Izaía 24:23 - O Mikanda Ikola

²³ O mbeje ia kà sonoka pholo, dikumbi dia kà kakuka, kioso Jihova dia Ilombo Ieta kia kà hinga o ungana ku mulundu ua Ziione, ni mu Jeluzaleme; kienhokio bhu pholo ia ikulakaji iê bhua kà kala fuma.

Izaía 24:23 ပူးပေါင်းရင်းမြစ်များ

Jisálamu 97:1

Jihova ua hingi ungana uê; ixi ioso i tane-ku! Ni mu ikolo iê iavulu a kale ni ngalasa.

Makatukilu 15:21

Midiiana anga u tambuijila, uixi: Imbidienu Jihova o kikóue kia undanda; kuma ni kabalu ni iú ua sambela-ku, ua a texi mu menha.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 33:17

Eie o mesuʼé a kà mona Muenexi mu uuabhelu uê, a kà kengelela ue oxi ia di zale ku makanga.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Izaía 60:1

Phaphumuka, u muike; mbata mukengeji ué iu uiza kiá, o kubenha kua Jihova ku banda kiá ku thandu dié.

Izaía 60:19

Dikumbi ki diene dingi di ku muikina mu muanha, o mbeji ue ki iene ia kà ku muikina ni mueje uê; maji Jihova muene ua kà di bhanga mukengeji ué ua kalelà-ku, o Nzambi ié muene u kala o kizûnda kié.

Izaía 60:20

Dikumbi dié ki dia kà fua dingi; o mbeji ié ki i xikina kuia ku mujijima, kuma Jihova ua kà di-bhanga muene mukengeji ué uxalelà-ku; o izuua ié ia lutu bhenhobho ia suku.

Izekiiele 48:35

Kuinhi dia midi ni nake dia jikóvadu mu jimbandu; o dijina dia mbonge, tundé kiá mu kizuua kienhókio, a kà i luka, exi: Jihova bhene bhuala, mba, Jihova iu bhabha.

Daniiele 7:18

Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Jouele 2:31

Dikumbi dia kà kituka kitombe kia usuku, o mbeji i di bhanga manhinga, kioso hanji ngó kizuua kia dikota kia Jihova, ki kuata uoma, kiluua ki bhiẋila.

Jouele 3:15

Ni dikumbi ni mbeji a kà xiketela, jithéthembua ja kà lémbua o kubenha.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Zakadiia 14:6

Anga kia kà bhita-phe kuila, bhu kizuuʼokio, ki kuá kala dingi mukengeji, maji mbàmbi ngó ni menha a di kuata matadi.

Zakadiia 14:7

Kia kà kala kizuua kia ngene kia Jihova ngó, kia di tungula; o ukalelu uê kuà kalʼé ngó muanha kana, o usuku kana; kuma ni mu usuku, hanji kuzela kukuê.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Matesu 6:10

Utuminu ué uize. Vondadi ié a i bhange bhoxi, kala kiala ku i bhanga ku diulu.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 14:1

Kienhókio anga ngi talesa, ngi mona Kambudi uemana ku Mulundu ua Ziione. Anga kukala athu kumoxi ni Muène, hâma ia midi ni makuinhi auana ni midi jiuana, ala ni dijina diê ni dijina dia Tata iê, òsoneke bhu mabhômo mâ.

Dijingunuinu 19:4

Bhenhobho o makuinhi aiadi a kikulakaji ni iuana, ni iama iuana ia muenhu, anga a di bhala, a bheza Nzambi ua xikama bhu kiandu, exi: Amén! Ximanenu Nzambi!

Dijingunuinu 19:6

Kienhókio anga ngʼívua kala dízui dia mundu ua dikota, mba kala dízui dia dibhubha dia menha, mba kala dízui dia kinuminu kia suina kia nzaji, dixi: Ximanenu Nzambi! Mukonda o Ngana, Nzambi ietu, Muteni-a-Ioso, muène Sobha.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.