula, ki iene i ua ngi bhingi.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Jisálamu 75:2

Eme kioso ki ngi bhixila bhu thembu iatokala, kiene ki ngi batula o milonga mu uiukilu uê.

Jisálamu 78:4

Etu uetu ki tu i dingila anʼâ, tu tangela muiji uengi ueza-ku o fuma ia Jihova, ni uzonda uê ni madiuanu mê ma kalakala.

Jisálamu 89:1

Ngʼimba jinga jihenda ja Jihova, o ufiiele ué ngi u tanga muene ni dikanu diami, kutunda muiji kuiza muiji.

Jisálamu 98:1

Imbilenu Jihova muimbu uobhe; kuma Muene ua bhange madiuanu; lukuaku luê lukôla, luene lua lende o jinguma.

Jisálamu 99:5

Jingisenu Jihova Nzambi ietu, mu diundilienu bhu kibaka kia inama iê; mukonda muene ukôla.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Izaía 11:5

O kubatula kua iuka kuene kua kà di bhanga o phonda ia mbunda iê, o kidi kiene kia kà kala phonda ia kinhonga kiê.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 26:13

Jihova, Nzambi ietu, tata! Kia dikalela kiua jingana jengi kiá, ja mu tu tumina, maji hanji, mukonda dia Eie ngó, dijina dié ki tua di landuka.

Izaía 26:8

Eie Jihova, tuala ku ku kingila katé ni mu jinjila ja matetuluilu mê; o ku ku tumbula dijina ni ku ku-inda, iene o vondadi ia miẋima ietu.

Izaía 28:29

Ima ioso iii muene, i tunda kua Jihova dia Ilômbo Ieta; kuma kulongesa kuê-muène kua madiuanu, o kikalakalu kiê u ki bhanga ni kuijiia kuavulu.

Izaía 40:27

Eie-phe, Jakobo, u ki tangela-hi, nʼeie u Izalaiele, u ki zuelela-hi, ni kulongolola kuamba: Manhi bhu ngala kubhitʼabha, Jihova kejiia-bhu; o mulonga uami uala ku di bhitila, Nzambi iami ua lémbua ku uijiia?

Izaía 46:10

ngi mukua kutanga o dizubhilu tundé kiá bhu dimatekenu, tundé mu xiahulu muná ngi tanga ima kiluua iiza-ku; ngixi: Phangu iami inangenena, ngenda ni kubhanga vondadi iami ioso;

Izaía 46:11

ngʼixana holokoko tundé mu thunda-mbulu, o muthu ngi ta-nê phangu iami, u tunda ku maẋokololo; mukonda kiene ki nga tange, kiene ki kia kà bhita; eme nga ki xindi, nga kà ki bhanga muene.

Izaía 49:4

Eme-phe, ngixi: Nga tale ngó hadi mu ku kalakala, nguzu iami nga i zange mu kingoho, i ia di-boto. Maji né kieneʼokio, kulûnga kuami kuala kua Jihova, o kisakidilu kiami kiala ni Nzambi.

Izaía 49:5

Kiki-phe, Jihova, ua ngʼumbile ki ngala hanji mu mala, phala kukala selevende iê, uixi: Ngi bhekele dingi Jakobo, uize-nê bhabha; maji o Izalaiele-phe ka diehela ku mu bhongolola; maji-phe bhu pholo ia Nzambi a kà ngi jingisa, Nzambi iami muene uà kala nguzu iami.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 7:13

Muene-phe, uixi: Kindala ivuenu, enu mu dibhata dia Davidi: O ki mua mu tatesa athu ki kia mi soko, hanji mu tatesa dingi Nzambi iami?

Jouele 2:26

Hé mua kà dia ima ia ndumba anga muikuta, ni mu kale mù ximana dijina dia Jihova Nzambi ienu, ua mi bhangela ima ia madiuanu kala iii; kieneʼokio mundu uami ka kà kala dingi ni sonhi.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Efezo 1:11

Mukonda o ima ioso a i bhanga kala kia i xindi Nzambi mu ikanenu iê. O muène iú ua tu solo kukala tu mundu uê, mu kuongama kuetu ni Kristu, kala kioso kia mu kala mu vondadi iê, kia ki sola Muène tunde ku dimatekenu.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.

Dijingunuinu 7:12

exi: Kidi muén! Amén! Ni diximanu, ni fuma, ni ungana, ni kuijiia, ni kisakidilu, ni ujitu, ni ukota, ni uzonda, uangene ua Nzambi ietu katé ku hádia ni hádia! Amén!