Izaía 24:9 - O Mikanda Ikola

⁹ Kʼanda kúnua dingi vinhu ni kuimba; o uhôlua u kodiuisa kinéne oso a u nua ua kà a ludila.

Izaía 24:9 ပူးပေါင်းရင်းမြစ်များ

Jisálamu 69:12

A xikama bhu njangu, eme muene ngi diba diâ dia maka; ngaii kiá ni mu muimbu ua jihôlua.

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Izaía 5:20

Lamba dia ió oso o kuzanga a ku ixana mbote, o mbote aʼixana kuzanga; o kitombe a ki kita mukengeji o mukengeji a u kita kitombe; o kialulu exi, kiatouala, o kiatouala exi kialulu!

Izaía 5:22

Lamba dia ió oso a di bhanga indanda mu kúnua o vinhu, o bhuala o kuketa makiákia, usanga a handamana,

Izekiiele 26:13

Hé nga kà zubhaku o kilungutu kia mimbu ié, o dízui dia tukoxi tué, ka kà dʼivua-ku dingi.

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Amoji 8:3

Maji-phe o mimbu ia Tembulu mu kizuʼokio ia kà di bhanga jingololo. Jihova Nzambi ua ki tange; o imbi ia kà vula; ku jimbandu mu ididi ioso a kà texila-mu imbi ia athu mu kasuèkele. Anga mʼoxi ioso muila ni muene hudí!

Zakadiia 9:15

Jihova dia Ilombo Ieta muene ua-nda ku a xitila; akua kubhânga ni jimbalafunda a-nda kua kà a jikinisa anga a a titidila muene bhoxi; o manhinga mâ a kà ma nua kala vinhu; a-nda kua kèzala kala jímbia ja sata, a kèla muene kiololo kala bhu jithungi ja Kalatódio.