Izaía 24:19 - O Mikanda Ikola

¹⁹ Oxi ioso ia kà budika, ia kà sekala kuene kuoso; i setuka muene, bhu kididi kiê ki i kalabhu.

Izaía 24:19 ပူးပေါင်းရင်းမြစ်များ

Jisálamu 75:3

Ixi né ia botomoka ni ene athuʼê a tungu momo, eme-phe eme-muène ngi kuatesa o jingunji jê. (Selah.)

Izaía 13:13

Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Nahumu 1:5

Bhu pholo iê milundu ia makota itunguta, o milundu iofele isengumuka; oxi ia kà di nhikisa bhu pholo iê, ni ngongo, ni oso a tungu-mu.

Habakuke 3:6

Uemana, anga u kala mu kuzonga ixi; ua tale, iu ua uanununa o miji; o milundu iòkulu i sekumuka anga i kituka fufuta, o tu-thuthulundu tua makulu ni makombe, tu senguluka, anga tu jikinina, maji o jinjila ja Nzambi ja kaiela-ku.

Dialuilu 16:31

Anga ki bhita-phe muene kuila, kioso muene kia zubha o kuzuela o maka oso iâ, o mavu a kexile bhoxi diâ a di zenge anga a jikuka.

Dialuilu 16:32

Anga oxi i jikula o dikanu diê, hé i a habula kumoxi ni jinzu jâ, ni athu oso kiá a tokalele Kola, ni jimbongo jê joso.

Matesu 24:3

O kia xikama ku mulundu ua Midiva, jixibulu jiza kua muène ubheka uâ, exi: Tu tangele, ima iíi mba ia kà bhita thembu kuxi? Kijimbuete kiê kiahi, kia kutukuluka kué, ni kia dizubhilu dia mundu?

Matendelelu 11:6

ni kioso kia bhange kua Datane ni Abilame, anʼa Eliiaba, monʼa Lubene, kioso kia bhanene oxi mu kanu, anga i a minha, ni ene ni mabhata mâ, ni jibalaka jâ, ni ioso i akexe na-iu ia a tokalele ene muʼaxaxe ka Izalaiele ioso;

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

II Phetele 3:12

Mu kale mú tala, mu kale mu kinga o Kizuua kia Nzambi kiandù tukuluka kindala. O kizuuʼ okio kia kà bhinga o maúlu ma kà uama, hé ma buila ku tubhia, o iiudikilu iê ia kà sengumuka ku munza uatema.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.