Izaía 24:3 - O Mikanda Ikola

³ Oxi ia kà kukumuka muene, ki mu xala kama, a kà i bhûnda, mbata Jihova ua tange kizuelu kiki.

Izaía 24:3 ပူးပေါင်းရင်းမြစ်များ

II Malunda 36:21

Mbé o kizuelu kia Jihova ki tenene kia tange ku dikanu dia Jelemiia, katé bhuoso ixi bhu ia kà uabhela dingi o jisabhalu jê; o mu izuua ioso ia kibuika, iene ia nhoha; katé kia tenena o makuinhi sambuadi a mivu.

Izaía 21:17

O a subhuka ku mundu ua iá a kuatele mifula, o ilôlo ia anʼa Kedale, a-nda kutunuka muene, kuma kiene kia kiambe Jihova, Nzambi ia Izalaiele.

Izaía 22:25

Mu kizuuʼokio-phe, eme Jihova dia Ilombo Ieta, o pheleko ia phaphele bhu kididi kia kôlo a kà i katula: anga a i vuza, i laúka; o kimbamba kioso kia nhengene-ku kia kà sutunuka, kabasa Jihova ua ki ambe.

Izaía 24:1

Talesa, Jihova, ua kà kukumuna oxi anga i xala ngoho, ua kà i bhanga ngundu, o ku thundu diê u tandanganhesa-ku, u i bonguesa, oso a tunga-mu ua kà a muanga.

Izaía 24:2

Kioso kianda kubhita na-kiu o mundu, kiene ue kia kà bhita na-kiu o nganga; kikala o selevende, kiene ue kià kala ngana iê; kikala o kahatu, kiene kià kala ngana iê ia muhatu; kikala o musumbi, kiene ue kià kala o musumbixi; kikala o musobhexi, kiene ue kià kala o musobhi; kikala u bhana dikongo ni kuvualesa, kiene ue kià kala uoso u futa dikongo ni kuvualesa.

Izaía 24:4

Oxi ia-nda kuta jingololo, anga i xoueta; ngongo isekala, hé i xoueta; ilamba ioso iònene mu ixi, ia kà iokojoka.

Izaía 42:22

Maji o athu iá, athu ònhane, óbhunde; ene oso a a kutila mu jingenda, ia a a sueka mu jinzu ja makuikilu; a a bhange mbole, u a kudila ka moneka; ela kala imbamba ia kubhunda, ki bhuala uila: Vutula, nguetu!

Izaía 5:6

Ngi di bilula kikangalakata; ki bhua-nda kukala dingi ku di sola jithangu; ku di tela ue mavu bhu ixina, kana dingi; inda mu sabhuke kiá isasa ni misonge ia minha; ngʼa mbela ue matuta, phala ka noke dingi mvula ku thandu diê.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Jelemiia 13:15

Batekelenu, mu bhane mátui: ki mu di zangeleke; kuma Jihova ua zuela.

Izekiiele 36:4

kala kiki, enu mu milundu ia Izalaiele, ivuenu o maka ma Jihova Nzambi: O Jihova Nzambi ua tange kiki ku milundu ni ku tuthuthulundu, ku jingiji ni ku jihonga, ku ididi iòbilule jingùndu ni mu ididi ia xala ngoho, ni ku jimbanza ja uehelèle, ji ja kituka dibhundilu ni môndo ua akua jixi a subhuka iá a tungu mu jimbandu jâ;

Mikeia 2:4

Mu kizuuʼokio a ka mi tela kixanga ni ngololo ia kudila, exi: Tua kakuka, tua suku! Ua mono ni mbandu ia tokala akua muiji uami, muene iú u i lungulula! Tala kia ngi bomona! mikáu ietu ua tu tambula-iu, iu uala ku i uanena athu engi!

Mikeia 4:4

Maji a kʼèla kiá, muthu uxikama bhoxi dia muvide uê, muthu uxikama bhoxi dia mufiku uê, o u a kuatesa uôma ka moneka, mukonda dikanu dia Jihova dia Ifuẋi diene dia ki tange.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

Matendelelu 29:28

Jihova ue, iu ua a katula ni njinda ni kutema, ni kudimbuluka kuònene, iu ua a takuila kʼoxi iengi, kala ki kia di monekena leluʼiki.