Izaía 24:5 - O Mikanda Ikola

⁵ Kuma kia kidi kiene oxi ia kasana, mukonda dia iá oso a tungumu; mbata o ijila ka mu i aiuka, o jingonge a ji lungulula, o kikutu kinangenena a ki bulu.

Izaía 24:5 ပူးပေါင်းရင်းမြစ်များ

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

II Jisobha 21:12

kala kiki, o Jihova Nzambi ia Izalaiele, uambe kiki: Tala-phe nga-nda kubheka kima kia ibha mu Jeluzaleme ni mua Juda, kia bhingi kuila uoso u kʼivua, o mátui ene kiiadi kiâ aia ni ku mu di-taiela.

II Jisobha 21:15

mukonda a bhange kia ibha ku mesuʼami a kumona, ia a ngi lokalala o njinda iami, tundé mu kizuua kià tunda o jitata jâ mu Ijitu katé mu kizuua kia lelu.

II Malunda 33:9

Anga o sobha Manasa u tondalesa luavulu Juda ni iá a tungu mu Jeluzaleme, katé ene a beta o kubhanga kia ibha o miji ia matumbu ia buikisa Jihova bhu pholo ia anʼa Izalaiele ndenge.

Jisálamu 105:10

Anga u ki tonena dingi kua Jakobo, kí kia xala kijila, ni kua Izalaiele mu kikutu ki nangenena,

Jisálamu 55:5

Kua ngʼiza kubhuuama ni kuteketa, nga bhondalala ni kikote!

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Izaía 30:9

Mukonda athu iâ kuhuka kuvula, ni makutu ana iá, ana a di tunu kuívua o ngonge ia Jihova.

Izaía 33:8

Ikoka iabolo, o jingenji ja kuenda, mu njila a batuka-mu; nguma o kikutu ua ki bulu, o madiembu ua mʼehelela, ka mu suua dingi muthu.

Izaía 50:1

Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Jelemiia 11:10

A vutukila ku uséia ua jitata jâ, athu a di tunine kuivua o maka mami; ia a kaiela o jinzambi jengi phala ku ji bhikila: Dibhata dia Izalaiele ni dibhata dia Juda, kikutu kiami a ki selula, ki nga tele ni jitata jâ.

Jelemiia 50:5

A kʼèbhula njila ia Ziione, kueneʼoko kuene kua talela jipholo jâ; hádia a kʼèza anga a kà di bunda kua Jihova mu kikutu ki nangenena kia bhingi ki mungu dingi a ki jimba.

Izekiiele 16:59

Mukonda o Jihova Nzambi uambe, kiki: Kioso ki ua bhange, eme ue hádia kiene ki nga-nda ku ku bhanga, mbata o mulôko u ua-te ua u lokola, eie ua bulu o kikutu.

Izekiiele 20:13

Maji-phe o dibhata dia Izalaiele a ngi ẋinukina mu kikangalakata, hé a di tuna o kuenda mu jingonge jami, o mabatuilu mami a ma tènde, a bhingi se o muthu u aiuka, muene mua muena o muenhu; o jisabhalu jami a ji sebulula kinéne; anga ngiia ngixi: nga-nda ku lundulula o njinda iami ku thandu diâ mu kikangalakatʼumu, phala ku a jikinisa.

Izekiiele 20:24

mbata o mabatuilu mami ka ma bhange, o ngonge jami a ji tènde, ia a sebulula o jisabhalu jami, o mesu mâ a ma lungisa mu ku kaiela o iteka ia mahamba ma jitata jâ.

Izekiiele 37:26

Anga nga kà ta-nâ kikutu kia uembu; kiene ue kia kà kala kikutu ki nangenena; nga kà a phapha muene, nga kà a sokolola, o kididi kia dibhezelu diami hé nga kà ki tula muʼaxaxe kâ katé ku hádia ni hádia.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Daniiele 9:10

O dízui dia Jihova, Nzambi ietu, ki tua di tumaka, phala ni tuendele mu jingonge jê, ja tu tambuisa bhu lukuaku lua jiselevende jê, o jipolofeta.

Daniiele 9:5

etu tuate ituxi, tua bhalumuna mulonga, tua bhange kubhukumuka, tua ku balukila, o mu ijila ié tua tundumu ni mu itumu ia mabatuilu mé;

Hozeia 6:7

Maji ene o kikutu a ki matuka, kala kia bhange Adá; ia a ngi balukila, ni ku ngi bhanga phulu.

Ijila 20:22

Bhakenu o jingonge jami joso jenhiʼji ni mabatuilu mosoʼama ku miẋima ienu, muende ni ku ji bhanga, phala oxi iná ku ngala ku mi bheka, mu kutunga ni kusoma, enu uenu ki i mi luse.

Ijila 26:35

Mukonda mu izuua iê ioso ia kusenguluka kuê itambula dinhohenu; kuma iene ialembuele kunhoha mu ʼsabhalu jenu, kioso ki mua kexile-mu enu.

Mikeia 2:10

Katukenu nda muende, mbata bhabha ki bhene bhu kididi kienu bhu mua-nda kunhohena; mukonda dia ituxi i zangiuisa, i zangiuisa muene kiavulu.

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Matendelelu 32:20

Uixi-phe; Ngʼa suekela pholo, ngi mone hanji o zubhilu diâ; mbata a di bhange muiji ua lusébu, ana kamoneka ufiiele moxi diâ.

Jihebeleu 13:20

Kiki-phe Nzambi ua fukununa Ngana ietu Jezú mu madifundu, o mukonda dia kufua kuê, muène o Mubidi ua Dikota ua jimbudi. Uila kiki, mu manhinga ma Jezú, o kikutu ki nangenena a ki kolêsa ni kidimbu.

Jihebeleu 9:1

Katé ni kikutu kia dianga mʼukulu kia kexile ni ijila ia ubhezelu, anga ki kala ue ni kididi kiê kià ngene kia kubhezela.

Josuué 23:16

Kioso ki mu matuka o kikutu kia Jihova Nzambi ienu, kia mi tendelela, anga muia, mu kuata kubheza nzambi jengi, ni ku ji fukamena, kiene kia kà mi uamena o njinda ia Jihova ku thandu dienu, anga mu tukumuka mua jimi o mbutu, o ixi ia uabha ia mi bhele mua i xi.

Josuué 24:25

Kienhiki Josuué, bhu kizuua kienhókio, mu Xikeme, kikutu ua ki kuatesa kiambote ni kifuẋi, iu ua ki xindi kuila kikale kijila ki nanganena.