Izaía 24:20 - O Mikanda Ikola

²⁰ Oxi ia kà bhendujuka muene kala hôlua, itunguta, itona, kala kitelembe a ki nhikisa mʼusuku; mulonga uê a kà u xina ku thandu diê; anga idibhala; o ki iia kiá bhoxi, ki ia kà bhetuka dingi.

Izaía 24:20 ပူးပေါင်းရင်းမြစ်များ

Dimatekenu 41:31

O kuxinganeka ngó kuikuta mba nzungule ia makudia, mu ngongo ki kià kala-mu dingi, mukonda dia nzala ia-nda kuiza-ku, kuma i kala muene kiaúla.

Jobe 12:25

Mua vundu aia ni kubabajala, mukengeji ka u mono; anga u a bhangesa kubhendajala kala jihólua ja kodiua.

Jisálamu 107:27

A kala ni munhunga, a bhendujuka kala jihólua, jindunge jâ joso ja a muangana.

Jisálamu 38:4

Mukonda ikuma iami ia ngi bhiti ku thandu, nga jikinina muene; ia ngi xina ni iene kala kimbamba kia dikota.

Izaía 1:28

Maji atondadi, ni akua-ituxi-phe, a kà a buikisa kumoxi; ni ió oso a xisa Jihova, a kà jima mbutu.

Izaía 1:8

Monʼa kilumba mu Ziione, ua xalela mukuâ ni fundu mu mábhia a mivide, kala muionga mu mulenga ua manhungu, uedi kala ki kala o mbanza iòkondoloke ku jinguma.

Izaía 19:14

Jihova ua a lunduluila kiá nzumbi ia mudiangu, ene ia a bhangesa Ijitu kutondala mu ibhangelu iê, mukuâ ni hôlua kioso ki i di-kundumuina mu induxila iê ia lusu.

Izaía 24:1

Talesa, Jihova, ua kà kukumuna oxi anga i xala ngoho, ua kà i bhanga ngundu, o ku thundu diê u tandanganhesa-ku, u i bonguesa, oso a tunga-mu ua kà a muanga.

Izaía 28:7

Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Izaía 29:9

Kokolokenu, mu diuane! Sangulukenu, mu dikole! A kodiua, maji ki vinhu ia a kodiuisa! A bhendujuka muene, maji ki ualende ua ki bheka.

Izaía 38:12

O thembu iami ia kulaia ia ngi bhu, a ngi sondolola-iu muene mukuâ ni kia sondolola o muionga ua kafunga. O muenhu uami nga u batula kala mutungi-a-thanga kia batula o lungoji lua fio iê; muene u ngi batula mukuâ ni ua ngi batula ku mulongo ua thanga; uandekela mu kimene, o kutula mu ngoloxi ua ngi zubha.

Izaía 43:27

Tatʼenu ua diangele-ku uate kutuxi, o alombolodiʼê a ngi tondalela.

Izaía 66:24

Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Jelemiia 25:27

Mbata eie ua kà a tangela, kuila: Kienhiki kiambe Jihova dia Ifuẋi, Nzambi ia Izalaiele: Nuenu, mu kodiue, mu di lusile, mu dibhale bhoxi, mu lémbue ku balumuka-bhu, mukonda dia xibhata i nga-nda ku mi tumikisa eme.

Jelemiia 4:24

Tala, nga kengelela milundu, nga i mono i teketa; o malundu me moso ma di nhika-nhika.

Jelemiia 51:29

Kieneʼokio-phe o ixi ia kà teketa, mbata o ixinganeku ioso ia Jihova ia nguzu mu kuzoka ni Babilonha, phala kubhangesa kuila ixi ia Babilonha i kala ngùndu ki i mono athu a tunga-mu.

Jelemiia 8:4

A tangele dingi: Jihova uambe kiki: abha athu a di bhalelà-ku kiá, kene dingi ku balumuka? A bhambukilà-ku kiá, ka vutuka dingi?

Kuditenda 1:14

O kanga ia itondalu iami, a ngi kutila na-iu ku thandu kuala o lukuaku luê; o itondalu iami ioso iothangune muene, iá a ngi tudika-iu mu xingu; o muene iú ua ngi iokola, nguzu ioso ia ngi bhu; Jihova iu ua ngi bhakula ku iiala ia bhingi kuila bhu maku mâ, ki nga-nda kutena dingi kusutunuka-bhu.

Daniiele 11:19

Anga ua kà lunga kiá pholo ku jimbonge ja oxi iê-muène, bhuene bhua kà di-bhukanena, anga u di bhana kibhalu, muthu hé uendelela muene, nuka dingi a moneka.

Amoji 8:14

Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.

Nahumu 1:5

Bhu pholo iê milundu ia makota itunguta, o milundu iofele isengumuka; oxi ia kà di nhikisa bhu pholo iê, ni ngongo, ni oso a tungu-mu.

Dijingunuinu 18:21

Anju ia kindanda anga u zangula kiditadi, mukuâ ni ditadi dia dikota dia kuhuhila, anga u di takula mu menhʼa kalunga, uixi: Kiene muenʼiki, mukuâ ni kibhalu kia dikota, kia-nda kubobesa na-kiu Babilónia, o mbanza ia dikotʼoio! Ki mungu i tena dingi kumoneka ku mesu!